കാഷ്മീരിൽ ഭീകരാക്രമണം: 20 ജവാന്മാർക്ക് വീരമൃത്യു : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

കാഷ്മീരിൽ ഭീകരാക്രമണം: 20 ജവാന്മാർക്ക് വീരമൃത്യു

ജമ്മു: ജമ്മു കാഷ്മീരിലെ പുൽവാമയിൽ സൈനിക വാഹനവ്യൂഹനത്തിനു നേരെയുണ്ടായ ഭീകരാക്രമണത്തിൽ 20 ജവാന്മാർ കൊല്ലപ്പെട്ടു. നാൽപ്പതോളം ജവാന്മാർക്ക് പരിക്കേൽക്കുകയും ചെയ്തു. മരണസംഖ്യ ഇനിയും ഉയർന്നേക്കുമെന്നാണ് ലഭിക്കുന്ന വിവരങ്ങൾ. ഉഗ്രശേഷിയുള്ള ഐഇഡി ബോംബ് ഉപയോഗിച്ചായിരുന്നു ആക്രമണം.

പുൽവാമയിലെ അവന്തിപ്പോറ പ്രദേശത്ത് സിആർപിഎഫ് വാഹനവ്യൂഹത്തിനു നേരെയാണ് ആക്രമണമുണ്ടായത്. 2500 ഓളം സൈനികർ സഞ്ചരിച്ചിരുന്ന വാഹനവ്യൂഹത്തിനു നേരെയാണ് ആക്രമണമുണ്ടായതെന്ന് ജമ്മു കാഷ്മീർ ഡിജിപി അറിയിച്ചു. അതേസമയം, സംഭവത്തിന്‍റെ ഉത്തരവാദിത്വം പാക് ഭീകരസംഘടനയായ ജയ്ഷെ മുഹമ്മദ് ഏറ്റെടുത്തു.

ജമ്മുവിൽ നിന്നും ശ്രീനഗറിലേക്ക് കോൺവോയ് ആയി പോയ സൈനിക വാഹനവ്യൂഹത്തിനു നേരെയാണ് ആക്രമണമുണ്ടായത്. ബോംബു വച്ചിരുന്ന കാർ സൈനിക വാഹനവ്യൂഹത്തിലേക്ക് ചാവേർ ഓടിച്ചു കയറ്റുകയായിരുന്നു. പുൽവാമ സ്വദേശിയായ ആദിൽ അഹമ്മദാണ് കാർ ഓടിച്ചതെന്നാണ് റിപ്പോർട്ട്. ജയ്ഷെ മുഹമ്മദിന്‍റെ ചാവേർ ആക്രമണ സ്ക്വാഡിലെ അംഗമാണ് ആദിൽ.

എഴുപത് വാഹനങ്ങളാണ് വാഹനവ്യൂഹത്തിലുണ്ടായിരുന്നത്. സ്ഫോടനം നടത്തിയശേഷം ഭീകരർ ജവാന്മാർക്കു നേരെ വെടിയുതിർക്കുകയും ചെയ്തു. രക്ഷാപ്രവർത്തനം പുരോഗമിക്കുകയാണ്. ആക്രമണം നടത്തിയശേഷം ഒളിവിൽ പോയ ഭീകരരെ പിടികൂടുന്നതിനായി കൂടുതൽ സുരക്ഷാസേന സ്ഥലത്തെത്തിയിട്ടുണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.