പി. ജയകൃഷ്ണൻ
വിവിധ ആഹാര വസ്തുകളിലെ മായം കണ്ടെത്താനുള്ള ചില നുറുങ്ങു വിദ്യകൾ ആണ് ഉൾപ്പെടുത്തിയിരിക്കുന്നത്
1 വെളിച്ചെണ്ണ
ശുദ്ധമായ വെളിച്ചെണ്ണയുടെ കൂടെ നിലവാരമില്ലാത്തതും മറ്റുപല എണ്ണകളും ചേർക്കുന്നു.
പാർശ്വഫലങ്ങൾ:
താരൻ, മുടി കൊഴിച്ചിൽ, വയറ്റിൽ പ്രശ്നങ്ങൾ
പരിശോധിക്കുന്നത് എങ്ങനെ:
വെളിച്ചെണ്ണ തുടർച്ചയായി ആറു മണിക്കൂർ നേരം ഫ്രീസറിൽ സൂക്ഷിക്കുക. ശുദ്ധമായ വെളിച്ചെണ്ണ പരിപൂർണമായും കട്ടപിടിക്കും. നിലവാരമില്ലാത്തതും മറ്റുപല എണ്ണകളും ചേർത്തിട്ടുണ്ടെങ്കിൽ എണ്ണ പൂർണമായും കട്ട പിടിക്കില്ല.
2 തേയിലപ്പൊടി
ഉപയോഗിച്ച തേയിലപ്പൊടി കളർ ചേർത്ത് ഉപയോഗിക്കുന്നു. കൂടാതെ കാന്തപ്പൊടിയും ചേർക്കുന്നു.
പാർശ്വഫലങ്ങൾ:
ശ്വാസ കോശ പ്രശ്നങ്ങൾ
പരിശോധിക്കുന്നത്:
ഒരു ടിഷ്യു പേപ്പറിൽ വെള്ളം നനച്ച് അല്പം തേയിലപ്പൊടി വിതറുക, ചുവന്ന കളർ കാണപെട്ടാൽ അതിൽ മായം കലർന്നിട്ടുണ്ട്.
3 പഞ്ചസാര
യുറിയ, ചോക്ക് പൗഡർ തുടങ്ങിയവ മിക്സ് ചെയ്യുന്നു
പാർശ്വഫലങ്ങൾ:
ചര്ദ്ദി, ഓക്കാനം, മനംമറിച്ചില്
പരിശോധിക്കുന്നത്:
വെള്ളത്തിൽ കലർത്തി നോക്കുക , ചോക്ക് പൗഡർ അടിയിൽ അടിയുകയും കുറച്ചു നേരത്തിനു ശേഷം യുറിയ അമോണിയയുടെ ഗന്ധം ഉണ്ടാക്കുകയും ചെയ്യും.
4 തേൻ
പഞ്ചസാര സിറപ്പ് കളർ ചേർത്ത് മിക്സ് ചെയ്യുന്നു
പാർശ്വഫലങ്ങൾ:
പ്രമേഹം, ഉന്മേഷക്കുറവ്, ഉറക്കമില്ലായ്മ
പരിശോധിക്കുന്നത്:
തേൻ ഒരു പഞ്ഞിയിൽ മുക്കി കത്തിക്കുക. ശുദ്ധമായ തേൻ നിശബ്ദമായി കത്തുന്നു. പഞ്ചസാര അല്ലെങ്കിൽ മറ്റ് ചേരുവകൾ ഉണ്ടെങ്കിൽ പൊട്ടലും ചീറ്റലും കേൾക്കാം
5 മഞ്ഞൾ പൊടി
മെറ്റാനിൽ യെല്ലോ എന്ന രാസവസ്തു ചേർക്കുന്നു
പാർശ്വഫലങ്ങൾ:
തളര്വാതം പോലത്തെ ഗുരുതരമായ പ്രശ്നങ്ങൾ
പരിശോധിക്കുന്നത്:
കുറച്ചു വെള്ളത്തിൽ അല്പം മഞ്ഞൾ പൊടി കലർത്തുക. ഇരുണ്ട മഞ്ഞ നിറമാണെങ്കിൽ അതിൽ മെന്റയിൽ യെല്ലോ കലർത്തിയിട്ടുണ്ട്.
