പി.ഉബൈദുള്ള എംഎൽഎ, മലപ്പുറം
മലപ്പുറത്തിന്‍റെ സ്വപ്ന പദ്ധതിയായ ഫ്ളൈ ഓവറാണ് കിഫ്ബിയിൽ ഉൾപ്പെടുത്തിയ മികച്ച പദ്ധതികളിലൊന്ന്. ഫ്ളൈ ഓവറിനായി പോലീസ് സ്റ്റേഷൻ മുതൽ കിഴക്കേത്തല ചെത്തുപാലം വരെയുള്ള മേൽപ്പാലം പദ്ധതിക്ക് കിഫ്ബിയിൽ ഉൾപ്പെടുത്തി 89.92 കോടി രൂപ അനുവദിച്ചു. മലപ്പുറം ഗേൾസ് ഹയർസെക്കൻഡറി സ്കൂൾ അഞ്ചു കോടി, പൂക്കോട്ടൂർ ഗവ.ഹയർസെക്കൻഡറി സ്കൂൾ- മൂന്നു കോടി, എംഎസ്പി ഹയർസെക്കൻഡറി സ്കൂൾ-മൂന്നുകോടി എന്നീ പദ്ധതികളുടെ പ്രവൃത്തികൾ പുരോഗമിക്കുകയാണ്.
മണ്ഡലത്തിലെ 10 സ്കൂളുകൾക്ക് 20 കോടിയാണ് അനുവദിച്ചത്. ഗവ.കോളേജ് മലപ്പുറം (5.04 കോടി), വനിതാ ഗവ.കോളജ്(എട്ടു കോടി), കോട്ടപ്പടി സബ് രജിസ്ട്രാർ ഓഫീസ് (രണ്ടു കോടി), മലപ്പുറം സ്പോർട്സ് കോംപ്ലക്സ് (38 കോടി) മലപ്പുറം സർക്കിളിലെ വൈദ്യുതി വിതരണ സംവിധാനം മാറ്റിസ്ഥാപിക്കൽ (28.42 കോടി) എന്നിവ കിഫ്ബിയിൽ ഉൾപ്പെട്ടിരുന്നു. കിഫ്ബി മുഖാന്തിരം കെ.ഐ.ഐഡിസിക്ക് മലപ്പുറവും മഞ്ചേരിയും ഉൾപ്പെടുന്ന പുഴങ്കാവിൽ ആർസിബി നിർമാണത്തിനായി 12.065 കോടി അനുവദിച്ചു പ്രവൃത്തി പുരോമിക്കുകയാണ്.
പി.വി.അൻവർ എംഎൽഎ നിലന്പൂർ
കിഫ്ബി ഫണ്ടിൽ നിലന്പൂരിന് ലഭിച്ചത് 264.25 കോടി രൂപയുടെ വികസന പദ്ധതികൾ. മലയോര ഹൈവേ പൂക്കോട്ടുംപാടം മുതൽ തന്പുരാട്ടി കല്ല് വരെ 115 കോടി. ഇതിന്‍റെ രണ്ടു റീച്ച് നിർമാണം ആരംഭിച്ചു. പൂക്കോട്ടുംപാടം-വെളിയംതോട്-മൂലേപ്പാടം മലയോരപാതക്കായി 45 കോടി. ഇതിന്‍റെ സ്ഥലം ഏറ്റെടുക്കൽ നടപടി ആരംഭിച്ചു.
നിലന്പൂർ കളത്തിൻകടവിൽ റഗുലേറ്റർ കം ഫ്രൂട്ട് ബ്രിഡ്ജ് പ്രോജക്ടിന് 50 കോടി, പൂക്കോട്ടുംപാടം ഗവ.ആർട്സ് ആൻഡ് സയൻസ് കോളജിന് 10 കോടി. ഇവയുടെ സ്ഥലം ഏറ്റെടുക്കൽ നടപടി ആരംഭിച്ചു, നിലന്പൂർ മിനി സ്റ്റേഡിയം 18.25 കോടി, നിലന്പൂർ ഗവ.മാനവേദൻ ഹൈടെക് വിദ്യാലയം 8.04 കോടി ഇതിൽ 5 കോടി കിഫ്ബി, പൂക്കോട്ടുംപാടം ഗവ:ഹയർ സെക്കൻ ഡറി സ്കൂൾ, ഗവ.ഹയർ സെക്കൻഡറി സ്കൂൾ മൂത്തേടം, ഗവ.ഹയർ സെക്കൻഡറി സ്കൂൾ എടക്കര, ഗവ.യുപി സ്കൂൾ എന്നിവയ്ക്ക് മൂന്നു കോടി രൂപ വീതം.
