നെടുമങ്ങാട് ഉപജില്ലാ സ്കൂൾ കലോത്സവം കൊടിയേറി

നെടുമങ്ങാട്: നെടുമങ്ങാട് ഉപജില്ലാ സ്കൂൾ കലോത്സവത്തിന് നെടുമങ്ങാട് ഗവ. ഗേൾസ് എച്ച്എസ്എസിൽ തുടക്കമായി. പിടിഎ പ്രസിഡന്‍റ് സി.വി. റജി പതാക ഉയർത്തൽ നിർവഹിച്ചു. അഡ്വ. ജി. സ്റ്റീഫൻ എംഎൽഎ കലോത്സവം ഉദ്‌ഘാടനം ചെയ്തു. നഗരസഭ ചെയർ പേഴ്സൻ സി.എസ്. ശ്രീജ അധ്യക്ഷത വഹിച്ചു. ‌

നെടുമങ്ങാട് ബ്ലോക്ക്‌ പ്രസിഡന്‍റ് വി. അമ്പിളി, നഗരസഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർ പേഴ്സൻ പി. വസന്തകുമാരി, വാർഡ് കൗൺസിലർ ആദിത്യ, അഡ്വ. ആർ. ജയദേവൻ, ടി. അർജുനൻ തുടങ്ങിയവർ പ്രസംഗിച്ചു. ഉപജില്ലയിലെ 84 സ്കൂളുകളിൽനിന്ന് 6000 ത്തോളം പ്രതിഭകൾ കലോത്സവത്തിൽ പങ്കെടുക്കും. എട്ടുവരെയുള്ള തീയതികളിലാണ് മത്സരങ്ങൾ. എട്ടിനു വൈകുന്നേരം 3.30ന് സമാപന സമ്മേളനം ഡി.കെ. മുരളി എംഎൽഎ ഉദ്ഘാടനം ചെയ്യും.