തി​രു​വ​ന​ന്ത​പു​രം: പ്രാ​യം അ​റു​പ​ത് ക​ഴി​ഞ്ഞെ​ങ്കി​ലെ​ന്ത്. നി​ങ്ങ​ളേ​ക്കാ​ൾ പൊ​ളി ഞ​ങ്ങ​ൾ ത​ന്നെ. കാ​ര​ണം ഞ​ങ്ങ​ളു​ടെ മ​ന​സി​ന് എ​പ്പോ​ഴും ചെ​റു​പ്പ​മാ​ണ്. ഉ​റ​ച്ച മ​ന​സോ​ടെ തി​രു​വ​ന​ന്ത​പു​ര​ത്ത് ന​ട​ക്കു​ന്ന ലു​ലു ഫാ​ഷ​ൻ വീ​ക്കി​ന്‍റെ റാം​പി​ൽ ചു​വ​ടു​വ​ച്ച അ​വ​ർ പ​തി​ന​ഞ്ച് പേ​രും പ​റ​യാ​തെ പ​റ​ഞ്ഞ​ത് ഇ​താ​യി​രു​ന്നു.

ലു​ലു ഫാ​ഷ​ൻ വീ​ക്കി​ന്‍റെ ഭാ​ഗ​മാ​യി സം​ഘ​ടി​പ്പി​ച്ച യം​ഗ് സൂ​പ്പ​ർ സി​ക്സ്റ്റി ഫാ​ഷ​ൻ ഷോ​യി​ലാ​ണ് അ​പൂ​ർ​വ​മാ​യ ഈ ​ഫാ​ഷ​ൻ ഷോ​യും റാം​പ് വാ​ക്കും ന​ട​ന്ന​ത്. തി​രു​വ​ന​ന്ത​പു​രം, കോ​ഴി​ക്കോ​ട്, കൊ​ല്ലം, ക​ണ്ണൂ​ർ സ്വ​ദേ​ശി​ക​ളാ​യ 15 പേ​ർ ഷോ​യി​ൽ പ​ങ്കെ​ടു​ത്തു. 60നും 70നും ഇ​ട​യ്ക്കു പ്രാ​യ​മു​ള്ള​വ​രാ​യി​രു​ന്നു എ​ല്ലാ​വ​രും.

ഫാ​ഷ​നു പ്രാ​യ​മി​ല്ലെ​ന്നു തെ​ളി​യി​ച്ച് ഓ​രോ​രു​ത്ത​രും റാം​പി​ൽ സൂ​പ്പ​ർ കൂ​ൾ മോ​ഡ​ലു​ക​ളെ പോ​ലെ ചു​വ​ടു​വ​ച്ചു. നൃ​ത്തം ചെ​യ്തു. മ​ന​സ് തു​റ​ന്നു ചി​രി​ച്ചു, ആ​ഘോ​ഷി​ച്ചു. മാ​ളി​ൽ ത​ടി​ച്ചു​കൂ​ടി​യ ആ​ൾ​ക്കൂ​ട്ടം കൈയടി​ച്ചും, ആ​ര​വം മു​ഴ​ക്കി​യും സ്വീ​ക​രി​ച്ച​തോ​ടെ മോ​ഡ​ലു​ക​ൾ ഓ​രോ​രു​ത്ത​രും കൂടു​ത​ൽ ആ​വേ​ശ​ത്തി​ലാ​യി.

ഷോ ​സ്റ്റോ​പ്പ​റാ​യി രാ​ജ്യ​ത്തെ പ്ര​മു​ഖ സൂ​പ്പ​ർ മോ​ഡ​ലും, സി​നി​മതാ​ര​വു​മാ​യ ദി​നേ​ശ് മോ​ഹ​ൻകൂ​ടി എ​ത്തി​യ​തോ​ടെ ആ​വേ​ശം ഇ​ര​ട്ടി​യാ​യി. പി​ന്നെ റാം​പി​ൽ ക​ണ്ട​ത് ഫാ​ഷ​ൻ ആ​ഘോ​ഷം.

മോ​ഡ​ൽ ലു​ക്കി​ൽ ഫോ​ട്ടോ ഷൂ​ട്ടു​ക​ളി​ലൂ​ടെ​യും റീ​ൽ വീ​ഡി​യോ​ക​ളി​ലൂ​ടെ​യും മ​റ്റും വൈ​റ​ലാ​യ​വ​രെ സൂ​പ്പ​ർ സി​ക്സ്റ്റി ഷോ​യി​ലേ​ക്ക് ലു​ലു ഫാ​ഷ​ൻ വീ​ക്ക് അ​ധി​കൃ​ത​ർ ക്ഷ​ണി​ക്കു​ക​യാ​യി​രു​ന്നു. ഷോ​യി​ൽ പ​ങ്കെ​ടു​ത്ത പ​തി​ന​ഞ്ച് പേ​രെ​യും ലു​ലു മാ​ൾ അ​ധി​കൃ​ത​ർ ആ​ദ​രി​ച്ചു.