നി​ല​ന്പൂ​രി​ൽ 14 കി​ലോ ക​ഞ്ചാ​വു​മാ​യി യു​വാ​വ് അ​റ​സ്റ്റി​ൽ
Saturday, October 8, 2022 12:01 AM IST
നി​ല​ന്പൂ​ർ: മ​ല​യോ​ര​ത്ത് വീ​ണ്ടും ക​ഞ്ചാ​വ് വേ​ട്ട. 14 കി​ലോ​ഗ്രാം ക​ഞ്ചാ​വു​മാ​യി യു​വാ​വ് നി​ല​ന്പൂ​ർ പോ​ലീ​സി​ന്‍റെ പി​ടി​യി​ലാ​യി. ആ​ന്ധ്ര​യി​ൽ നി​ന്ന് നേ​രി​ട്ട് ക​ഞ്ചാ​വ് വ​ൻ​തോ​തി​ൽ വാ​ങ്ങി നി​ല​ന്പൂ​രി​ലേ​ക്കെ​ത്തി​ക്കു​ന്ന ഇ​ട​നി​ല​ക്കാ​ര​നാ​യ എ​ട​ക്ക​ര കാ​ക്ക​പ്പ​ര​ത സ്വ​ദേ​ശി തെ​ക്ക​ര​ത്തൊ​ടി മു​ഹ​മ്മ​ദ് സ്വാ​ലി​ഹ് (28-മി​ന്ന​ൽ സാ​ലി) ആ​ണ് നി​ല​ന്പൂ​ർ പോ​ലീ​സി​ന്‍റെ പി​ടി​യി​ലാ​യ​ത്. ജി​ല്ലാ പോ​ലീ​സ് മേ​ധാ​വി സു​ജി​ത് ദാ​സി​ന് ല​ഭി​ച്ച ര​ഹ​സ്യ വി​വ​ര​ത്തെ തു​ട​ർ​ന്ന് നി​ല​ന്പൂ​ർ ഡി​വൈ​എ​സ്പി. സാ​ജു കെ.​എ​ബ്ര​ഹാം, നി​ല​ന്പൂ​ർ സി​ഐ വി​ഷ്ണു എ​ന്നി​വ​രു​ടെ നേ​തൃ​ത്വ​ത്തി​ൽ വ്യാ​ഴാ​ഴ്ച രാ​ത്രി വി​വി​ധ സ്ഥ​ല​ങ്ങ​ളി​ൽ പ​രി​ശോ​ധ​ന ന​ട​ത്തി​വ​ര​വെ​യാ​ണ് വെ​ള്ളി​യാ​ഴ്ച പു​ല​ർ​ച്ചെ നി​ല​ന്പൂ​ർ കോ​ട​തി​പ്പ​ടി ബ​സ് സ്റ്റോ​പ്പി​ന് സ​മീ​പം ര​ണ്ട് ബാ​ഗി​ലാ​യി സൂ​ക്ഷി​ച്ച 14 കി​ലോ ക​ഞ്ചാ​വ് സ​ഹി​തം പ്ര​തി പി​ടി​യി​ലാ​യ​ത്.
ഒ​ക്ടോ​ബ​ർ നാ​ലി​ന് ആ​ന്ധ്ര​യി​ലെ വി​ജ​യ​വാ​ഡ​യി​ലേ​ക്ക് പോ​യ പ്ര​തി അ​വി​ടെ​യു​ള്ള ഇ​ട​നി​ല​ക്കാ​രി​ൽ നി​ന്ന് വ​ൻ തോ​തി​ൽ ക​ഞ്ചാ​വ് ശേ​ഖ​രി​ച്ചാ​ണ് നി​ല​ന്പൂ​രി​ലേ​ക്ക് എ​ത്തി​ച്ച​ത്. പ്ര​ദേ​ശ​ത്തെ ചി​ല്ല​റ വി​ൽ​പ്പ​ന​ക്കാ​രി​ൽ നി​ന്ന് മു​ൻ​കൂ​ർ ഓ​ർ​ഡ​ർ സ്വീ​ക​രി​ച്ച് പ​ണം ശേ​ഖ​രി​ച്ച ശേ​ഷ​മാ​ണ് പ്ര​തി വി​ജ​യ​വാ​ഡ​യി​ലെ​ത്തി നി​സ്‌​സാ​ര വി​ല​ക്ക് ക​ഞ്ചാ​വ് ശേ​ഖ​രി​ച്ച് കൂ​ടി​യ വി​ല​ക്ക് ഇ​വി​ടെ എ​ത്തി​ച്ച് വി​ൽ​പ്പ​ന ന​ട​ത്തു​ന്ന​ത്. ക​ഴി​ഞ്ഞ മാ​സം മൂ​ന്ന് ത​വ​ണ​യാ​ണ് ആ​ന്ധ്ര​യി​ൽ നി​ന്ന് ക​ഞ്ചാ​വ് ഇ​ത്ത​ര​ത്തി​ൽ എ​ത്തി​ച്ച് ഇ​വി​ടെ വി​ത​ര​ണം ചെ​യ്ത​ത്. ക​ഴി​ഞ്ഞ വ​ർ​ഷം പ്ര​തി ക​ഞ്ചാ​വു​മാ​യി തീ​വ​ണ്ടി​യി​ൽ നി​ല​ന്പൂ​രി​ലേ​ക്ക് വ​രും വ​ഴി പാ​ല​ക്കാ​ട് റെ​യി​ൽ​വെ പോ​ലീ​സ് ഏ​ഴ​ര കി​ലോ ക​ഞ്ചാ​വ് സ​ഹി​തം പി​ടി​കൂ​ടി എ​ക്സൈ​സി​ന് കൈ​മാ​റി​യി​രു​ന്നു.
