ഭ​ർ​ത്തൃ​മാ​താ​വ് യു​വ​തി​യേ​യും കു​ഞ്ഞി​നേ​യും വീ​ട്ടി​ൽ​നി​ന്നും ഇ​റ​ക്കി​വി​ട്ട് ഗേറ്റ് പൂട്ടി
Friday, October 7, 2022 11:15 PM IST
കൊ​ട്ടി​യം: ഭ​ർ​ത്തൃ​മാ​താ​വ് യു​വ​തി​യേ​യും കു​ഞ്ഞി​നെ​യും വീ​ട്ടി​ൽ നി​ന്ന് ഇ​റ​ക്കി​വി​ട്ട് ഗേ​റ്റും വീ​ടും പൂ​ട്ടി. 21 മ​ണി​ക്കൂ​റി​ന് ശേ​ഷം അ​മ്മ​യും മ​ക​നും വീ​ട്ടി​നു​ള്ളി​ൽ ക​യ​റി. ഇ​വ​ർ​ക്ക് മ​തി​യാ​യ സം​ര​ക്ഷ​ണം ന​ൽ​ക​ണ​മെ​ന്ന് മ​ന്ത്രി വീ​ണാ ജോ​ർ​ജ് ബ​ന്ധ​പ്പെ​ട്ട​വ​ർ​ക്ക് ക​ർ​ശ​ന നി​ർ​ദേ​ശം ന​ൽ​കി. സം​ഭ​വ​ത്തി​ൽ യു​വ​തി​ക്കും കു​ഞ്ഞി​നും പോ​ലീ​സ് നീ​തി നി​ഷേ​ധി​ച്ചു കൊ​ണ്ട് ഭ​ർ​ത്തൃ​മാ​താ​വി​നെ സം​ര​ക്ഷി​ക്കാ​ൻ ശ്ര​മി​ക്കു​ക​യാ​ണെ​ന്ന ആ​രോ​പ​ണം ശ​ക്ത​മാ​ണ്. പോ​ലീ​സി​ന്‍റെ ന​ട​പ​ടി​യും അ​ത്ത​ര​ത്തി​ലാ​യി​രു​ന്നു. സം​ഭ​വ​മു​ണ്ടാ​യ വ്യാ​ഴാ​ഴ്ച രാ​ത്രി നാ​ട്ടു​കാ​രെ ലാ​ത്തി കൊ​ണ്ട​ടി​ക്കാ​ൻ പോ​ലും പോ​ലീ​സ് ത​യാ​റാ​യി. ലാ​ത്തി​യ​ടി​യി​ൽ ര​ണ്ടു പേ​ർ​ക്ക് പ​രി​ക്കേ​റ്റു.
കൊ​ട്ടി​യം ത​ഴു​ത്ത​ല പി​കെ ജം​ഗ്ഷ​ൻ ശ്രീ​നി​ല​യ​ത്തി​ൽ അ​തു​ല്യ​യ്ക്കും മ​ക​നു​മാ​ണ് ഭ​ർ​ത്തൃ​മാ​താ​വി​ൽ നി​ന്നും ദു​ര​നു​ഭ​വം ഉ​ണ്ടാ​യ​ത്. സം​ഭ​വ​ത്തെ തു​ട​ർ​ന്ന് നാ​ട്ടു​കാ​ർ ഒ​ന്ന​ട​ങ്കം ത​ടി​ച്ചു കൂ​ടി. അ​തു​ല്യ​യ്ക്കും മ​ക​നും നീ​തി ല​ഭി​ക്ക​ണ​മെ​ന്ന് ആ​വ​ശ്യ​പ്പെ​ട്ട് മു​റ​വി​ളി കൂ​ട്ടി.
