കാ​ട്ടാ​ക്ക​ട കെ​എ​സ്ആ​ർ​ടി​സി​യി​ലെ മ​ർ​ദ​നം ; ആ​റാം ദി​വ​സ​വും പ്ര​തി​ക​ളെ അ​റ​സ്റ്റ് ചെ​യ്യാ​തെ പോ​ലീ​സ്
Sunday, September 25, 2022 11:36 PM IST
കാ​ട്ടാ​ക്ക​ട : കാ​ട്ടാ​ക്ക​ട​യി​ൽ അ​ച്ഛ​നെ​യും​മ​ക​ളെ​യും മ​ർ​ദി​ച്ച കെ​എ​സ്ആ​ർ​ടി​സി ജീ​വ​ന​ക്കാ​രെ ആ​റാം ദി​വ​സ​വും അ​റ​സ്റ്റ് ചെ​യ്യാ​തെ പോ​ലീ​സ്. പ്ര​തി​ക​ൾ ഫോ​ൺ ഓ​ഫ് ചെ​യ്ത് ഒ​ളി​വി​ലാ​ണെ​ന്നാ​ണ് പ്ര​ത്യേ​ക അ​ന്വേ​ഷ​ണ സം​ഘം ന​ൽ​കു​ന്ന വി​ശ​ദീ​ക​ര​ണം. കാ​ട്ടാ​ക്ക​ട ഡി​വൈ​എ​സ്പി നേ​തൃ​ത്വം ന​ൽ​കു​ന്ന ഒ​ൻ​പ​തം​ഗ സം​ഘം പ്ര​തി​ക​ൾ​ക്കാ​യി വ​ല​വി​രി​ച്ചെ​ന്നും അ​വ​ർ ഒ​ളി​ക്കാ​ൻ സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ൽ അ​ന്വേ​ഷ​ണം ന​ട​ത്തി​യെ​ന്നും പോ​ലീ​സ് പ​റ​യു​ന്നു.
എ​ന്നാ​ൽ പോ​ലീ​സി​ന്‍റെ അ​ന്വേ​ഷ​ണം ഇ​ഴ​യു​ക​യാ​ണെ​ന്നും ഭ​ര​ണ​ക​ക്ഷി​യു​ടെ സ​മ്മ​ർ​ദ്ദ​മാ​ണ് ഇ​തി​നു പി​ന്നി​ലെ​ന്നും പ​ര​ക്കെ ആ​ക്ഷേ​പ​മു​യ​ർ​ന്നി​ട്ടു​ണ്ട്.
അ​തി​നി​ടെ മ​ർ​ദ​ന​മേ​റ്റ അ​ച്ഛ​നേ​യും മ​ക​ളേ​യും കു​റ്റ​പ്പെ​ടു​ത്തി പു​തി​യ ന്യാ​യീ​ക​ര​ണ​വു​മാ​യി കെ​എ​സ്ആ​ർ​ടി​സി തൊ​ഴി​ലാ​ളി യൂ​ണി​യ​ൻ രം​ഗ​ത്തെ​ത്തി. മ​ർ​ദ​ന​മേ​റ്റ പ്രേ​മ​ന​ൻ വ​ള​രെ മോ​ശ​മാ​യാ​ണ് ജീ​വ​ന​ക്കാ​രോ​ട് സം​സാ​രി​ച്ച​തെ​ന്നും അ​സ​ഭ്യം പ​റ​ഞ്ഞെ​ന്നു​മാ​ണ് പു​തി​യ വാ​ദം.
