ഭി​ക്ഷാ​ട​ന​ത്തി​ന്‍റെ മ​റ​വി​ൽ കു​ഞ്ഞി​നെ ത​ട്ടി​ക്കൊ​ണ്ടു പോ​കാ​ൻ ശ്ര​മം: ആ​ന്ധ്രാ സ്വ​ദേ​ശി​യും കൂ​ട്ടാ​ളി​യും പി​ടി​യി​ൽ
Saturday, June 15, 2024 6:27 AM IST
വി​തു​ര: ഭി​ക്ഷാ​ട​ന​ത്തി​ന്‍റെ മ​റ​വി​ൽ കു​ഞ്ഞി​നെ ത​ട്ടി​ക്കൊ​ണ്ടു പോ​കാ​ൻ ശ്ര​മി​ച്ച ആ​ന്ധ്രാ സ്വ​ദേ​ശി​യേ​യും കൂ​ട്ടാ​ളി​യെ​യും നാ​ട്ടു​കാ​ർ പി​ടി​കൂ​ടി. ന​ക​സാ​നി പെ​ഡ ഈ​ശ്വ​ര​പ്പ (63) നെ​യും കൂ​ട്ടാ​ളി രേ​വ​ണ​യെ​യു​മാ​ണ് പി​ടി​കൂ​ടി​യ​ത്.

വി​തു​ര തോ​ട്ടു​മു​ക്കി​ൽ വെ​ള്ളി​യാ​ഴ്ച രാ​വി​ലെ​യാ​ണ് സം​ഭ​വം. തോ​ട്ടു​മു​ക്ക് ഹ​ൽ​വാ​പ്പു​ര ഷാ​ൻ മ​ൻ​സി​ലി​ൽ ഷാ​നി​ന്‍റെ ഏ​ഴു മാ​സം പ്രാ​യ​മു​ള്ള കു​ഞ്ഞി​നെ ത​ട്ടി​ക്കൊ​ണ്ടു പോ​കാ​ൻ ശ്ര​മി​ക്ക​വെ​യാ​ണ് ഈ​ശ്വ​ര​പ്പ പി​ടി​യി​ലാ​കു​ന്ന​ത്.

രാ​വി​ലെ ര​ക്ഷി​താ​ക്ക​ൾ മൂ​ത്ത കു​ട്ടി​യെ സ്കൂ​ളി​ലേ​ക്ക് പോ​കാ​ൻ ത​യാ​റാ​ക്കു​ന്ന​തി​നി​ടെ ഉ​മ്മ​റ​ത്തേ​ക്ക് ഇ​ഴ​ഞ്ഞു വ​ന്ന ഇ​ള​യ​കു​ട്ടി​യെ​യാ​ണ് ഇ​വ​ർ ക​ട​ത്താ​ൽ നോ​ക്കി​യ​ത്. ഭി​ക്ഷ​യെ​ടു​ക്കാ​നെ​ന്ന വ്യാ​ജേ​നെ എ​ത്തി​യ ഇ​യാ​ൾ വീ​ടി​ന്‍റെ പ​രി​സ​ര​ത്ത് ആ​ളി​ല്ലെ​ന്ന് ഉ​റ​പ്പു വ​രു​ത്തി​യ ശേ​ഷം കു​ട്ടി​യു​ടെ കൈ​യി​ൽ പി​ടി​ക്കു​ക​യാ​യി​രു​ന്നു. ഇ​തു ക​ണ്ട ര​ക്ഷി​താ​ക്ക​ൾ ബ​ഹ​ളം വ​ച്ച​തോ​ടെ ഇ​യാ​ൾ ര​ക്ഷ​പ്പെ​ടാ​ൻ ശ്ര​മി​ച്ചു.

ഓ​ടി​ക്കൂ​ടി​യ നാ​ട്ടു​കാ​ർ ചേ​ർ​ന്ന് പി​ടി​കൂ​ടി പോ​ലീ​സി​നെ ഏ​ൽ​പ്പി​ച്ചു. ഇ​യാ​ളു​ടെ ബാ​ഗി​ൽ ക​ത്തി ഉ​ൾ​പ്പ​ടെ​യു​ള്ള ആ​യു​ധ​ങ്ങ​ൾ ഉ​ണ്ടാ​യി​രു​ന്ന​താ​യി പോ​ലീ​സ് പ​റ​ഞ്ഞു.

ഇ​തി​നി​ട​യി​ൽ പു​ല​ർ​ച്ചെ​യു​ള്ള ബ​സി​ൽ ഇ​യാ​ൾ ഉ​ൾ​പ്പ​ടെ ര​ണ്ടു​പേ​ർ വ​ന്നി​റ​ങ്ങി​യ​താ​യി സ​മീ​പ​ത്തെ ഓ​ട്ടോ ഡ്രൈ​വ​ർ​മാ​ർ പ​റ​ഞ്ഞു. തു​ട​ർ​ന്ന് ആ​ന​പ്പെ​ട്ടി പ്ലാ​ന്തോ​ട്ടം റോ​ഡി​ൽ വ​ച്ചാ​ണ് രേ​വ​ണ​യെ പി​ടി കൂ​ടി​യ​ത്. കു​ട്ടി​ക​ളെ ത​ട്ടി​ക്കൊ​ണ്ടു പോ​യി സ്വ​ർ​ണം അ​പ​ഹ​രി​ക്കാ​നു​ള്ള ശ്ര​മ​മാ​കാ​മെ​ന്ന് വി​തു​ര സി​ഐ പ​റ​ഞ്ഞു.

Copyright @ 2022 , Rashtra Deepika Ltd.