കെഎ​സ്‌യു പ്ര​വ​ർ​ത്ത​ക​ർ പ​ഠ​ന​ക്യാ​മ്പി​നി​ടെ ത​മ്മി​ൽ​ത്ത​ല്ലി
Monday, May 27, 2024 1:37 AM IST
കാ​ട്ടാ​ക്ക​ട: പ​ഠ​ന​ക്യാ​മ്പി​നി​ടെ കെ​എസ്‌യു പ്ര​വ​ർ​ത്ത​ക​ർ ത​മ്മി​ൽ​ത്ത​ല്ലി. നെ​യ്യാ​ർ ഡാ​മി​ലെ രാ​ജീ​വ് ഗാ​ന്ധി ഇ​ൻ​സ്റ്റി​റ്റ്യൂ​ട്ടി​ൽ ന​ട​ക്കു​ന്ന പ​ഠ​ന​ശി​ബി​ര​ത്തി​നി​ടെ​യാ​ണ് കെ​എസ്‌യു പ്ര​വ​ർ​ത്ത​ക​ർ ഗ്രൂ​പ്പു തി​രി​ഞ്ഞ് ഏ​റ്റു​മു​ട്ടി​യ​ത്. ശ​നി​യാ​ഴ്ച രാ​ത്രി​യോ​ടെ​യാ​യി​രു​ന്നു സം​ഭ​വം. സം​ഘ​ർ​ഷ​ത്തെ തു​ട​ർ​ന്ന് ക്യാ​മ്പ് നി​ർ​ത്തി​വെ​യ്ക്കാ​ൻ കെ​പിസി​സി നേ​തൃ​ത്വം നി​ർ​ദേ​ശം ന​ൽ​കി.

രാ​ജീ​വ് ഗാ​ന്ധി ഇ​ൻ​സ്റ്റി​റ്റ്യൂട്ടിന്‍റെ ജ​ന​ൽ ചി​ല്ലു​ക​ൾ തകർന്നു. കൂ​ട്ട​ത്ത​ല്ലി​ൽ നി​ര​വ​ധി ഭാ​ര​വാ​ഹി​ക​ൾക്കും പ​രി​ക്കേ​റ്റു. കെ​പി​സി​സി നേ​തൃ​ത്വ​ത്തെ ചൊ​ല്ലി​യു​ള്ള ത​ർ​ക്ക​മാ​ണു സം​ഘ​ർ​ഷ​ത്തി​നു വ​ഴി വ​ച്ച​ത്. സം​ഘ​ർ​ഷ​ത്തി​ൽ കെ​എ​സ്യു പാ​റശാ​ല നി​യോ​ജ​ക മ​ണ്ഡ​ലം പ്ര​സി​ഡ​ന്‍റ് സു​ജി​ത്തി​ന് ഗു​രു​ത​ര​ പ​രി​ക്കേ​റ്റിട്ടുണ്ട്. നെ​ടു​മ​ങ്ങാ​ട് നി​യോ​ജ​ക​മ​ണ്ഡ​ലം പ്ര​സി​ഡ​ന്‍റ് അ​ഭി​ജി​ത്തി​നും പ​രി​ക്കേ​റ്റു. ഇ​രു​വ​രും ന​ഗ​ര​ത്തി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി.

രാ​ത്രി മ​ദ്യ​പി​ച്ചാ​ണ് നേ​താ​ക്ക​ൾ ത​മ്മി​ൽ ഏ​റ്റു​മു​ട്ടി​യ​തെന്ന റി​പ്പോ​ർ​ട്ട് കോ​ൺ​ഗ്ര​സ് നേ​തൃ​ത്വ​ത്തി​നും തി​രി​ച്ച​ടി​യാ​യി. ഈ ​സ​മ​യം കോ​ൺ​ഗ്ര​സ് നേ​താ​ക്ക​ളാ​രും അ​വി​ടെ ഉ​ണ്ടാ​യി​രു​ന്നി​ല്ല. കെ​എസ്‌യു സം​സ്ഥാ​ന എ​ക്‌​സി​ക്യൂ​ട്ടീ​വി​ൽ ത​യാ​റാ​ക്കി​യ പ്ര​വ​ർ​ത്ത​ന ക​ല​ണ്ട​ർ പ്ര​കാ​ര​മു​ള്ള മേ​ഖ​ലാ ക്യാ​മ്പു​ക​ളി​ൽ ഒ​ന്നാ​ണ് നെ​യ്യാ​ർ ഡാ​മി​ൽ ന​ട​ന്ന​ത്.


തെ​ക്ക​ൻ ജി​ല്ല​ക​ളി​ൽ നി​ന്ന് തെ​ര​ഞ്ഞെ​ടു​ക്ക​പ്പെ​ട്ട പ്ര​തി​നി​ധി​ക​ൾ പ​ങ്കെ​ടു​ക്കു​ന്ന "റി​സ​ർ​ജ​ൻ​സ്' തെ​ക്ക​ൻ മേ​ഖ​ല ക്യാ​ന്പ് നെ​യ്യാ​ർ രാ​ജീ​വ് ഗാ​ന്ധി ഇ​ൻ​സ്റ്റി​റ്റ്യൂ​ട്ട് ഓ​ഫ് ഡെ​വ​ല​പ്പ്‌​മെന്‍റ് സ്റ്റ​ഡീ​സി​ൽ ക​ഴി​ഞ്ഞ ദി​വ​സ​മാ​ണ് തു​ട​ങ്ങി​യ​ത്.

സം​സ്ഥാ​ന പ്ര​സി​ഡ​ന്‍റ് അ​ലോ​ഷ്യ​സ് സേ​വ്യ​ർ പ​താ​ക ഉ​യ​ർ​ത്തി. ​ഡി​സി​സി പ്ര​സി​ഡ​ന്‍റ് പാ​ലോ​ട് ര​വി, കെ​എസ്‌യു സം​സ്ഥാ​ന വൈ​സ് പ്ര​സി​ഡ​ന്‍റ് എം.​ജെ. യ​ദു​കൃ​ഷ്ണ​ൻ, ജി​ല്ലാ പ്ര​സി​ഡ​ന്‍റ് ഗോ​പു​ നെ​യ്യാ​ർ, സം​സ്ഥാ​ന സം​ഘ​ട​നാ ജ​നറൽ സെ​ക്ര​ട്ട​റി മു​ബാ​സ് ഓ​ട​ക്കാ​ലി എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു ക്യാ​മ്പ്.

Copyright @ 2022 , Rashtra Deepika Ltd.