സ​മ​രാ​ഗ്നിക്ക് നെ​ടു​മ​ങ്ങാ​ട്ട് ഉജ്വല സ്വീകരണം
Wednesday, February 28, 2024 6:00 AM IST
നെ​ടു​മ​ങ്ങാ​ട്‌: സ​മ​രാ​ഗ്നി പ്ര​ക്ഷോ​ഭ ജാ​ഥ​ക്ക് നെ​ടു​മ​ങ്ങാ​ട്ട് ആ​വേ​ശ​ക​ര​മാ​യ സ്വീ​ക​ര​ണം. കെ ​പി സി ​സി പ്ര​സി​ഡ​ന്‍റ് കെ. ​സു​ധാ​ക​ര​നും പ്ര​തി​പ​ക്ഷ നേ​താ​വ് വി. ​ഡി. സ​തീ​ശ​നും ന​യി​ച്ച സ​മ​രാ​ഗ്നി പ്ര​ക്ഷോ​ഭ ജാ​ഥ​യെ നെ​ടു​മ​ങ്ങാ​ട് ജി​ല്ല ആ​ശു​പ​ത്രി ജം​ഗ്‌​ഷ​നി​ൽ നി​ന്നും വാ​ദ്യ ഘോ​ഷ​ങ്ങ​ളു​ടെ​യും യൂ​ത്ത് കോ​ൺ​ഗ്ര​സ്‌ പ്ര​വ​ർ​ത്ത​ക​രു​ടെ ബൈ​ക്ക് റാ​ലി​യു​ടെ​യും അ​ക​മ്പ​ടി​യോ​ടെ സ്വീ​ക​രി​ച്ചു.പ​ത്തു വ​ർ​ഷ​മാ​യി ഭ​ര​ണം ന​ട​ത്തു​ന്ന മോ​ഡി​ക്ക് നേ​ട്ട​ങ്ങ​ളെ കു​റി​ച്ച് പ​റ​യാ​നൊ​ന്നു​മി​ല്ലാ​തെ ഇ​പ്പോ​ഴും ഗാ​ര​ണ്ടി​യെ കു​റി​ച്ചേ പ​റ​യാ​നു​ള്ളു​വെ​ന്ന് യോ​ഗം ഉ​ദ്ഘാ​ട​നം ചെ​യ്ത ര​മേ​ശ്‌ ചെ​ന്നി​ത്ത​ല പ​റ​ഞ്ഞു.

തൊ​ഴി​ൽ അ​വ​സ​ര​ങ്ങ​ൾ നി​ഷേ​ധി​ച്ചു​കൊ​ണ്ട് നി​യ​മ​ന​ങ്ങ​ൾ മ​ര​വി​പ്പി​ക്കു​ക​യാ​ണ് ചെ​യ്ത​ത്. ക​ർ​ഷ​ക​രു​ടെ വ​രു​മാ​നം ഇ​ര​ട്ടി​യാ​ക്കു​മെ​ന്ന് പ​റ​ഞ്ഞെ​ങ്കി​ലും അ​തും പാ​ലി​ച്ചി​ല്ല. ഇ​പ്പോ​ൾ ക​ർ​ഷ​ക​ർ അ​വ​രു​ടെ അ​വ​കാ​ശ​ങ്ങ​ൾ​ക്കാ​യി സ​മ​രം ചെ​യ്യു​മ്പോ​ൾ അ​തി​നെ അ​ടി​ച്ച​മ​ർ​ത്താ​നാ​ണ് ശ്ര​മി​ക്കു​ന്ന​തെ​ന്നും ര​മേ​ശ്‌ ആ​രോ​പി​ച്ചു. പെ​ട്രോ​ൾ, ഡീ​സ​ൽ വി​ല കു​റ​യ്ക്കു​മെ​ന്ന് പ​റ​ഞ്ഞി​ട്ട് അ​ടി​ക്ക​ടി വ​ർ​ധി​പ്പി​ച്ചു ജ​ന​ജീ​വി​തം ദു​സ്സ​ഹ​മാ​ക്കി.

ഇ​ത്ത​ര​ത്തി​ൽ മോ​ഡി​യു​ടെ ഗാ​ര​ണ്ടി​ക​ൾ പൊ​ള്ള​യാ​യി മാ​റു​ക​യാ​ണ് ചെ​യ്ത​ത്. എ​ന്നി​ട്ടും വീ​ണ്ടും വീ​ണ്ടും ജ​ന​ങ്ങ​ൾ​ക്ക് ഗാ​ര​ണ്ടി​ക​ൾ വാ​ഗ്ദാ​നം ചെ​യ്യു​ക​യാ​ണ് മോ​ദി​യെ​ന്നും ചെ​ന്നി​ത്ത​ല പ​റ​ഞ്ഞു.

കെ​പി​സി​സി പ്ര​സി​ഡ​ന്‍റ് കെ. ​സു​ധാ​കാ​ര​ൻ, പ്ര​തി​പ​ക്ഷ നേ​താ​വ് വി. ​ഡി. സ​തീ​ശ​ൻ, വി​തു​ര ശ​ശി ,യു.​ഡി. എ​ഫ് ക​ൺ​വീ​ന​വ​ർ എം. ​എം. ഹ​സ്സ​ൻ, എം​എ​ൽ​എ മാ​രാ​യ പി. ​സി. വി​ഷ്ണു​നാ​ഥ്‌, ടി. ​സി​ദ്ധീ​ഖ്, എ​ഐ​സി​സി സെ​ക്ര​ട്ട​റി വി​ശ്വ​നാ​ത പെ​രു​മാ​ൾ, ജി. ​ദേ​വ​രാ​ജ​ൻ, ആ​ര്യാ​ട​ൻ ഷൗ​ക്ക​ത്, പാ​ലോ​ട് ര​വി ,ക​ല്ല​യം സു​കു ,ടി. ​അ​ർ​ജു​ന​ൻ എ​ന്നി​വ​ർ പ്ര​സം​ഗി​ച്ചു.