കുറുന്പലങ്ങോട് ഗവ.യുപി സ്കൂൾ, ചന്തക്കുന്ന് ഗവ.എൽപി സ്കൂൾ, നിലന്പൂർ ഗവ.യുപി സ്കൂൾ, പുള്ളി ഗവ.യുപി സ്കൂൾ, പള്ളിക്കുത്ത് ഗവ.യുപി സ്കൂൾ, മുണ്ടേരി ഗവ.ഹയർ സെക്കൻഡറി സ്കൂൾ, മരുത ഗവ.ഹയർ സെക്കണ്ടറി സ്കൂൾ. ഏഴ് സ്കൂളിനും ഒരു കോടി. ഇവയുടെ ടെൻഡർ നടപടികൾ തുടങ്ങി.മൂത്തേടം പഞ്ചായത്തിൽ 2.25 കോടി രൂപ ചെലവഴിച്ച് വന്യമൃശല്യം തടയുന്നതിനു വനാതിർത്തികളിൽ ക്രാഷ് ഗാർഡ് റോപ്പ് ഫെൻസിംഗ് സ്ഥാപിക്കുന്നു. പ്രവൃത്തി ടെൻഡർ ഘട്ടത്തിലാണ്.
ടി.വി.ഇബ്രാഹിം എംഎൽഎ കൊണ്ടോട്ടി
കൊണ്ടോട്ടി മണ്ഡലത്തിൽ ഇതുവരെ 275.4 കോടിയുടെ കിഫ്ബി പ്രവർത്തികൾക്കാണ് ടെൻഡറായത്. കൊണ്ടോട്ടി-എടവണ്ണപ്പാറ-അരീക്കോട് റോഡ് നവീകരണത്തിനാണ് ഇതിൽ കൂടുതൽ ഫണ്ട് അനുവദിച്ചത്. 123 കോടിയാണ് കൊണ്ടോട്ടി-എടവണ്ണപ്പാറ-അരീക്കോട് റോഡ് നവീകരണത്തിനായി വകയിരുത്തിയത്. കൊണ്ടോട്ടി നഗരസഭ കുടിവെളള പദ്ധതിക്ക് വേണ്ടി 108 കോടിയാണ് കിഫ്ബി ഫണ്ട് അനുവദിച്ചത്. ചീക്കോട് കുടിവെളളപദ്ധതിയിൽ നിന്ന് കൊണ്ടോട്ടി നഗരസഭയിലെ മുഴുവൻ മേഖലയിലേക്കും വെളളമെത്തിക്കുന്ന പദ്ധതിയാണ്. പ്രവൃത്തികൾ വേഗത്തിൽ നടന്നുവരികയാണ്.
കടുങ്ങല്ലൂർ-വിളിയിൽ ചാലിയപ്പുറം റോഡ് നവീകരണത്തിന് 16.4 കോടിയാണ് ലഭിച്ചത്. പ്രവൃത്തികൾ പൂർത്തീകരിച്ച് റോഡ് തുറന്ന് കൊടുത്തു. മണ്ഡലത്തിൽ 12 സ്കൂളുകൾക്കാണ് കിഫ്ബിയുടെ മറ്റുഫണ്ടുകൾ ലഭ്യമാക്കിയത്. കൊണ്ടോട്ടി-മേലങ്ങാടി വെക്കേഷണൽ ഹയർ സെക്കൻഡറി സ്കൂൾ ഹൈടക് ആക്കുന്നതിന് അഞ്ച് കോടിയാണ് ലഭ്യമാക്കിയത്. മറ്റു ആറ് സ്കൂളുകൾക്ക് മൂന്ന് കോടി വീതവും, അഞ്ച് സ്കൂളുകൾക്ക് ഓരോ കോടി വീതവും അനുവദിച്ചിട്ടുണ്ട്. ഇവയുടെയല്ലാം നടപടി ക്രമങ്ങൾ പൂർത്തിയായിട്ടുണ്ട്.
