നെയ്യാറ്റിന്‍കര : ചെന്പരത്തിവിള മലങ്കര സുറിയാനി കത്തോലിക്ക ദേവാലയത്തിന്‍റെ സ്വര്‍ഗീയ മധ്യസ്ഥനായ വിശുദ്ധ ഫ്രാന്‍സിസ് സേവ്യറിന്‍റെ തിരുനാളും 87-ാമത് ഇടവക പെരുന്നാളും ആരംഭിച്ചു. ഇന്ന് വൈകുന്നേരം 5.30 ന് ജപമാല, സന്ധ്യാ നമസ്കാരം. 6.15 ന് വിശുദ്ധ കുര്‍ബാന, വചന പ്രഘോഷണം, ദിവ്യകാരുണ്യാരാധന. ഫാ. ഗീവര്‍ഗീസ് പാലമൂട്ടില്‍ തെക്കേതില്‍ മുഖ്യകാര്‍മികനായിരിക്കും. നാളെ വൈകുന്നേരം 5.30 ന് ജപമാല, സന്ധ്യാ നമസ്കാരം. 6.15 ന് വിശുദ്ധ കുര്‍ബാന, വചന പ്രഘോഷണം, ദിവ്യകാരുണ്യാരാധന. ഫാ. ഏബ്രഹാം മേപ്പുറത്ത് മുഖ്യകാര്‍മികനായിരിക്കും.
ഡിസംബര്‍ രണ്ടിന് വൈകുന്നേരം 5.30 ന് ജപമാല, സന്ധ്യാ നമസ്കാരം, വിശുദ്ധ ഫ്രാന്‍സിസ് സേവ്യറിനോടുള്ള നൊവേന. 6.30 ന് വിശുദ്ധ കുര്‍ബാന, ദിവ്യകാരുണ്യാരാധന. ഫാ. ജോസഫ് മലയാറ്റില്‍ മുഖ്യകാര്‍മികനായിരിക്കും. മൂന്നിന് വൈകുന്നേരം 5.30 ന് ജപമാല, സന്ധ്യാ നമസ്കാരം, വിശുദ്ധ കുന്പസാരം. 6.15 ന് തിരുന്നാള്‍ വിശുദ്ധ കുര്‍ബാന, ദിവ്യകാരുണ്യാരാധന. ഫാ. ഡോ. വിബിന്‍ ബര്‍ണാഡ് വലിയവിള മുഖ്യകാര്‍മികനായിരിക്കും.
നാലിന് രാവിലെ ഒന്പതിന് ജപമാല പ്രാര്‍ഥന, പ്രഭാത പ്രാര്‍ഥന, പൊന്തിഫിക്കല്‍ വിശുദ്ധ കുര്‍ബാന. മലങ്കര സുറിയാനി കത്തോലിക്ക സഭ കൂരിയാ മെത്രാന്‍ ഡോ. ആന്‍റണി മാര്‍ സില്‍വാനോസ് മുഖ്യകാര്‍മികത്വം വഹിക്കും.
തുടര്‍ന്ന് തിരുനാള്‍ നേര്‍ച്ച. വൈകുന്നേരം 5.15 ന് ജപമാല പ്രാര്‍ഥന, സന്ധ്യാപ്രാര്‍ഥന, വിശുദ്ധ ഫ്രാന്‍സിസ് സേവ്യറിനോടുള്ള നൊവേന. 6.30 ന് ഭക്തസംഘടനകളുടെ കലാപരിപാടികള്‍, കൊടിയിറക്ക്.