വ​ട്ട​പ്പാ​റ: സാ​മ്പ​ത്തി​ക ത​ർ​ക്ക​ത്തെ തു​ട​ർന്നു യു​വാ​വി​നെ കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ലെ പ്ര​തി​ക​ൾ അ​റ​സ്റ്റി​ൽ. ക​ര​കു​ളം വെ​ള്ളി​മ​ന വീ​ട്ടി​ൽ വി​ജി​ത്ത് (40), മ​ല​യി​ൻ​കീ​ഴ് ന​ന്ദ​ന​ത്തി​ൽ രാ​ഹു​ൽ (35) എ​ന്നി​വ​രെ​യാ​ണു വ​ട്ട​പ്പാ​റ പോ​ലി​സ് അ​റ​സ്റ്റ് ചെ​യ്ത​ത്.

കേ​ശ​വ​പു​രം സൂ​ര്യ​മം​ഗ​ലം വീ​ട്ടി​ൽ ശ്യാ​മി​നെ​യാ​ണ് കൊ​ല​പ്പെ​ടു​ത്താ​ൻ ശ്ര​മി​ച്ച​ത്. ഇ​ക്ക​ഴി​ഞ്ഞ ബു​ധ​നാ​ഴ്ച രാ​ത്രി​യാ​ണ് സം​ഭ​വം. ശ്യാം ​പ്ര​തി​ക​ളി​ൽ ഒ​രാ​ളാ​യ രാ​ഹു​ലി​ൽനി​ന്നും പ​ത്തുല​ക്ഷം രൂ​പ ക​ടം വാ​ങ്ങി​യി​രു​ന്നു.

ശ്യാം ​പ​ണം തി​രി​കെ ന​ൽ​കാ​തി​രി​ക്കു​ക​യും ഫോ​ൺ വി​ളി​ച്ചാ​ൽ എ​ടു​ക്കാ​തി​രി​ക്കു​ക​യും ചെ​യ്ത​തി​നെ തു​ട​ർ​ന്നു രാ​ഹു​ൽ ത​ന്‍റെ ഭാ​ര്യ​യെക്കൊ​ണ്ട് ശ്യാ​മി​നെ ഫോ​ണി​ൽ ബ​ന്ധ​പ്പെ​ട്ട് സൗ​ഹൃ​ദ​യ​മു​ണ്ടാ​ക്കു​ക​യും ഉ​ത്സ​വം ന​ട​ക്കു​ന്ന ക​ല്ല​യം ക്ഷേ​ത്ര പ​രി​സ​ര​ത്ത് വ​ച്ചു നേ​രി​ൽ കാ​ണാ​ൻ പ​ദ്ധ​തി ത​യാ​റാ​ക്കു​ക​യും ചെ​യ്തു.

തു​ട​ർ​ന്നു കാ​റി​ൽ ക​ല്ല​യ​ത്തെ​ത്തി​യ ശ്വാ​മി​ന്‍റെ കാ​റി​ൽ ക​യ​റി​യ പ്ര​തി​ക​ൾ ക​ത്തികാ​ട്ടി ശ്യാ​മി​നെ ത​ട്ടി​ക്കൊ​ണ്ടു പോ​കാ​ൻ ശ്ര​മി​ച്ചു. കാ​റി​ൽ ഉ​ണ്ടാ​യി​രു​ന്ന പെ​പ്പ​ർ സ്പ്രേ ​പ്ര​തി​ക​ൾ​ക്കുനേ​രെ പ്ര​യോ​ഗി​ച്ച ശ്യാ​മി​നെ പ്ര​തി​ക​ൾ കു​ത്തി​യ ശേ​ഷം ഓ​ടി ര​ക്ഷ​പ്പെ​ടാ​ൻ ശ്ര​മി​ക്കു​കയും ചെയ്തു.

സി​ഐ ശ്രീ​ജി​ത്ത്, എ​സ് ഐ ​മാ​രാ​യ അ​നി​ൽ​കു​മാ​ർ , ഇ​ക്ബാ​ൽ, പ്ര​ദീ​പ് സിപിഒ​മാ​രാ​യ പ്ര​ശാ​ന്ത്, അ​ര​വി​ന്ദ് രാ​ജേ​ഷ് എ​ന്നി​വ​ര​ട​ങ്ങു​ന്ന സം​ഘം സാ​ഹ​സി​ക​മാ​യി പ്രതികളെ പി​ടി​കൂ​ടു​ക​യാ​യി​രു​ന്നു. വി​വി​ധ സ്റ്റേ​ഷ​നു​ക​ളി​ൽ ക്രി​മി​ന​ൽ കേ​സു​ക​ളു​ള്ള പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി.