പാലോട്: ഫോറസ്റ്റ് റേഞ്ച് ഓഫീസിനു സമീപം കാട്ടുപോത്തിൻകൂട്ടം ഇറങ്ങി. നാട്ടുകാർ പരിഭ്രാന്തരായി. ഇന്നലെ രാവിലെയാണ് പാലോട് ഫോറസ്റ്റ് റെയിഞ്ച് ഓഫീസിനു സമീപമുള്ള റോഡിൽ കാട്ടുപോത്തിൻകൂട്ടത്തെ കണ്ടത്. റോഡിലൂടെ പോയ യാത്രക്കാരാണ് കാട്ടുപോത്തുകളെ കണ്ടത്.
കുറച്ചു സമയത്തിനുശേഷം കാട്ടുപോത്തുകൾ വനത്തിലേക്ക് തിരികെ പോവുകയായിരുന്നു. എന്നാൽ തിരക്കേറിയ റോഡിലേക്ക് ഇത്രയും കാട്ടുപോത്തുകളെ കണ്ടതിൽ നാട്ടുകാരെ ഭീതിയിലാക്കിയിരിക്കുകയാണ്. ദിവസങ്ങൾക്ക് മുമ്പാണ് വിതുര മാങ്കാലയിൽ കാട്ടുപോത്ത് സ്വകാര്യ വ്യക്തിയുടെ കിണറിൽ വീണത്.