തിരുവനന്തപുരം: മയക്കു മരുന്നിനെതിരേയുള്ള ബോധവത്കരണ ഭാഗമായി കാട്ടാക്കട നിയോജക മണ്ഡലത്തിലെ 1500 വിദ്യാർഥികൾ പങ്കെടുക്കുന്ന കളരി മാസ് ഡ്രിൽ നാളെ നരുവാമൂട് ട്രിനിറ്റി എൻജിനിയറിംഗ് കോളജിൽ നടക്കും.രാവിലെ 7.30ന് മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. മഹേഷ് ഗുരുക്കൾ മാസ് ഡ്രില്ലിന് നേതൃത്വം നൽകും. പൊതുവിദ്യാഭ്യാസ വകുപ്പ്, എക്സൈസ് വകുപ്പ്, വിമുക്തി, പോലീസ്, തദ്ദേശ സ്വയംഭരണ സ്ഥാപനങ്ങൾ, യുവജന ക്ഷേമ ബോർഡ്, റസിഡന്റ്സ് അസോസിയേഷൻ, യുവജന സംഘടനകൾ, എൻഎസ്എസ്, സ്റ്റുഡന്റ്സ് കേഡറ്റ്സ്, എൻസിസി, സ്കൗട്സ് ആൻഡ് ഗൈഡ്സ്, ഫോർത്ത് വേ ഫൗണ്ടേഷൻ, ട്രിനിറ്റി എൻജിനിയറിംഗ് കോളജ്, അഗസ്ത്യ മർമ കളരി എന്നിവയുടെ സംയുക്താഭിമുഖ്യത്തിലാണ് മാസ് ഡ്രിൽ സംഘടിപ്പിക്കുന്നത്.ഐ.ബി. സതീഷ് എംഎൽഎ, മഹേഷ് ഗുരുക്കൾ, ശ്രീകുമാർ തുടങ്ങിയവർ പത്രസമ്മേളനത്തിൽ പങ്കെടുത്തു.