വ്യാ​ഴാ​ഴ്ച ഉ​ച്ച​ക​ഴി​ഞ്ഞ് മൂ​ന്നോ​ടെ അ​തു​ല്യ സ്കൂ​ൾ ബ​സി​ൽ വ​ന്ന അ​ഞ്ചു വ​യ​സു​കാ​ര​നാ​യ മ​ക​നെ വി​ളി​ക്കാ​നാ​യി വീ​ട്ടി​ന് പു​റ​ത്തേ​യ്ക്ക് പോ​യി. ഈ ​സ​മ​യം അ​തു​ല്യ​യു​ടെ ഭ​ർ​ത്തൃ​മാ​താ​വ് വീ​ടി​ന്‍റെ ര​ണ്ട് ഗേ​റ്റും പൂ​ട്ടി ക​ത​കു​ക​ളു​മ​ട​ച്ചു. അ​തു​ല്യ​യ്ക്കും കു​ഞ്ഞി​നും വീ​ട്ടി​ൽ ക​യ​റാ​നാ​യി​ല്ല. അ​തു​ല്യ ര​ണ്ടു ത​വ​ണ സി​റ്റി പോ​ലീ​സ് ക​മ്മീ​ഷ​ണ​റെ വി​ളി​ച്ചു വി​വ​രം അ​റി​യി​ച്ചു. മ​റ്റ് പോ​ലീ​സ് ഉ​ദ്യോ​ഗ​സ്ഥ​രെ​യും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രെ​യും വി​ളി​ച്ച് വി​വ​രം അ​റി​യി​ച്ചി​ട്ടും ആ​രും തി​രി​ഞ്ഞു നോ​ക്കി​യി​ല്ല.
രാ​ത്രി പ​ന്ത്ര​ണ്ടോ​ടെ നാ​ട്ടു​കാ​രു​ടെ സ​ഹാ​യ​ത്തോ​ടെ മ​തി​ൽ ചാ​ടി​യാ​ണ് വീ​ടി​ന്‍റെ കോ​മ്പൗ​ണ്ടി​ൽ ക​ട​ന്ന​ത്. ഇ​തോ​ടെ ഭ​ർ​ത്തൃ​മാ​താ​വ് ലൈ​റ്റു​ക​ൾ അ​ണ​ച്ചു. വീ​ടി​ന്‍റെ സി​റ്റൗ​ട്ടി​ലാ​ണ് ഇ​രു​ട്ട​ത്ത് അ​മ്മ​യും കു​ഞ്ഞും ക​ഴി​ഞ്ഞ​ത്. ഇ​വ​രെ പോ​ലീ​സ് സ്റ്റേ​ഷ​നി​ലേ​യ്ക്ക് നീക്കാ​ൻ പോ​ലീ​സ് ശ്ര​മി​ച്ചെ​ങ്കി​ലും ഇ​വ​ർ വ​ഴ​ങ്ങി​യി​ല്ല. കോ​ട​തി​യു​ടെ ഉ​ത്ത​ര​വു​ള്ള​തി​നാ​ൽ ഇ​ട​പെ​ടാ​നാ​വി​ല്ലെ​ന്ന നി​ല​പാ​ടാ​ണ് പോ​ലീ​സ് സ്വീ​ക​രി​ച്ച​ത്.