ഈ ​കേ​സി​ൽ മാ​സ​ങ്ങ​ൾ​ക്ക് മു​ന്പാ​ണ് ജാ​മ്യ​ത്തി​ലി​റ​ങ്ങി​യ​ത്. അ​തി​ന് മു​ന്പ് ആ​ന്ധ്ര​യി​ലും പ്ര​തി​യും കൂ​ട്ടാ​ളി​ക​ളും പി​ടി​യി​ലാ​യി ജ​യി​ൽ വാ​സം അ​നു​ഭ​വി​ച്ചി​ട്ടു​ണ്ട്. ആ ​കേ​സി​ലും ജാ​മൃ​ത്തി​ലാ​ണ്.
ഏ​ഴ് വ​ർ​ഷം മു​ന്പ് എ​ട​ക്ക​ര സ്റ്റേ​ഷ​ൻ പ​രി​ധി​യി​ലെ വി​വി​ധ സ്ഥ​ല​ങ്ങ​ളി​ൽ നി​ന്ന് രാ​ത്രി ബൈ​ക്കി​ലും കാ​റി​ലും ക​റ​ങ്ങി റ​ബ്ബ​ർ ഷീ​റ്റ് മോ​ഷ്ടി​ച്ച് വി​റ്റ കേ​സി​ലും എ​ട​ക്ക​ര പോ​ലീ​സ് പി​ടി​കു​ടി ജ​യി​ൽ ശി​ക്ഷ അ​നു​ഭ​വി​ച്ചി​ട്ടു​ണ്ട്.
വി​ല കൂ​ടി​യ വ​സ്ത്ര​ങ്ങ​ളും ആ​ഡം​ബ​ര കാ​റു​ക​ളി​ലും ബൈ​ക്കി​ലും ചെ​ത്തി ന​ട​ന്ന് പെ​ണ്‍​കു​ട്ടി​ക​ളു​മാ​യി അ​ടി​ച്ച് പൊ​ളി​ക്കാ​നാ​ണ് പ്ര​തി ഇ​ങ്ങ​നെ പ​ണം ക​ണ്ടെ​ത്തു​ന്ന​ത്.
ആ​ന്ധ്ര​യി​ൽ നി​ന്ന് തീ​വ​ണ്ടി​യി​ലും ബ​സി​ലു​മാ​യി മാ​റി മാ​റി സ​ഞ്ച​രി​ച്ച് വെ​ള്ളി​യാ​ഴ്ച പു​ല​ർ​ച്ചെ നി​ല​ന്പൂ​ർ ക​ഐ​സ്ആ​ർ​ടി​സി പ​രി​സ​ര​ത്ത് ബ​സി​റ​ങ്ങി മു​ൻ​കൂ​ട്ടി ഓ​ർ​ഡ​ർ ചെ​യ്ത നി​ല​ന്പൂ​ർ വീ​ട്ടി​ച്ചാ​ൽ സ്വ​ദേ​ശി​യാ​യ ചി​ല്ല​റ വി​ത​ര​ണ​ക്കാ​ര​ന് ര​ണ്ട് പാ​ർ​സ​ൽ കൈ​മാ​റാ​നാ​യി നി​ൽ​ക്കു​ന്ന​തി​നി​ട​യി​ലാ​ണ് പോ​ലീ​സി​ന്‍റെ പി​ടി​യി​ലാ​യ​ത്. പി​ടി​യി​ലാ​യ ക​ഞ്ചാ​വി​ന് അ​ഞ്ച് ല​ക്ഷ​ത്തോ​ളം രൂ​പ വി​ല​വ​രും. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.
പ​രി​ശോ​ധ​ന സം​ഘ​ത്തി​ൽ നി​ല​ന്പൂ​ർ സ്റേ​ഷ​നി​ലെ എ​സ്ഐ​മാ​രാ​യ വി​ജ​യ​രാ​ജ​ൻ, എം.​അ​സൈ​നാ​ർ, തോ​മ​സ് കു​ട്ടി ജോ​സ​ഫ്, എ​സ്‌​സി​പി​ഒ ടി. ​ജം​ഷാ​ദ്, സി​പി​ഒ. സ​ജേ​ഷ്, ഡാ​ൻ​സ​ഫ് അം​ഗ​ങ്ങ​ളാ​യ എ​ൻ.​പി.​സു​നി​ൽ, അ​ഭി​ലാ​ഷ് കൈ​പ്പി​നി, കെ.​ടി.​ആ​സി​ഫ​ലി, ടി.​നി​ബി​ൻ ദാ​സ്, ജി​യോ ജേ​ക്ക​ബ് എ​ന്നി​വ​രാ​ണ് ഉ​ണ്ടാ​യി​രു​ന്ന​ത്.

Copyright @ 2022 , Rashtra Deepika Ltd.