കാ​ലി​ക്ക​ട്ട് സ​ർ​വ​ക​ലാ​ശാ​ല കാ​ന്പ​സി​ൽ ജീ​വ​ന​ക്കാ​രും ഓ​ട്ടോ​ഡ്രൈ​വ​ർ​മാ​രും ത​മ്മി​ൽ വാ​ക്കേ​റ്റം
Tuesday, June 25, 2019 12:31 AM IST
തേ​ഞ്ഞി​പ്പ​ലം: കാ​ലി​ക്ക​ട്ട് സ​ർ​വ​ക​ലാ​ശാ​ല കാ​ന്പ​സി​ൽ ജീ​വ​ന​ക്കാ​ര​ന്‍റെ കാ​ർ ഓ​ട്ടോ​റി​ക്ഷ​യി​ൽ ത​ട്ടി​യ​തി​നെ തു​ട​ർ​ന്ന് വാ​ക്കേ​റ്റം. സം​ഭ​വ​ത്തെ തു​ട​ർ​ന്നു ജീ​വ​ന​ക്കാ​രും ഓ​ട്ടോ​ഡ്രൈ​വ​ർ​മാ​രും സം​ഘ​ടി​ച്ച​തോ​ടെ പ്ര​ശ്നം സ​ങ്കീ​ർ​ണ​മാ​യി.
ഒാട്ടോയും ജീവനക്കാരന്‍റെ കാറും തേ​ഞ്ഞി​പ്പ​ലം പോ​ലീ​സ് ക​സ്റ്റ​ഡി​യി​ലെ​ടു​ത്ത​തോ​ടെ ഓ​ട്ടോ​ഡ്രൈ​വ​ർ​മാ​ർ പ്ര​തി​ഷേ​ധ​വു​മാ​യി രം​ഗ​ത്തെ​ത്തി. ഉ​ദ്യോ​ഗ​സ്ഥ​ര്‌ ഓ​ട്ടോ തൊ​ഴി​ലാ​ളി​ക​ളോ​ടു മോ​ശ​മാ​യി പെ​രു​മാ​റു​ന്ന​ത് പ​തി​വാ​ണെ​ന്നും ഡ്രൈ​വ​ർ​മാ​ർ പ​റ​ഞ്ഞു. എ​ന്നാ​ൽ ഇ​ക്കാ​ര്യ​ത്തി​ൽ ജീ​വ​ന​ക്കാ​ർ പ്ര​തി​ക​രി​ക്കാ​ൻ ത​യാ​റാ​യി​ല്ല. കാ​ന്പ​സി​ലെ ലൈ​ബ്ര​റി​ക്ക് സ​മീ​പം ഓ​ട്ടോ​റി​ക്ഷ​യും സ​ർ​വ​ക​ലാ​ശാ​ല ഉ​ദ്യാ​ഗ​സ്ഥ​ന്‍റെ കാ​റും ത​മ്മി​ൽ ത​ട്ടി​യു​ണ്ടാ​യ​തോ​ടെ​യാ​ണ് പ്ര​ശ്ന​ങ്ങ​ൾ​ക്കു തു​ട​ക്കം. ഓ​ട്ടം വി​ളി​ച്ചു വ​ന്ന ജീ​വ​ന​ക്കാ​രി​യെ ഇ​റ​ക്കാ​ൻ നി​ർ​ത്തി​യി​ട്ട ഓ​ട്ടോ​യി​ൽ പാ​ർ​ക്കിം​ഗി​ലേ​ക്ക് ക​യ​റ്റാ​ൻ ശ്ര​മി​ക്കു​ന്ന​തി​നി​ടെ കാ​ർ ത​ട്ടു​ക​യാ​യി​രു​ന്നെ​ന്നും ഇ​യാ​ൾ ഡ്രൈ​വ​ർ​ക്കു നേ​രെ ത​ട്ടി​ക്ക​യ​റു​ക​യും പോ​ലി​സി​ൽ പ​രാ​തി ന​ൽ​കു​യാ​യി​രു​ന്നു​വെ​ന്നു ഓ​ട്ടോ ഡ്രൈ​വ​ർ​മാ​ർ പ​റ​ഞ്ഞു.
ജീ​വ​ന​ക്കാ​രു​ടെ പാ​ർ​ക്കിം​ഗ് ഏ​രി​യ​യി​ൽ ഓ​ട്ടോ നി​ർ​ത്തി​യെ​ന്നാ​രോ​പി​ച്ചു അ​ടു​ത്തി​ടെ വാ​ക്കേ​റ്റ​മു​ണ്ടാ​യി​രു​ന്നു. സ​ർ​വ​ക​ലാ​ശാ​ല കാ​ന്പ​സി​ൽ പ​ല​യി​ട​ത്തും ജീ​വ​ന​ക്കാ​രു​ടെ വാ​ഹ​ന​ങ്ങ​ൾ അ​ല​ക്ഷ്യ​മാ​യി പാ​ർ​ക്കു​ന്ന​ത് പ​തി​വാ​ണെ​ന്ന് ഓ​ട്ടോ​ഡ്രൈ​വ​ർ​മാ​ർ ആ​രോ​പി​ച്ചു.