ഭ​ർ​ത്തൃ​മാ​താ​വി​ന്‍റെ പു​ര​യി​ട​ത്തി​ലാ​ണ് വീ​ട്. അ​തു​ല്യ​യു​ടെ സ്വ​ർ​ണാ​ഭ​ര​ണ​ങ്ങ​ൾ വി​റ്റും സ്ത്രീ​ധ​ന​മാ​യി ല​ഭി​ച്ച പ​ണ​വും അ​തു​ല്യ​യു​ടെ വീ​ട്ടു​കാ​ർ ന​ല്കി​യ പ​ണ​വും ഉ​പ​യോ​ഗി​ച്ചാ​ണ് വീ​ട് നി​ർ​മി​ച്ച​തെ​ന്ന് അ​തു​ല്യ​യു​ടെ അ​മ്മ വ്യ​ക്ത​മാ​ക്കു​ന്നു. അ​ജി​ത​കു​മാ​രി​യു​ടെ കു​ടും​ബ വീ​ടും ഇ​തേ പു​ര​യി​ട​ത്തി​ലാ​ണ്. അ​തു​ല്യ​യു​ടെ ഭ​ർ​ത്താ​വ് കേ​ര​ള​ത്തി​ന് പു​റ​ത്താ​ണ്. ഭ​ർ​ത്തൃ സ​ഹോ​ദ​ര​ന്‍റെ ഭാ​ര്യ​യെ കൊ​ല​പ്പെ​ടു​ത്താ​ൻ ശ്ര​മ​മു​ണ്ടാ​യെ​ന്നും ഇ​ത് സം​ബ​ന്ധി​ച്ച് കേ​സ് കോ​ട​തി​ക​ളി​ലു​ണ്ടെ​ന്നും സ്ഥ​ല​ത്തെ​ത്തി​യ ഭ​ർ​ത്തൃ സ​ഹോ​ദ​ര​ന്‍റെ ഭാ​ര്യ പ​റ​ഞ്ഞു. കു​റെ നാ​ൾ മു​മ്പും അ​തു​ല്യ​യെ​യും കു​ഞ്ഞി​നെ​യും വീ​ട്ടി​ന് പു​റ​ത്താ​ക്കാ​ൻ ഭ​ർ​ത്തൃ​മാ​താ​വ് ശ്ര​മി​ച്ചി​രു​ന്നു.നീ​ണ്ട 21 മ​ണി​ക്കൂ​ർ വീ​ട്ടി​ന് പു​റ​ത്ത് ക​ഴി​യേ​ണ്ടി വ​ന്ന അ​തു​ല്യ​യേ​യും കു​ഞ്ഞി​നെ​യും ഇ​ന്ന​ലെ പ​ന്ത്ര​ണ്ട് ഓ​ടെ​യാ​ണ് വീ​ട്ടി​ൽ പ്ര​വേ​ശി​പ്പി​ച്ച​ത്. വ​നി​താ ക​മ്മീ​ഷ​ൻ അം​ഗം ഷാ​ഹി​ദാ ക​മാ​ൽ, ബാ​ലാ​വ​കാ​ശ ക​മ്മീ​ഷ​ൻ ചെ​യ​ർ​പേ​ഴ്സ​ൻ മ​നോ​ജ് കു​മാ​ർ തു​ട​ങ്ങി​യ​വ​ർ സ്ഥ​ല​ത്തെ​ത്തി​യി​രു​ന്നു. ചാ​ത്ത​ന്നൂ​ർ എ ​സി പി ​ബി.​ഗോ​പ​കു​മാ​ർ, കൊ​ട്ടി​യം എ​സ് എ​ച്ച് ഒ ​ജി​ൻ​സ്റ്റ​ൺ എ​ന്നി​വ​ർ ഭ​ർ​ത്തൃ​മാ​താ​വു​മാ​യി സം​സാ​രി​ച്ച് ധാ​ര​ണ ഉ​ണ്ടാ​ക്കു​ക​യാ​യി​രു​ന്നു. ഭ​ർ​ത്തൃ​മാ​താ​വ് നി​ല​വി​ലു​ള്ള കു​ടും​ബ​വീ​ട്ടി​ൽ താ​മ​സി​ക്കാ​നും ധാ​ര​ണ​യാ​യി. അ​ഞ്ചു വ​യ​സു​കാ​ര​നാ​യ കു​ഞ്ഞി​നോ​ട് വീ​ട്ടി​ൽ ക​യ​റ്റാ​തെ ക്രൂ​ര​ത കാ​ണി​ച്ച വ​ർ​ക്കെ​തി​രെ ക്രി​മി​ന​ൽ കേ​സ്െ​ടു​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു. പ​ക്ഷേ പോ​ലീ​സി​ന്‍റെ ഭാ​ഗ​ത്തു നി​ന്നും ഇ​തു​വ​രെ അ​ത്ത​രം ന​ട​പ​ടി​ക​ൾ ഉ​ണ്ടാ​യി​ട്ടി​ല്ല.

Copyright @ 2022 , Rashtra Deepika Ltd.