വീ​ട്ട​മ്മ​യ്ക്ക് നെ​ഞ്ചി​ല്‍ കു​ത്തേ​റ്റ സം​ഭ​വം : പ്ര​തി​ക​ളെ സം​ഭ​വ​സ്ഥ​ല​ത്തെ​ത്തി​ച്ച് തെ​ളി​വെ​ടു​പ്പ് ന​ട​ത്തി
Friday, September 27, 2024 6:39 AM IST
പൂ​ന്തു​റ: ബീ​മാ​പ​ള്ളി ബ​ദ​രി​യാ​ന​ഗ​റി​ല്‍ വീ​ടി​ന് സ​മീ​പ​ത്ത് സം​ഘം ചേ​ര്‍​ന്ന് മ​ദ്യ​പി​ച്ച​ത് ചോ​ദ്യം ചെ​യ്ത വീ​ട്ട​മ്മ​യ്ക്ക് നെ​ഞ്ചി​ല്‍ കു​ത്തേ​റ്റ കേ​സി​ലെ പ്ര​തി​ക​ളാ​യ ബീ​മാ​പ​ള്ളി ബ​ദ​രി​യ​ന​ഗ​ര്‍ സ്വ​ദേ​ശി​ക​ളു​മാ​യ ഷാ​ജ​ഹാ​ന്‍ (ഷാ​ജി) , മാ​ഹീ​ന്‍ , സു​ള്‍​ഫി എ​ന്നി​വ​രെ പൂ​ന്തു​റ പോ​ലീ​സ് ക​സ്റ്റ​ഡി​യി​ല്‍ വാ​ങ്ങി സം​ഭ​വ സ്ഥ​ല​ത്തെ​ത്തി​ച്ച് തെ​ളി​വെ​ടു​പ്പ് ന​ട​ത്തി. ബീ​മാ​പ​ള്ളി ബ​ദ​രി​യ​ന​ഗ​ര്‍ സ്വ​ദേ​ശി​നി കു​മാ​രി​ക്കാ​ണ് നെ​ഞ്ചി​ല്‍ ആ​ഴ​ത്തി​ല്‍ കു​ത്തേ​റ്റ​ത്.

17ന് ​രാ​ത്രി എ​ട്ടി​നാ​യി​രു​ന്നു സം​ഭ​വം. മ​ദ്യ​പാ​നം ചോ​ദ്യം ചെ​യ്ത കു​മാ​രി​യെ ര​ണ്ടാം പ്ര​തി മാ​ഹീ​ന്‍ അ​സ​ഭ്യം വി​ളി​ച്ച​ത് സ​മീ​പ​വാ​സി ചോ​ദ്യം ചെ​യ്തു. തു​ട​ര്‍​ന്ന് മു​ന്നാം പ്ര​തി സു​ല്‍​ഫി ഇ​രു​മ്പ് ക​മ്പി കൊ​ണ്ട് സ​മീ​പ​വാ​സി​യെ ത​ല​യ്ക്ക​ടി​ക്കു​ക​യാ​യി​രു​ന്നു. ഇ​ത് ചെ​റു​ക്കു​ന്ന​തി​നി​ടെ ഒ​ന്നാം പ്ര​തി​യാ​യ ഷാ​ജ​ഹാ​ന്‍ ക​ത്തി​കൊ​ണ്ട് കു​മാ​രി​യു​ടെ നെ​ഞ്ചി​ല്‍ ആ​ഴ​ത്തി​ല്‍ കു​ത്തു​ക​യാ​യി​രു​ന്നു.


കു​ത്തേ​റ്റ കു​മാ​രി​യെ നാ​ട്ടു​കാ​രു​ടെ നേ​തൃ​ത്വ​ത്തി​ല്‍ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ എ​ത്തി​ക്കു​ക​യാ​യി​രു​ന്നു. കൃ​ത്ത്യ​ത്തി​നു ശേ​ഷം പ്ര​തി​ക​ള്‍ സം​ഭ​വ​സ്ഥ​ല​ത്തു​നി​ന്നും ര​ക്ഷ​പ്പെ​ടു​ക​യാ​യി​രു​ന്നു.

തു​ട​ര്‍​ന്ന് കു​മാ​രി ന​ല്‍​കി​യ പ​രാ​തി​യി​ല്‍ മൂ​ന്നു പേ​രെ​യും പോ​ലീ​സ് പി​ടി​കൂ​ടു​ക​യാ​യി​രു​ന്നു. കേ​സി​ലെ നാ​ലാം പ്ര​തി​യാ​യ വെ​ള്ള മാ​ഹി​ന്‍ ഇ​പ്പോ​ഴും ഒ​ളി​വി​ലാ​ണ്.