കെ.എൻ.എ.ഖാദർ എംഎൽഎ, വേങ്ങര
വേങ്ങര മണ്ഡലത്തിൽ കോട്ടക്കൽ-കോട്ടപ്പടി റോഡ് നവീകരണം (18.76 കോടി) കിഫ്ബി പദ്ധതിയിൽ പുരോഗമിക്കുന്നു. തോട്ടാശേരിയറ-ഇല്ലത്തുമാട് റോഡ് (10 കോടി), വേങ്ങര ബൈപാസ് (20 കോടി) എന്നിവയും കിഫ്ബിയിൽ ഉൾപ്പെട്ടിട്ടുണ്ട്.
വേങ്ങര ഗവ.ഹയർസെക്കൻഡറി സ്കൂൾ നവീകരണം (അഞ്ചു കോടി), ഒതുക്കുങ്ങൽ ഗവ.ഹയർസെക്കൻഡറി സ്കൂൾ, ചേരൂർ ഗവ.യുപി സ്കൂൾ, കറുക ജിഎച്ച്എസ് സ്കൂൾ(മൂന്നു കോടി വീതം) എന്നിവയും അന്തിമഘട്ടത്തിലാണ്. കൂടാതെ ചോലക്കുണ്ട് ജിയുപിഎസ്, കൊളപ്പുറം ജിഎച്ച്എസ്, മുണ്ടോത്തുപറന്പ് ജിയുപിഎസ്, കണ്ണമംഗംലം ജിഎംയുപിഎസ് (ഒരു കോടി വീതം) എന്നിവയുടെ പ്രവൃത്തികൾ പുരോഗമിക്കുന്നു.
എ.പി.അനിൽകുമാർ എംഎൽഎ വണ്ടൂർ
വണ്ടൂർ മണ്ഡലത്തിൽ വിദ്യാഭ്യാസ മേഖലയിൽ മാത്രം 41 കോടി രൂപയുടെ വികസനം. കിഫ്ബി വഴിയാണ് ഫണ്ട് അനുവദിച്ചത്. തുവ്വൂർ ജിഎച്ച്എസ്എസ് അഞ്ചു കോടിയുടെ പ്രവർത്തി അടുത്ത മാസം പണി പൂർത്തീകരിക്കും. വണ്ടൂർ ജിജിവിഎച്ച്എസ്എസ് മൂന്നു കോടിയുടെ പ്രവർത്തി കഴിഞ്ഞ വർഷം പണി പൂർത്തീകരിച്ച് ഉദ്ഘാടനം ചെയ്തു. കരുവാരക്കുണ്ട് ജിഎച്ച്എസ്എസ്, അഞ്ചച്ചവിടി ജിഎച്ച്എസ്, തിരുവാലി ജിഎച്ച്എസ്എസ്, നീലാഞ്ചേരി ജിഎച്ച്എസ്, വണ്ടൂർ ജിവിഎംസിഎച്ച്എസ്എസ്, പുല്ലങ്കോട് ജിഎച്ച്എസ്എസ്, വാണിയന്പലം ജിഎച്ച്എസ്എസ്, മന്പാട് ജിവിഎച്ച്എസ്എസ് എന്നിവയ്ക്ക് മൂന്നു കോടി രൂപ വീതവും തുവ്വൂർ ജിഎൽവിഎസ്, കരുവാരകുണ്ട് ജിഎൽപിഎസ്, പഴയ കടക്കൽ ജിഎൽവിഎസ്, കാപ്പിൽ കാരാട് ജിഎച്ച്എസ്, പോരൂർ ജിഎച്ച്എസ്എസ്, കാട്ടുമുണ്ട ജിയുപിഎസ്, കാളികാവ് ബസാർ ജിയുപിഎസ് എന്നീ സ്കൂളുകൾക്ക് ഒരു കോടി രൂപ വീതവുമാണ് അനുവദിച്ചത്. മലയോര ഹൈവേക്ക് കാളികാവ് ടിബി മുതൽ കരുവാരകുണ്ട് ചിറക്കൽ വരെയുള്ള 8.5 കിലോമീറ്ററിന് 50 കോടി രൂപ അനുവദിച്ചു. തിരുവാലി കുടിവെള്ള പദ്ധതിക്കായി 42 കോടിയുടെ എസ്റ്റിമേറ്റിൽ കിഫ്ബിയുടെ 22 കോടിയുടെ പ്രവർത്തി പൂർത്തിയായി വരുന്നു. വാണിയന്പലം-താളിയംകുണ്ട് -പുളമണ്ണ റോഡിന് 22 കോടി അനുവദിച്ച് പ്രവർത്തി ആരംഭിച്ചു. മുണ്ടേങ്ങര പുള്ളിപ്പാടം ഓടായിക്കൽ റോഡിന് 16 കോടി അനുവദിച്ച് ഭൂമി ഏറ്റെടുക്കൽ നടപടി ആരംഭിച്ചു. പള്ളിശേരി അന്പലകടവ് മാളിയേക്കൽ ഉദിരംപൊയിൽ റോഡിന് 22 കോടിയിൽ 10 കോടി അനുവദിച്ചു.