ര​ണ്ടു പ്രാ​വ​ശ്യം ത​ള്ളി​ക്ക​യ​റി വ​ന്നെ​ന്നും അ​തി​നാ​ലാ​ണ് സെ​ക്യൂ​രി​റ്റി ഇ​ട​പെ​ട്ട് പ്രേ​മ​ന​നെ ഓ​ഫീ​സി​ൽ കൊ​ണ്ടു​പോ​കാ​ൻ ശ്ര​മി​ച്ച​തെ​ന്നും അ​വ​രി​ൽ നി​ന്നും ത​ള്ളി​മാ​റി പോ​കു​ന്ന​താ​ണ് ദൃ​ശ്യ​ങ്ങ​ളി​ൽ ഉ​ള്ള​തെ​ന്നും അ​വ​ർ പ​റ​യു​ന്നു. ജീ​വ​ന​ക്കാ​ർ ത​ല്ലി​യി​ട്ടി​ല്ലെ​ന്നു സി​ഐ​ടി​യു നേ​താ​വ് ആ​ന​ത്ത​ല​വ​ട്ടം ആ​ന​ന്ദ​ൻ പ്ര​തി​ക​രി​ച്ചി​രു​ന്നു. ജീ​വ​ന​ക്കാ​ർ ആ​രേ​യും ത​ല്ലി​യി​ട്ടി​ല്ലെ​ന്നും മ​ർ​ദ​ന​മേ​റ്റ​യാ​ളാ​ണ് കു​ഴ​പ്പ​ക്കാ​ര​ൻ എ​ന്നും ചാ​ന​ലു​ക​ളു​ടെ ച​ർ​ച്ച​യി​ലാ​ണ് നേ​താ​വ് പ്ര​തി​ക​രി​ച്ച​ത്. ഇ​തി​നു പി​ന്നാ​ലെ​യാ​ണ് പു​തി​യ വാ​ദ​വു​മാ​യി യൂ​ണി​യ​ന്‍റെ രം​ഗ​പ്ര​വേ​ശം.
സിഐടിയു ജി​ല്ലാ സ​മ്മേ​ള​ന​ത്തി​ലും ച​ർ​ച്ച​
കാ​ട്ടാ​ക്ക​ട​യി​ൽ ഇ​ന്ന​ലെ ആ​രം​ഭി​ച്ച സി​ഐ​ടി​യു ജി​ല്ലാ സ​മ്മേ​ള​ന​ത്തി​ലും ഈ ​വി​ഷ​യം ച​ർ​ച്ച​യാ​യി. ചു​രു​ക്കം ചി​ല പ്ര​തി​നി​ധി​ക​ൾ ജീ​വ​ന​ക്കാ​രു​ടെ ഈ ​ചെ​യ്തി​യെ ത​ള്ളി​പ്പ​റ​ഞ്ഞു. സി​ഐ​ടി​യു​വി​ന് ക്ഷീ​ണ​മു​ണ്ടാ​ക്കി എ​ന്നാ​ണ് ഒ​രു വി​ഭാ​ഗം നി​ല​പാ​ടെ​ടു​ത്ത​ത്. എ​ന്നാ​ൽ ഭൂ​രി​ഭാ​ഗ​വും ജീ​വ​ന​ക്കാ​ർ​ക്ക് ഒ​പ്പ​മാ​ണ് നി​ന്ന​ത്. ഇ​ന്ന​ലെ സം​സ്ഥാ​ന നേ​താ​ക്ക​ൾ എ​ത്തി തൊ​ഴി​ലാ​ളി​ക​ളു​മാ​യി ച​ർ​ച്ച ന​ട​ത്തി​യി​രു​ന്നു. പ്ര​തി​ക​ളോ​ടു കീ​ഴ​ട​ങ്ങാ​ൻ ആ​വ​ശ്യ​പ്പെ​ട്ടെ​ങ്കി​ലും ഇ​ന്ന​ത്തെ കോ​ട​തി വി​ധി​ക്ക് ശേ​ഷം മ​തി കീ​ഴ​ട​ങ്ങ​ൽ എ​ന്ന നി​ല​പാ​ടി​ലാ​ണ് ചി​ല നേ​താ​ക്ക​ൾ. ഇ​ന്ന് സ​മാ​പി​ക്കു​ന്ന സ​മ്മേ​ള​ന​ത്തി​ൽ വി​ഷ​യം വീ​ണ്ടും ചർച്ചയ്ക്കു വ​രു​മെ​ന്നാ​ണ് സൂ​ച​ന.

Copyright @ 2022 , Rashtra Deepika Ltd.