മലപ്പുറം: കേരള പ്രദേശ് സ്കൂള് ടീച്ചേഴ്‌സ് അസോസിയേഷന്‍ മലപ്പുറം ജില്ലാ കമ്മിറ്റിയുടെ ആഭിമുഖ്യത്തില്‍ ജില്ലയിലെ നിര്‍ധനരായ വിദ്യാര്‍ഥികള്‍ക്ക് പഠനോപകരണമായി ഒരു ലക്ഷം നോട്ടുബുക്ക് സൗജന്യമായി നല്‍കുന്ന "ഗുരുസ്പര്‍ശം 2024' പദ്ധതിയുടെ ജില്ലാതല ഉദ്ഘാടനം നിലമ്പൂര്‍ അപ്പന്‍കാപ്പ് ട്രൈബല്‍ കോളനിയിലെ മുഴുവന്‍ കുട്ടികള്‍ക്കും നോട്ട്ബുക്ക് നല്‍കിക്കൊണ്ട് കെപിസിസി ജനറല്‍ സെക്രട്ടറി ആര്യാടന്‍ ഷൗക്കത്ത് നിര്‍വഹിച്ചു.
അപ്പന്‍ കാപ്പ് കോളനിയില്‍ വച്ച് നടന്ന ചടങ്ങില്‍ കെപിഎസ്ടിഎ ജില്ലാ പ്രസിഡന്‍റ് കെ.വി. മനോജ് കുമാര്‍ അധ്യക്ഷത വഹിച്ചു. ജില്ലാ സെക്രട്ടറി വി. രഞ്ജിത്ത്, സംസ്ഥാന എക്‌സിക്യൂട്ടീവ് കമ്മിറ്റി അംഗം കെ. സന്തോഷ് കുമാര്‍, സംസ്ഥാന കമ്മിറ്റി അംഗങ്ങളായ വി.പി. പ്രകാശ്, പി.എം. ജോസഫ്, പി. സുബരാജ്, എം.പി. മുഹമ്മദ്, ഒ.ശശിധരന്‍, ഹാരിസ് ബാബു, കെ. നന്ദകുമാര്‍, ശ്രീജിത്ത് , കെ.പി. പ്രശാന്ത് , ടി. അനില്‍, മാത്യു ഫിലിപ്പ്, ഷൈജു കെ. ഏബ്രഹാം, റെജി സാമുവല്‍, സൂസന്‍ മെര്‍ലിഎന്നിവര്‍ സംസാരിച്ചു.