പി.ശ്രീരാമകൃഷ്ണൻ എംഎൽഎ പൊന്നാനി
പൊന്നാനി മണ്ഡലത്തിൽ പൊന്നാനി കുടിവെള്ള പദ്ധതി 210 കോടി, കർമ പുഴയോരപാത പാലം 37 കോടി, പൊന്നാനി ഫിഷർമേൻ ഫ്ളാറ്റ് സമുച്ചയം 12.8 കോടി, പൊന്നാനി ഇൻഡോർ സ്റ്റേഡിയം, സ്പോർട്സ് പാർക്ക് 12 കോടി, പൊന്നാനി കോസ്റ്റൽ കോറിഡോർ, പടിഞ്ഞാറേക്കര തൂക്ക് പാലം 250 കോടി, പൊന്നാനി, പൂക്കൈതക്കടവ് പാലം 25 കോടി, മൂക്കുതല ഹയർ സെക്കൻഡറി സ്കൂൾ അഞ്ചു കോടി, മാറഞ്ചേരി ഹയർ സെക്കൻഡറി സ്കൂൾ മൂന്നു കോടി, തൃക്കാവ് ഹയർ സെക്കൻഡറി സ്കൂൾ മൂന്നു കോടി, എൽപി,യുപി സ്കൂളുകൾ ആറു കോടി എന്നിങ്ങനെയാണ് കിഫ്ബി മുഖാന്തിരം ലഭിച്ചത്. പദ്ധതികൾ അന്തിമഘട്ടത്തിലാണ്.
കെ.ടി.ജലീൽ എംഎൽഎ, തവനൂർ
തവനൂർ മണ്ഡലത്തിൽ നിരവധി പദ്ധതികളാണ് കിഫ്ബി മുഖാന്തിരം യാഥാർഥ്യമാകുന്നത്. ഒളന്പക്കടവ് പാലം 32 കോടി, എടപ്പാൾ മേൽപാലം 13.5 കോടി.
തവനൂർ ഗവണ്‍മെന്‍റ് കോളജ് കെട്ടിടം 10 കോടി, പുറത്തൂർ ഗവണ്‍മെന്‍റ് ഹയർ സെക്കൻഡറി സ്കൂൾ കെട്ടിടം അഞ്ചു കോടി, എടപ്പാൾ ഗവണ്‍മെന്‍റ് ഹയർ സെക്കൻഡറി സ്കൂൾ കെട്ടിടം മൂന്നു കോടി, എടപ്പാൾ മിനി സ്റ്റേഡിയം 6.47 കോടി, പടിഞ്ഞാറേക്കര ഉണ്ണിയാൽ റോഡ് 55 കോടി, പൊന്നാനിയിലെയും അനുബന്ധ പഞ്ചായത്തുകളെയും ബന്ധപ്പെടുത്തി നരിപ്പറന്പിൽ ആരംഭിച്ച സമഗ്രകുടിവെള്ള പദ്ധതിക്ക് 75 കോടി. എന്നീ പദ്ധതികളുടെ പ്രവൃത്തികൾ പുരോഗമിക്കുന്നു.
പുറത്തൂർ ജിയുപി സ്കൂൾ കെട്ടിടം മൂന്നു കോടി, തവനൂർ കഐംജിവിഎച്ച്എസ്എസ് കെട്ടിടം മൂന്നു കോടി, പുറത്തൂർ പഞ്ചായത്തിലെ നായർ തോട് പാലം 48 കോടി, തവനൂർ തിരുനാവായ പാലം 63.86 കോടി, ജിഎച്ച്എസ് കാടഞ്ചേരി മൂന്നു കോടി, ചമ്രവട്ടം ജിയുപി സ്കൂൾ കെട്ടിടം ഒരു കോടി, തവനൂർ കെഎംജി യുപി സ്കൂൾ കെട്ടിടം ഒരു കോടി തുടങ്ങിയ പദ്ധതികളുടെ ടെൻഡർ അടക്കമുള്ള നടപടികൾ നടന്നുവരികയാണ്. അഞ്ചു കോടി ചിലവഴിച്ച് നിർമാണം ആരംഭിച്ച പുറത്തൂർ ഗവണ്‍മെന്‍റ് ഹയർ സെക്കൻഡറി സ്കൂൾ കെട്ടിടത്തിന്‍റെയും മൂന്നു കോടി ചിലവഴിച്ച് നിർമാണം ആരംഭിച്ച എടപ്പാൾ ഗവണ്‍മെന്‍റ് ഹയർ സെക്കൻഡറി സ്കൂൾ കെട്ടിടത്തിന്‍റെയും നിർമാണ പ്രവർത്തികൾ പൂർത്തിയായി.
