എട്ടുവയസുകാരിയുടെ മാനഭംഗ വിഷയത്തിലെങ്കിലും മോദി മൗനം വെടിയണം: ഒമർ : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

എട്ടുവയസുകാരിയുടെ മാനഭംഗ വിഷയത്തിലെങ്കിലും മോദി മൗനം വെടിയണം: ഒമർ

ശ്രീനഗർ: എട്ടുവയസുകാരി അതിക്രൂരമായി മാനഭംഗത്തിനിരയായ സംഭവത്തിൽ പ്രധാനമന്ത്രി നരേന്ദ്ര മോദി മൗനം പാലിക്കുന്നതിനെ ജമ്മു കാഷ്മീർ മുൻ മുഖ്യമന്ത്രി ഒമർ അബ്ദുള്ള വിമർശിച്ചു. മോദിക്കു പ്രധാനപ്പെട്ട വിഷയങ്ങളെക്കുറിച്ച് ജനം കേൾക്കാത്ത ദിവസങ്ങളില്ല. പക്ഷേ, ജനങ്ങൾക്കു പ്രധാനപ്പെട്ട വിഷയങ്ങളിൽ പ്രധാനമന്ത്രി സന്പൂർണ മൗനം പാലിക്കുകയാണു പതിവ്. എട്ടു വയസുകാരി മാനഭംഗപ്പെട്ട വിഷയം അങ്ങനെ മൗനം പാലിക്കേണ്ട ഒന്നായി കരുതരുത്- ഒമർ അബ്ദുള്ള പറഞ്ഞു.

ജമ്മു കാഷ്മീരിലെ കഠുവയിൽ ജനുവരിയിൽ നടന്ന സംഭവത്തിൽ സമർപ്പിച്ച കുറ്റപത്രത്തിലെ വെളിപ്പെടുത്തലുകൾ രാജ്യമൊട്ടാകെ പ്രതിഷേധത്തിനിടയാക്കിയിരുന്നു. കുറ്റപത്രം സമർപ്പിക്കുന്നതു തടയാൻ അഭിഭാഷകർ ശ്രമിച്ചതും പ്രതിഷേധത്തിനിടയാക്കി. നാലു പോലീസുകാർ അടക്കം എട്ടു പ്രതികളാണുള്ളത്. ഏഴു പേരെ ക്രൈംബ്രാഞ്ച് അറസ്റ്റ് ചെയ്തു. കുറ്റാരോപിതരെ അറസ്റ്റ് ചെയ്തതിൽ രണ്ടു ബിജെപി മന്ത്രിമാരും പ്രതിഷേധിക്കുകയുണ്ടായി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.