6 മുളക് പൊടി
മുളക് പൊടിയില് ഓറഞ്ച് 2, സുഡാന് റെഡ് എന്നീ കൃത്രിമ നിറങ്ങളും ഇഷ്ടികപ്പൊടി, അറക്കപ്പൊടി, ഉമി പൊടിച്ചത് തുടങ്ങിയവയൊക്കെയുമാണ് വ്യാപകമായി ചേർക്കുന്നത്. നിലവാരം കുറഞ്ഞ അസംസ്കൃത വസ്തുക്കളില് നിന്നുണ്ടാക്കുന്ന മുളക് പൊടിക്ക് നല്ല ചുവന്ന നിറം ലഭിക്കാന് ചേർക്കു ന്ന സുഡാന് 1, 2, 3, 4 എന്നിവ എണ്ണയില് അലിയുന്നതാണ്. ഇത് എളുപ്പം കണ്ടെത്താനാവില്ല. ഭക്ഷ്യവസ്തുക്കളില് ചേർക്കാന് അനുവാദമില്ലാത്ത ഇത് കരള്, വൃക്കത്തകരാറുകളടക്കമുള്ള മാരകമായ ആരോഗ്യപ്രശ്നങ്ങളുണ്ടാക്കും.
അല്പം മുളക് പൊടി വെള്ളത്തിലിട്ടു നോക്കിയാല് ഇഷ്ടികപ്പൊടിയുണ്ടെങ്കില് താഴെ അടിയും. മായം ഒഴിവാക്കാന് മുളക് വാങ്ങി പൊടിപ്പിച്ച് ഉപയോഗിക്കുക.
7 മല്ലിപ്പൊടി
മല്ലിപ്പൊടിയില് അറക്കപ്പൊടിയും ചാണകപ്പൊടിയുമാണ് പ്രധാനമായു ചേർക്കുന്നത്. സാമ്പാർപ്പൊടി, മസാലപ്പൊടി തുടങ്ങിയവയില് തവിട് പൊടിച്ചതും നിറം ചേർത്ത സ്റ്റാർച്ചും ചേർക്കുന്നതായും കാണുന്നു.
മഞ്ഞളിലെയും മല്ലിപ്പൊടിയിലെയും മായം വീട്ടില് കണ്ടെത്താന് പ്രയാസമാണ്. മല്ലിയും മഞ്ഞളുമൊക്കെ വീട്ടില് വാങ്ങി പൊടിച്ച് ഉപയോഗിക്കുകയാവും നല്ലത്. മല്ലിപ്പൊടി അല്പം വെള്ളത്തിലിട്ട് നോക്കുക. ചാണകപ്പൊടി ചേർത്തിട്ടുണ്ടെങ്കില് അത് വെള്ളത്തില് പൊങ്ങിക്കിടക്കും. ദുർഗന്ധവുമുണ്ടാകും.
പാലിലെ മായം കണ്ടെത്താം
തിളപ്പിക്കുമ്പോള് സാധാരണയില് കവിഞ്ഞ നുരയും പതയും വരികയാണെങ്കില് കാസ്റ്റിക് സോഡ ചേർന്നിട്ടുണ്ടെന്ന് സംശയിക്കാം.മായം കലർന്ന പാല് തിളപ്പിച്ചശേഷം ചെറുതായി നാക്കിന് തുമ്പില് മുട്ടിച്ചാല് നല്ല തരിപ്പുണ്ടാകും.പാലിനു രൂക്ഷ ഗന്ധമുണ്ടോയെന്ന് നോക്കണം. മായവും ആന്റിബയോട്ടിക്ക് വസ്തുക്കളും ചേർത്താ ല് അങ്ങനെ സംഭവിക്കും. പാലിന് മഞ്ഞനിറമുണ്ടോയെന്ന് ശ്രദ്ധിക്കുക. ചിലപ്പോള് ഇത് പൊട്ടാസ്യം ഡൈക്രോമേറ്റ് ചേർത്തതുകൊണ്ടാവാം. പാലില് രാസവസ്തുക്കള് ചേർന്നി ട്ടുണ്ടെങ്കില് അതില് നിന്ന് നെയ്യോ, തൈരോ ഉണ്ടാക്കാനാവില്ല.
ദോഷഫലങ്ങൾ
ഭക്ഷ്യ എണ്ണ: ആർജിമോൺ ഓയിൽ, മിനറൽ ഓയിൽ, സൺസെറ്റ് യെല്ലോ(മഞ്ഞ ചായം) നീർവീഴ്ച, വയറിൽ വെള്ളം കെട്ടിനിൽക്കൽ, ഗ്ലൂക്കോമ, കാഴ്ച നഷ്ടമാകൽ, ഹൃദ്രോഗം, വയറിളക്കം, ഛർദ്ദി, കാൻസർ, ആസ്ത്മ, അലർജി.
