തിരുവനന്തപുരം: ആ​മ​യി​ഴ​ഞ്ചാ​ൻ തോ​ടി​ന്‍റെ ഭാഗമായുള്ളതും റെ​യി​ൽ​വെ​യു​ടെ അ​ധീ​ന​ത​യി​ലു​ള്ളതുമായ പ​ഴ​വ​ങ്ങാ​ടി തോ​ടി​ൽ അ​ടി​ഞ്ഞുകൂ​ടി​യ മാ​ലി​ന്യം നീ​ക്കു​ന്ന​തി​നി​ടെ അ​പ​ക​ട​ത്തി​ൽ പെ​ട്ട് മ​ര​ണ​പ്പെ​ട്ട റെ​യി​ൽ​വേ ക​രാർ തൊ​ഴി​ലാ​ളി ജോ​യി​യു​ടെ അ​മ്മ​യ്ക്ക് വീ​ടുവ​ച്ചു ന​ൽ​കാ​നു​ള്ള സ​ന്ന​ദ്ധ​ത ന​ഗ​ര​സ​ഭ സ​ർ​ക്കാ​രി​നെ അ​റി​യിക്കുമെന്ന് മേയർ ആര്യാ രാജേന്ദ്രൻ.

നാ​ടി​നെ​യാ​കെ ക​ണ്ണീ​രി​ലാ​ഴ്ത്തി​യ വേ​ർ​പാ​ടാ​ണ് ജോ​യി​യു​ടേ​ത്. കു​ടു​ബ​ത്തി​ന്‍റെ അ​ത്താ​ണി​യാ​യി​രു​ന്നു ജോ​യി. ജോ​യി​ക്കു പ​ക​ര​മാ​കി​ല്ലെ​ങ്കി​ലും അ​ദ്ദേ​ഹ​ത്തി​ന്‍റെ കു​ടും​ബ​ത്തി​ന്‍റെ ക​ണ്ണീ​രൊ​പ്പാ​ൻ ആ​കു​ന്ന​തൊ​ക്കെ ചെ​യ്യുമെന്നും മേയർ വ്യക്തമാക്കി.

സം​സ്ഥാ​ന സ​ർ​ക്കാ​ർ കുടും ബത്തിനു 10 ല​ക്ഷം രൂ​പ ധ​ന​സ​ഹാ​യം പ്ര​ഖ്യാ​പി​ച്ചി​രു​ന്നു. ജോ​യി​യു​ടെ കു​ടും​ബ​ത്തി​ന് ഒ​രു വീ​ടുവ​ച്ച് ന​ൽ​കു​വാ​നു​ള്ള ന​ഗ​ര​സ​ഭ​യു​ടെ താ​ല്പ​ര്യം അ​ടു​ത്ത കൗ​ൺ​സി​ൽ ച​ർ​ച്ച ചെ​യ്ത് തീ​രു​മാ​നി​ച്ച് സ​ർ​ക്കാ​രി​ന് സ​മ​ർ​പ്പി​ക്കും. ന​ട​പ​ടി​ക​ൾ ദ്രു​ത​ഗ​തി​യി​ൽ പൂ​ർ​ത്തി​യാ​ക്കി എ​ത്ര​യും വേ​ഗം വീ​ടുവ​ച്ചു നൽകാനാണ് തീരു മാ നം. ജോ​യി​യു​ടെ കു​ടും​ബ​ത്തി​ന്‍റെ ദുഃ​ഖ​വും ന​ഷ്ട​വും വ​ള​രെ വ​ലു​താ​ണെ​ന്നു തിരിച്ചറിയുന്നു വെന്നും മേയർ ആര്യാ രാജേ ന്ദ്രൻ പത്രക്കുറിപ്പിൽ പറഞ്ഞു.