എടക്കര: ബജറ്റില്‍ കുറ്റസമ്മതം നടത്തിയ പഞ്ചായത്ത് ഭരണസമിതിക്കെതിരെയും പ്രസിഡന്‍റ്, വൈസ് പ്രസിഡന്‍റ് എന്നിവരുടെ രാജിയാവശ്യപ്പെട്ടും യുഡിഎഫ് കമ്മിറ്റിയുടെ നേതൃത്വത്തില്‍ പോത്തുകല്‍ ഗ്രാമപഞ്ചായത്ത് ഓഫീസിലേക്ക് മാര്‍ച്ച് നടത്തി.
കെപിസിസി ജനറല്‍ സെക്രട്ടറി ആര്യാടന്‍ ഷൗക്കത്ത് ഉദ്ഘാടനം ചെയ്തു. മുസ്‌ലിം ലീഗ് നിലമ്പൂര്‍ നിയോജക മണ്ഡലം പ്രസിഡന്‍റ് സി.എച്ച്. ഇഖ്ബാല്‍ മുഖ്യപ്രഭാഷണം നടത്തി.
പഞ്ചായത്ത് മുസ്‌ലിം ലീഗ് സെക്രട്ടറി സലൂബ് ജലീല്‍ അധ്യക്ഷത വഹിച്ചു. കോണ്‍ഗ്രസ് മണ്ഡലം പ്രസിഡന്‍റ് എം.എ. ജോസ്, നാസര്‍ സ്രാമ്പിക്കല്‍, ഉബൈദ് കാക്കീരി, സി.വി. മുജീബ്, സന്തോഷ് എന്നിവര്‍ പ്രസംഗിച്ചു. പഞ്ചായത്തംഗങ്ങളായ റുബീന കിണറ്റിങ്ങല്‍, മോള്‍സി പ്രസാദ്, കെ. ഷറഫുന്നിസ, ഓമന നാഗലോടിയില്‍, പി.എന്‍. കവിത, നേതാക്കളായ എ.പി. സാദിഖലി, ഷമീര്‍ മുക്കം, ജാഫര്‍ സാദിഖ്, സിറാജ് തോണിക്കര, പ്രഭാകരന്‍, കലന്തര്‍ നാണി, നൗഷാദ്, ഫിറോസ് എന്നിവര്‍ നേതൃത്വം നല്‍കി.