സ്കൂ​ൾ ഭ​ര​ണ ചു​മ​ത​ല വി​ദ്യാ​ർ​ഥി​ക​ൾ​ക്ക് ന​ൽ​കി
Wednesday, October 9, 2024 8:05 AM IST
തി​രു​വ​ന​ന്ത​പു​രം. നാ​ലാ​ഞ്ചി​റ സെ​ന്‍റ് ജോ​ൺ​സ് മോ​ഡ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ഒരുദിവസത്തെ സ്കൂ​ൾ ഭ​ര​ണ ചു​മ​ത​ല വി​ദ്യാ​ർ​ഥി​ക​ൾ​ക്ക് ന​ൽ​കി മാ​തൃ​ക​യാ​യി. സ്കൂ​ളി​ലെ ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ന്‍റെ ര​ജ​ത ജൂ​ബി​ലി ആ​ഘോ​ഷ​ത്തി​ന്‍റെ​യും അ​ന്താ​രാ​ഷ്ട്ര അ​ധ്യാ​പ​ക ദി​നാ​ച​ര​ണ​ത്തി​ന്‍റെ​യും ഭാ​ഗ​മാ​യി​ട്ടു​മാ​ണ് ച​ട​ങ്ങ് സം​ഘ​ടി​പ്പി​ച്ച​ത്.

അ​ധ്യാ​പ​ക​രെ ശാ​ക്തീ​ക​രി​ക്കു​ക, പ്ര​തി​രോ​ധ​ശേ​ഷി ശ​ക്തി​പെ​ടു​ത്തു​ക, സു​സ്ഥി​ര​ത കെ​ട്ടിപ്പെ​ടു​ത്തു​ക എ​ന്ന​താ​ണ് ഈ ​വ​ർ​ഷ​ത്തെ അ​ന്താ​രാ​ഷ്ട്ര അ​ധ്യാ​പ​ക ദി​നാ​ച​ര​ണ സ​ന്ദേ​ശം.

സ്കൂ​ൾ ചെ​യ​ർ​മാ​ൻ മ​ഹാ​ദേ​വ​ൻ പ്രി​ൻ​സി​പ്പ​ലി​ന്‍റെ ചു​മ​ത​ല നി​ർ​വ​ഹി​ച്ചു. ഗൗ​രി സ​തീ​ശാ​യി​രു​ന്നു ഡ​പ്യൂ​ട്ടി പ്രി​ൻ​സി​പ്പ​ൽ. ഹൈ​സ്കൂ​ൾ വി​ഭാ​ഗ​ത്തി​ൽ വൈ​സ് പ്രി​ൻ​സി​പ്പ​ലാ​യി അ​ഭി​ജി​ത്ത് വി.​എ​സും ഡ​പ്യൂ​ട്ടി വൈ​സ് പ്രി​ൻ​സ​പ്പ​ലാ​യി ആ​യി​ല്യ കൃ​ഷ്ണ​യും പ്ര​വ​ർ​ത്തി​ച്ചു. സ്കൂ​ൾ പ്രി​ൻ​സി​പ്പ​ൽ ഫാ. ​ജോ​സ് ച​രു​വി​ൽ സ്കൂ​ൾ ഭ​ര​ണ​ത്തി​ന്‍റെ ഒരുദിവസത്തെ ചു​മ​ത​ല വി​ദ്യാ​ർ​ഥി പ്ര​തി​നി​ധി​ക​ൾ​ക്ക് കൈ​മാ​റി​യ​തോ​ടെ​യാ​ണ് സ്കൂ​ൾ ഭ​ര​ണ​ത്തി​ന്‍റെ അ​ധി​കാ​ര കൈ​മാ​റ്റം യാ​ഥാ​ർ​ഥ‍്യ​മാ​യ​ത്.


തു​ട​ർ​ന്ന് വി​ദ്യാ​ർ​ഥി പ്രി​ൻ​സി​പ്പ​ൽ സ്റ്റു​ഡ​ന്‍റ് അ​ധ്യാ​പ​ക​രു​ടെ യോ​ഗം ചേ​ർ​ന്നു. 197 വി​ദ്യാ​ർ​ഥി​ക​ൾ അ​ധ്യാപ​ക​രാ​യി ക്ലാ​സു​ക​ൾ എ​ടു​ത്തു. മി​ക​ച്ച വി​ദ്യാ​ർ​ഥ​ി അ​ധ്യാ​പ​ക​രാ​യി തെ​ര​ഞ്ഞെ​ടു​ക്ക​പ്പെ​ട്ട​വ​രെ മു​ൻ ചീ​ഫ് സെ​ക്ര​ട്ട​റി കെ. ​ജ​യ​കു​മാ​ർ അ​നു​മോ​ദി​ച്ചു. എം​എ​സ്‌​സി സ്കൂ​ൾ ക​റ​സ്പോ​ണ്ട​ന്‍റ് വി​കാ​രി ജ​ന​റാ​ൾ മോ​ൺ. ഡോ. ​വ​ർ​ക്കി അ​റ്റു​പു​റ​ത്തി​ന്‍റെ അ​ധ്യ​ക്ഷ​ത​യി​ൽ പ്രി​ൻ​സി​പ്പ​ൽ ഫാ. ​ജോ​സ് ച​രു​വി​ൽ , വൈ​സ് പ്രി​ൻ​സി​പ്പ​ൽ ബി​ജോ ഗീ​വ​ർ​ഗീ​സ്, പി​ടി എ ​പ്ര​സി​ഡ​ന്‍റ് ഡോ.​ജോ​ജു ജോ​ൺ, കെ.​ഒ.​തോ​മ​സ്, ബ​ർ​സാ​ർ ഫാ.​നി​തീ​ഷ് വ​ല്യ യ്യ​ത്ത് തു​ട​ങ്ങി​യ​വ​ർ പ്ര​സം​ഗി​ച്ചു.