കെഎസ്യു പ്രതിഷേധ പ്രകടനം സംഘടിപ്പിച്ചു
1434870
Wednesday, July 10, 2024 7:00 AM IST
നെടുമങ്ങാട് : കെഎസ്യു സംസ്ഥാന കമ്മിറ്റിയുടെ നേതൃത്വത്തിൽ നിയമസഭയിലേക്ക് നടത്തിയ അവകാശ പത്രിക മാർച്ചിൽ സംസ്ഥാന പ്രസിഡന്റ് ഉൾപ്പെടെയുള്ള പ്രവർത്തകർക്ക് എതിരെ നടത്തിയ പോലീസ് നടപടിയിൽ പ്രതിഷേധിച്ച് കെഎസ്യു നെടുമങ്ങാട് നിയോജകമണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി.
പ്രതിഷേധ യോഗം ഡിസിസി ജനറൽ സെക്രട്ടറി അഡ്വ. ബാജി ഉദ്ഘാടനം ചെയ്തു. കെഎസ്യു നെടുമങ്ങാട് നിയോജകമണ്ഡലം പ്രസിഡന്റ് അഭിജിത്ത് നെടുമങ്ങാട് അധ്യക്ഷത വഹിച്ചു.
യൂത്ത് കോൺഗ്രസ് നിയോജകമണ്ഡലം പ്രസിഡന്റ് താഹിർ നെടുമങ്ങാട്, കെഎസ്യു ജില്ലാ സെക്രട്ടറി റയാൻ, മണ്ണൂർക്കോണം താജുദ്ദീൻ, ഉണ്ണിക്കുട്ടൻ നായർ, അഷ്ഫക് മുഹമ്മദ്, എൻ.നസീർ, എസ്.അഖിൽ മോഹനൻ, വിഷ്ണു കൃഷ്ണൻ, എം .ബി.അജാസ് , വൈഷ്ണവ് തുടങ്ങിയവർ നേതൃത്വം നൽകി.