സേനാ മേധാവികളുടെ സുരക്ഷ വർധിപ്പിച്ച് ഇന്ത്യ; ഇനി ഇസഡ് പ്ലസ് കാറ്റഗറി : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

സേനാ മേധാവികളുടെ സുരക്ഷ വർധിപ്പിച്ച് ഇന്ത്യ; ഇനി ഇസഡ് പ്ലസ് കാറ്റഗറി

ന്യൂഡൽഹി: ഇന്ത്യ-പാക്കിസ്ഥാൻ സംഘർഷം തുടരുന്ന പശ്ചാത്തലത്തിൽ ഇന്ത്യ സേനാ മേധാവികളുടെ സുരക്ഷ വർധിപ്പിക്കുന്നു. വ്യോമ-നാവിക സേനാ മേധാവികളുടെ സുരക്ഷയാണ് വർധിപ്പിക്കുന്നത്.

കഴിഞ്ഞ ദിവസം ചേർന്ന ആഭ്യന്തര മന്ത്രാലയ യോഗത്തിലാണു തീരുമാനം കൈക്കൊണ്ടത്. ഇതോടെ വ്യോമസേനാ മേധാവി ബി.എസ്.ധനോവ, അഡ്മിറൽ സുനിൽ ലാംബ എന്നിവർക്ക് ഇസഡ് പ്ലസ് സുരക്ഷ ഏർപ്പെടുത്തും. ഇതു സംബന്ധിച്ച് ഉത്തരവ് പുറത്തിറങ്ങി. കരസേനാ മേധാവിക്ക് ഇപ്പോൾ ആവശ്യത്തിനു സുരക്ഷയുണ്ടെന്നും യോഗം വിലയിരുത്തി.

രാജ്യത്തെ ഏറ്റവും ഉയർന്ന സുരക്ഷാ കവചമാണ് ഇസഡ് പ്ലസ് കാറ്റഗറി സുരക്ഷ. 55 ഉദ്യോഗസ്ഥരും 10 എൻഎസ്ജി കമാൻഡോകളും ഉൾപ്പെടുന്നതാണ് ഈ സുരക്ഷാവ്യൂഹം. അതിനൂതന എംപി5 തോക്കുകളാണ് എൻഎസ്ജി കമാൻഡോകൾക്കു നൽകിയിട്ടുള്ളത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.