എം.ഉമ്മർ എംഎൽഎ മഞ്ചേരി
മഞ്ചേരി നിയോജകമണ്ഡലത്തിൽ 228 കോടി രൂപയുടെ കിഫ്ബി വികസന പദ്ധതികൾ.
മഞ്ചേരി-ഒലിപ്പുഴ റോഡ് (85 കോടി), മഞ്ചേരി കുടിവെള്ള പദ്ധതിക്ക് 72 കോടി രൂപ, എളങ്കൂർ 220 കെവി സബ്സ്റ്റേഷൻ 36 കോടി രൂപ, മഞ്ചേരിയിൽ വാട്ടർ അഥോറിറ്റിയുടെ പഴയ പൈപ്പ് ലൈൻ മാറ്റാൻ 15 കോടി രൂപ, പാണ്ടിക്കാട് ഗവണ്‍മെന്‍റ് ഹൈസ്കൂൾ അഞ്ചു കോടി രൂപ, മഞ്ചേരി ഗവണ്‍മെന്‍റ് ബോയ്സ് ഹൈസ്കൂൾ മൂന്നു കോടി രൂപ, നെല്ലിക്കുത്ത് ഗവണ്‍മെന്‍റ് ഹൈസ്കൂൾ മൂന്നു കോടി രൂപ, കാരക്കുന്ന് ഗവണ്‍മെന്‍റ് ഹൈസ്കൂൾ മൂന്നു കോടി രൂപ, മഞ്ചേരി ഗേൾസ് ഗവണ്‍മെന്‍റ് ഹൈസ്കൂൾ മൂന്നു കോടി രൂപ, പട്ടിക്കാട് ഗവണ്‍മെന്‍റ് ഹൈസ്കൂൾ മൂന്നു കോടി രൂപ, മഞ്ചേരി ജനറൽ ആശുപത്രിയിൽ കാത്ത് ലാബ് (മൂന്നു കോടി) എന്നിവയാണ് മഞ്ചേരിയിലെ വികസന പ്രവർത്തനങ്ങൾക്ക് കിഫ്ബി അനുവദിച്ച ഫണ്ടുകൾ. എളങ്കൂർ സബ്സ്റ്റേഷൻ പ്രവൃത്തി പൂർത്തിയായി. ചില സ്കൂളുകളുടെ പ്രവർത്തികൾ പൂർത്തിയായതും ഫിനിഷിംഗ് സ്റ്റേജിൽ ഉള്ളവയുമാണ്. മഞ്ചേരി കുടിവെള്ള പദ്ധതിയുടെ ടെൻഡർ നടപടികൾ പൂർത്തിയായിട്ടുണ്ട്.
ടി.എ.അഹമ്മദ് കബീർ എംഎൽഎ , മങ്കട
കിഫ്ബി വഴി മങ്കട മണ്ഡലത്തിൽ സ്കൂളുകൾക്ക് ലഭിച്ചത് 22 കോടി രൂപ. മങ്കട മണ്ഡലത്തിൽ കിഫ്ബി പദ്ധതിയിൽ അഞ്ച് കോടി ലഭിച്ച മക്കരപ്പറന്പ് സ്കൂൾ നിർമാണം പൂർത്തിയായി ഉദ്ഘാടനം ചെയ്തു.
