ക​ല, സാ​ഹി​ത്യം, കൃ​ഷി: നാ​ടി​ന്‍റെ വേ​റി​ട്ട ഉ​ത്സ​വ​മാ​യി ശാ​ന്തി​ഗി​രി ഫെ​സ്റ്റ്
Friday, October 11, 2024 6:21 AM IST
പോ​ത്ത​ന്‍​കോ​ട് : പ​തി​വ് പ്ര​ദ​ര്‍​ശ​ന​വി​പ​ണ​ന​മേ​ള​ക​ള്‍​ക്ക​പ്പു​റം അ​വ​ത​ര​ണ​ത്തി​ലെ വ്യ​ത്യ​സ്ത​ത കൊ​ണ്ട് നാ​ടി​ന്‍റെ ഉ​ത്സ​വ​മാ​യിമാ​റി ശാ​ന്തി​ഗി​രി ഫെ​സ്റ്റി​ന്‍റെ മൂ​ന്നാം പ​തി​പ്പ്.

വി​നോ​ദ​ത്തി​നൊ​പ്പം വി​ജ്ഞാ​ന​വും നി​റ​യു​ന്ന ഫെ​സ്റ്റി​ല്‍ ക​ല​യ്ക്കും സാ​ഹി​ത്യ​ത്തി​നും കൃ​ഷി​യ്ക്കും അ​ര്‍​ഹ​മാ​യ പ്രാ​ധാ​ന്യം ന​ല്‍​കി​യാ​ണ് സം​ഘ​ടി​പ്പി​ക്കു​ന്ന​ത്. ലോ​ക​ബാ​ലി​ക​ദി​ന​മാ​യ ഇ​ന്ന് ഗു​രു​മ​ഹി​മ​ കൂട്ടായ്മയു​ടെ ആ​ഭി​മു​ഖ്യ​ത്തി​ല്‍ ന​ട​ത്തു​ന്ന ബാ​ലി​ക​ദി​നാ​ച​ര​ണം ജി​ല്ലാ ക​ള​ക്ട​ര്‍ അ​നു​കു​മാ​രി ഉ​ദ്ഘാ​ട​നം ചെ​യ്യും. വൈ​കുന്നേരം 4.30ന് ​ഹാ​പ്പി​ന​സ് ഗാ​ര്‍​ഡ​നി​ല്‍ ന​ട​ക്കു​ന്ന ച​ട​ങ്ങി​ല്‍ മ​ഹി​ള കോ​ണ്‍​ഗ്ര​സ് സം​സ്ഥാ​ന സെ​ക്ര​ട്ട​റി ദീ​പ അ​നി​ല്‍, ജ​ന​നി പൂ​ജ ജ്ഞാ​ന ത​പ​സ്വി​നി, ജ​ന​നി കൃ​പ ജ്ഞാ​ന ത​പ​സ്വി​നി എ​ന്നി​വ​രും വി​വി​ധ സ്കൂ​ളു​ക​ളി​ലെ വി​ദ്യാ​ര്‍​ഥിനി പ്ര​തി​നി​ധി​ക​ളും പങ്കെടുക്കും.

വൈകുന്നേരം അഞ്ചിന് ​ഫെ​സ്റ്റ് ന​ഗ​രി​യി​ല്‍ ന​ട​ക്കു​ന്ന കാ​ര്‍​ഷി​കോ​ത്സ​വം ന​ബാ​ര്‍​ഡ് ചീ​ഫ് ജ​ന​റ​ല്‍ മാ​നേ​ജ​ര്‍ ബൈ​ജു എ​ന്‍. കു​റു​പ്പ് ഉ​ദ്ഘാ​ട​നം ചെ​യ്യും. മാ​ണി​ക്ക​ല്‍, വെ​മ്പാ​യം, പോ​ത്ത​ന്‍​കോ​ട് പ​ഞ്ചാ​യ​ത്തു​ക​ളി​ലെ ക​ര്‍​ഷ​ക​രെ ഉ​ള്‍​പ്പെ​ടു​ത്തി​യും ജ​ന​പ്ര​തി​നി​ധി​ക​ളു​ടെ പ​ങ്കാ​ളി​ത്ത​ത്തോ​ടെ​യു​മാ​ണു കാ​ര്‍​ഷി​കോ​ത്സ​വം സം​ഘ​ടി​പ്പി​ക്കു​ന്ന​ത്. കാ​ര്‍​ഷി​കോ​ത്സ​വ​ത്തി​ല്‍ പ്രാ​ദേ​ശി​ക ക​ര്‍​ഷ​ക​ര്‍​ക്ക് സ്വ​ന്തം കൃ​ഷി​യി​ട​ങ്ങ​ളി​ല്‍ കൃ​ഷി ചെ​യ്തെ​ടു​ത്ത ഉ​ത്പ​ന്ന​ങ്ങ​ളു​ടെ പ്ര​ദ​ര്‍​ശ​ന​ത്തി​നും വി​പ​ണ​ന​ത്തി​നും അ​വ​സ​രം ല​ഭി​ക്കും.


നാളെ ആ​രം​ഭി​ക്കു​ന്ന സാ​ഹി​ത്യോ​ത്സ​വ​ത്തി​നു മു​ന്നോ​ടി​യാ​യി ഗു​രു​ധ​ര്‍​മ പ്ര​കാ​ശ​സ​ഭ​യി​ലെ അം​ഗ​ങ്ങ​ള്‍ ഫെ​സ്റ്റ് ന​ഗ​രി​യി​ലെ ഒ.​വി.​ വി​ജ​യ​ന്‍ സ്ക്വ​യ​റി​ല്‍ മ​ണ്‍​ചെ​രാ​തു​ക​ള്‍ തെ​ളി​യി​ച്ചു.
തു​ട​ര്‍​ന്നു ക​ലാ​ജ്ഞ​ലി​വേ​ദി​യി​ല്‍ യു.​കെ.​ ബ്ര​ദേ​ഴ്സ് അ​വ​ത​രി​പ്പി​ച്ച ദ​ഫ് മു​ട്ട്, സാ​മൂ​ഹ്യ​മാ​ധ്യ​മ​താ​ര​ങ്ങ​ള്‍ അ​വ​ത​രി​പ്പി​ച്ച ഗാ​ന​കൈ​ര​ളി എ​ന്നി​വ ന​ട​ന്നു.