ഇന്ത്യൻ പൈലറ്റിനെ ഉടൻ മോചിപ്പിക്കണം; യുദ്ധം ആഗ്രഹിക്കുന്നില്ലെന്ന് ഫാത്തിമ ഭൂട്ടോ

വാഷിംഗ്ടൺ: പാക്കിസ്ഥാന്‍റെ കസ്റ്റഡിയിലായ വ്യോമസേന വിംഗ് കമാൻഡർ അഭിനന്ദൻ വർധമാനെ മോചിപ്പിക്കണമെന്ന് എഴുത്തുകാരിയും പാക് മുന്‍ പ്രധാനമന്ത്രി സുള്‍ഫിക്കര്‍ അലി ഭൂട്ടോയുടെ കൊച്ചുമകളുമാണ് ഫാത്തിമ ഭൂട്ടോ. താനും പാക്കിസ്ഥാനിലെ നിരവധി ചെറുപ്പക്കാരും പൈലറ്റിനെ വിട്ടയക്കണമെന്നാണ് ആഗ്രഹിക്കുന്നത്. ഇത് സമാധാനത്തോടും മനുഷ്യത്വത്തോടുമുള്ള നമ്മുടെ പ്രതിബദ്ധതയാണെന്ന് ഫാത്തിമ ഭൂട്ടോ ന്യൂയോര്‍ക്ക് ടൈംസില്‍ എഴുതി.

ഇന്ത്യന്‍ പൈലറ്റ് വിംഗ് കമാൻഡർ അഭിനന്ദന്‍ വര്‍ത്തമനെ പാക്കിസ്ഥാൻ പിടികൂടിയതിന് പിന്നാലെയായിരുന്നു ഫാത്തിമ ഭൂട്ടോയുടെ പ്രതികരണം. ഒരു ജീവിതകാലം നാം യുദ്ധത്തിനായി ചെലവിട്ടു. ഇനിയും പാക് സൈനികർ പട്ടാളക്കാര്‍ മരിക്കുന്നത് കാണാന്‍ ഞാന്‍ ആഗ്രഹിക്കുന്നില്ല. ഇന്ത്യന്‍ പട്ടാളക്കാരും മരിക്കരുത്. ഇന്ത്യന്‍ സൈനികര്‍ മരിക്കുന്നത് കാണാനും ഇഷ്ടപ്പെടുന്നില്ല. അനാഥരുടെ ഉപഭൂഖണ്ഡമായി ഇത് മാറ്റരുതെന്നും ഫാത്തിമ ഭൂട്ടോ പറഞ്ഞു.

സൈനിക ഏകാധിപത്യത്തിന്‍റെയും ഭീകരവാദത്തിന്‍റെയും നീണ്ട ചരിത്രം രാജ്യത്തിനുണ്ട്. എന്‍റെ രാജ്യം അയൽക്കാരുമായി സമാധാനം പാലിക്കുന്നത് ഒരിക്കലും കണ്ടില്ല. ഞങ്ങളുടെ തലമുറയില്‍പ്പെട്ട പാക്കിസ്ഥാനികൾ നീതിക്കായി ശബ്ദം ഉയർത്തുന്നതിൽ ഭയപ്പെടുന്നില്ല. ഞങ്ങൾ യുദ്ധത്തിന് വേണ്ടി ആഗ്രഹിക്കുന്നില്ലെന്നും ഫാത്തിമ ഭൂട്ടോ എഴുതി.

പാക്കിസ്ഥാനെ വ്യോമാക്രമണശ്രമം പരാജയപ്പെടുത്തുന്നതിനിടെ ഇന്ത്യയുടെ ഒരു മിഗ് 21 വിമാനം പാക് അധീന കാഷ്മീരിൽ തകർന്നുവീണു. പാക് വെടിയേറ്റു വീണ വിമാനത്തിലെ പൈലറ്റ് വിംഗ് കമാൻഡർ അഭിനന്ദൻ വർധമാൻ പാക് സൈന്യത്തിന്‍റെ പിടിയിലാകുകയായിരുന്നു. തടവിലാക്കപ്പെട്ട പൈലറ്റിന്‍റെ മോചിപ്പിക്കണമെന്ന് പാക് വിദേശകാര്യമന്ത്രാലയത്തോട് ഇന്ത്യ ആവശ്യപ്പെട്ടിട്ടുണ്ട്.