മങ്കട ജിഎച്ച്എസ്എസ്, പള്ളിപ്പുറം ജിഎച്ച്എസ്എസ്, പാങ്ങ് ജിഎച്ച്എസ്എസ്, കടുങ്ങപുരം ജിഎച്ച്എസ്എസ് (മൂന്നു കോടി വീതം) ചേരിയം മങ്കട ജിഎച്ച്എസ്, കൂട്ടിലങ്ങാടി ജിയുപിഎസ്, പള്ളിപ്പുറം ജിയുപിഎസ്, പാങ്ങ്് ജിയുപിഎസ് (ഒരു കോടി വീതം) എന്നിവയാണ് കിഫ്ബി പദ്ധതിയിൽ ഉൾപ്പെട്ട സ്കൂളുകൾ. ഇവയുടെ നവീകരണത്തിനായി എസ്റ്റിമേറ്റെടുത്തു. കിഫ്ബി വഴി പൊതുവിദ്യാഭ്യാസ സംരക്ഷണ യജ്ഞം പദ്ധതി പ്രകാരം സർക്കാർ എയ്ഡഡ് മേഖലകളിലെ 26 സ്കൂളുകളിൽ എട്ടു മുതൽ 12 വരെയുള്ള ക്ലാസുകളിൽ ലാപ്ടോപ്പ്, പ്രോജക്ടർ, ടിവി, പ്രിന്‍റർ, ഡിഎസ്എൽആർ ക്യാമറ, എച്ച്ഡി വെബ്കാം, യുഎസ്ബി സ്പീക്കർ എന്നിവയും ലഭ്യമാക്കി.
കീഴുമുറി കടവുമോദിക്കയം ഭാഗത്ത് റഗുലേറ്റർ കം ബ്രിഡ്ജ് സ്ഥാപിക്കുന്നതിന് 70 കോടി, അങ്ങാടിപ്പുറം പഞ്ചായത്തിലെ വൈലോങ്ങര ഓരാടംപാലം ബൈപാസ് പത്ത് കോടി എന്നിങ്ങനെയാണ് മങ്കട മണ്ഡലത്തിലെ കിഫ്ബി വികസനം.
പി.അബ്ദുൾ ഹമീദ് എംഎൽഎ, വള്ളിക്കുന്ന്
തേഞ്ഞിപ്പലം, വള്ളിക്കുന്ന് ഗ്രാമപഞ്ചായത്തുകളിലെ കർഷകർക്കും കുടിവെള്ളത്തിനും വേണ്ടി ഉപ്പുവെള്ളം കയറാതിരിക്കാൻ കടലുണ്ടി പുഴയിൽ റഗുലേറ്റർ നിർമാണത്തിനു 36 കോടിയുടെ പദ്ധതി. കക്കാട്ടു പാറയിൽ പദ്ധതിക്കായുള്ള മണ്ണ് പരിശോധനയും മറ്റു പൂർത്തിയാക്കി. ഇനി ഡിസൈനിംഗിനായി ഐഡിആർബിക്ക് സമർപ്പിക്കാനുള്ള നടപടിക്രമത്തിലാണ്. പെരുവള്ളൂർ ഗവ.ഹയർസെക്കൻഡറി സ്കൂൾ (ഇന്‍റർനാഷണൽ സ്കൂൾ ആക്കൽ) അഞ്ചു കോടി.
നിർമാണഘട്ടം പൂർത്തികരിച്ച് വരുന്നു. കാലിക്കട്ട് യൂണിവേഴ്സിറ്റി ഗവ.മോഡൽ ഹയർ സെക്കൻഡറി സ്കൂൾ മൂന്നു കോടി (കെട്ടിടം നിർമാണപൂർത്തീകരണം നടന്നു വരുന്നു).
ചേളാരി ഗവ.വൊക്കേഷണൽ ഹയർ സെക്കൻഡറി സ്കൂൾ മൂന്നു കോടി (ടെൻഡർ നടപടി പൂർത്തീകരിച്ചു), പാറക്കടവ്, മൂന്നിയൂർ ഗവ.എംയുപി.സ്കൂൾ (മൂന്നു കോടി), പറന്പിൽ പീടിക ഗവ.എൽപി സ്കൂൾ (ഒരു കോടി), ചാലിൽ ഗവ.യുപി.സ്കൂൾ (ഒരു കോടി), അരിയല്ലൂർ ഗവ.യുപി സ്കൂൾ (1.57 കോടി. ടെൻഡർ നടപടി പൂർത്തീകരിച്ചു), മുണ്ടിയങ്കാവ് ഗവ.എൽപി സ്കൂൾ(52 ലക്ഷം ടെൻഡർ നടപടി പൂർത്തീകരിച്ചു).), തേഞ്ഞിപ്പലം സിയു കാന്പസ് ഗവ.എൽപി.സ്കൂൾ (ഒരു കോടി), ചെനക്കലങ്ങാടി ഗവ.എൽപി സ്കൂൾ (ഒരു കോടി).