പെരിന്തൽമണ്ണ: പെരിന്തൽമണ്ണ ബ്ലോക്ക് കേരളോത്സവത്തിൽ 606 പോയിന്റ് നേടി അങ്ങാടിപ്പുറം പഞ്ചായത്ത് ജേതാക്കളായി. 372 പോയിന്റോടെ പുലാമന്തോൾ രണ്ടാം സ്ഥാനവും 163 പോയിന്റുമായി വെട്ടത്തൂർ പഞ്ചായത്ത് മൂന്നാം സ്ഥാനവും കരസ്ഥമാക്കി. വിജയികൾക്കുള്ള മൊമെന്റോ വിതരണവും അനുമോദന പരിപാടിയുടെ ഉദ്ഘാടനവും ബ്ലോക്ക് പഞ്ചായത്ത് പ്രസിഡന്‍റ് അഡ്വ.എ.കെ. മുസ്തഫ നിർവഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്‍റ് വനജ കുന്നംകുലത്ത് അധ്യക്ഷയായിരുന്നു. ഗ്രാമപഞ്ചായത്ത് പ്രസിഡന്‍റുമാരായ സി.എം മുസ്തഫ, സഈദ, സൗമ്യ, ജമീല, ബ്ലോക്ക് സ്ഥിരം സമിതി അധ്യക്ഷൻമാരായ നജ്മ തബ്ഷീറ, പി.കെ. അയമു, അസീസ് പട്ടിക്കാട്, ബ്ലോക്ക് പഞ്ചായത്ത് സെക്രട്ടറി കെ. പാർവതി, ബ്ലോക്ക് ഡിവിഷൻ മെംബർമാരായ മുഹമ്മദ് നയീം, ദിലീപ്, ഉമ്മുസൽമ, റജീന, പ്രബീന ഹബീബ്, വിൻസി അനിൽ, വാസുദേവൻ, എൻ. ഷൗക്കത്ത്, ഗിരിജ, ഗിരിജ, വി. കമലം, പി. ഉസ്മാൻ എന്നിവർ പ്രസംഗിച്ചു.