പേ​ന പി​ടി​ക്കുന്ന കൈ​ക​ൾ തൂ​മ്പ​യെടു​ത്തു; കു​ടും​ബ​ത്തി​ന് കു​ടി​നീ​രാ​യി
Friday, January 22, 2021 12:34 AM IST
ക​രു​വാ​ര​കു​ണ്ട്: പേ​ന​യും ക​മ്പ്യൂ​ട്ട​റും പി​ടി​ച്ചു ശീ​ലി​ച്ച കൈ​ക​ൾ പേ​ന​യും പി​ക്കാ​സു​മെ​ടു​ത്ത​പ്പോ​ൾ നി​ർ​ധ​ന കു​ടും​ബ​ത്തി​ന് ല​ഭി​ച്ച​ത് കു​ടി​നീ​രു​റ​വ. ക​രു​വാ​ര​കു​ണ്ട് ഗ്രാ​മപ​ഞ്ചാ​യ​ത്തി​ലെ കേ​ര​ള എ​സ്റ്റേ​റ്റ് കേ​ലം​മ്പ​റ്റ​യി​ലെ മു​തു​കോ​ട​ൻ ബി​ൽ​ക്കീ​സി​ന്‍റെ കു​ടും​ബ​ത്തി​നാ​ണ് കി​ണ​ർ കു​ഴി​ച്ചു ന​ൽ​കാ​ൻ വി​ദ്യാ​ർ​ഥി​ക​ൾ ഒ​രു​മി​ച്ച​ത്.
ഇ​തോ​ടെ ഒ​രു കു​ടും​ബ​ത്തി​ന് ചി​ര​കാ​ല സ്വ​പ്നം പൂ​വ​ണി​ഞ്ഞു. ശു​ദ്ധ​ജ​ലം തേ​ടി ഏ​റെ ദൂ​രം താ​ണ്ടി വ​ന്നി​രു​ന്ന കു​ടും​ബ​ത്തി​നാ​ണ് വീ​ട്ടു​മു​റ്റ​ത്ത് ത​ന്നെ തെ​ളി​നീ​രെത്തിയത്. കി​ണ​ർ കു​ഴി​ച്ചോ ഇ​ത്ത​ര​ത്തി​ലു​ള്ള ജോ​ലി​ക​ൾ ചെ​യ്തോ യാ​തൊ​രു​വി​ധ പ​രി​ച​യ​വും ഇ​ല്ലാ​ത്ത വി​ദ്യാ​ർ​ഥി കൂ​ട്ട​മാ​ണ് പ​രി​ച​യ​സ​മ്പ​ന്ന​രി​ൽ നി​ന്നു നി​ർ​ദേ​ശ​ങ്ങ​ൾ സ്വീ​ക​രി​ച്ചുകൊ​ണ്ട് മ​നോ​ഹ​ര​മാ​യ കി​ണ​ർ കു​ഴി​ച്ച​ത്.
പ്രാ​രം​ഭ​പ്ര​വ​ർ​ത്ത​ന​ങ്ങ​ൾ മു​ത​ൽ കി​ണ​റ്റി​ലി​റ​ങ്ങി വെ​ള്ളം ക​ണ്ടെ​ത്തു​ന്ന​തു വ​രെ മു​ഴു​വ​ൻ പ​ണി​ക​ളും വി​ദ്യാ​ർ​ഥി കൂ​ട്ട​മാ​ണ് നി​ർ​വ​ഹി​ച്ച​ത് . വീ​ട്ടു​കാ​രോ​ടൊ​പ്പം നാ​ട്ടു​കാ​രും ഈ ​കു​ട്ടി​ക​ളു​ടെ പ്ര​വ​ർ​ത്ത​ന​ങ്ങ​ളി​ൽ സ​ന്തോ​ഷ​വും സം​തൃ​പ്തി​യും രേ​ഖ​പ്പെ​ടു​ത്തി.