നഗ്നതാപ്രദർശനം: എഴുപത് വയസുകാരന് രണ്ട് വർഷം കഠിന തടവ്
1340060
Wednesday, October 4, 2023 4:50 AM IST
കാട്ടാക്കട: ഒൻപത് വയസുകാരിക്കു നേരെ നഗ്നതാപ്രദർശനം നടത്തിയ എഴുപത് വയസുകാരനെ രണ്ട് വർഷം കഠിന തടവിനും പതിനായിരം രൂപ പിഴയും ശിക്ഷിച്ചു.
കൊല്ലോട് കാവനാട്ടു കോണം മിനി വിലാസത്തിൽ അർജുനനെയാണ് കാട്ടാക്കട അതിവേഗ പോക്സോ കോടതി ജഡ്ജി എസ്.രമേഷ് കുമാർ ശിക്ഷിച്ചത്.പിഴ തുക അതിജീവിതക്ക് നൽകണം. പിഴ അടച്ചില്ലെങ്കിൽ രണ്ട് മാസം കൂടി അധിക തടവ് അനുഭവിക്കണമെന്നും വിധിയിൽ പറയുന്നു. 2021 ഒക്ടോബർ 13നാണ് കേസിനാസ്പദമായ സംഭവമുണ്ടായത്.