പരിപ്പ് വർഗങ്ങൾ: മെറ്റാനിൽ യെല്ലോ ട്യൂമർ, കാൻസർ, നാഡീകോശങ്ങൾക്ക് നാശം, ശ്വാസകോശ രോഗങ്ങൾ.
കേസരിപരിപ്പ്: ലാത്യരിസം മുട്ടിനു താഴെ തളർന്നുപോകുന്ന അവസ്ഥ.
അരി: മേറ്റാനിൽ യെല്ലോ നാഡീകോശങ്ങൾക്ക് നാശം
2 റെഡ് ഓക്സൈഡ് കരളിനും, വൃക്കകൾക്കം ദോഷം
3 ലെഡ് ക്രോമേറ്റ് ബ്രോങ്കൈറ്റിസ്, ന്യുമോണിയ, ആസ്ത്മ, കരളിനും വൃക്കകൾക്കും ദോഷം
ആട്ട, മൈദ, സൂജി: ചോക്ക്പൊടി, ചീത്തയായ ധാന്യങ്ങളുടെ പൊടി, മണ്ണ്, വെളുത്ത തരിമണൽ, ബോറിക് ആസിഡ് വയറിളക്കം, ഛർദ്ദി.
നെയ്യ്, വെണ്ണ: ടാർട്രാസീൻ യെല്ലോ 2ജി(മഞ്ഞ ചായം), വനസ്പതി ആസ്തമ, അലർജി, വയറുവേദന, കാൻസർ
2 പാരഫിൻ വാക്സ്, ടാലോ (മൃഗകൊഴുപ്പ്) അന്നനാള ,ആമാശയ രോഗങ്ങൾ.
ശർക്കര: ചോക്ക് പൊടി, കാരം, മെറ്റാനിൽ യെല്ലോ (കോൾടാർ ചായം) വയറിളക്കം, ഛർദ്ദി, ദഹനേന്ദ്രിയ രോഗങ്ങൾ, കാൻസർ.
ചായപ്പൊടി: കോൾടാർ ചായങ്ങൾ, ഇരുമ്പ് പൊടി, ചായ എടുത്തതിനു ശേഷമുള്ള വേസ്റ്റ്, ചായം ചേർത്ത് വില്ക്കുന്നത് ആസ്ത്മ, അലർജി, വയറുവേദന, കാൻസർ.
കാപ്പിപ്പൊടി: മണ്ണ്, പുളിങ്കുരു, ഇരുമ്പ് പൊടി വയറു വേദന, ആമാശയവ്രണം, കുടൽ വ്രണം
ഗ്രീൻപീസ്, ചെറുപയർ: ഗ്രീൻ എസ് (പച്ച ചായം) ആസ്ത്മ, ആമാശയ കാൻസർ.
ഉഴുന്നു പരിപ്പ്, ചെറുപയർ പരിപ്പ്: ചോക്ക് പൊടി ദഹനേന്ദ്രിയ തകരാർ
ശങ്ക വേണ്ട, പരാതി പറയാം
ഭക്ഷ്യവസ്തുക്കളില് മായം ചേർക്കുന്നതായി കണ്ടെത്തുകയോ സംശയിക്കുകയോ ചെയ്താല് ഫുഡ് സേഫ്റ്റി ഓഫീസർക്കാണ് പരാതി കൊടുക്കേണ്ടത്. എല്ലാ താലൂക്കുകളിലും ഫുഡ് സേഫ്റ്റി ഓഫീസർമാരുണ്ട്. അതല്ലെങ്കില് 14 ജില്ലകളിലുമുള്ള ജില്ലാ ഡെസിഗ്നേറ്റഡ് ഓഫീസർമാര്, കോഴിക്കോട്, എറണാകുളം, തിരുവനന്തപുരം തുടങ്ങിയ മൂന്ന് മേഖലകളിലുള്ള റീജിയണല് വിജിലൻസ് സ്ക്വാഡ് എന്നിവയിൽ ഏതിലെങ്കിലും ഫോണ് വഴിയോ രേഖാമൂലമോ പരാതിപ്പെടാം. പരാതിയോടൊപ്പം ഭക്ഷ്യവസ്തുവിന്റെ സാമ്പിള് വേണമെന്ന് നിർബന്ധമില്ല. ഉപഭോക്താവിന് നേരിട്ട് റീജിയണല് ലാബുകളില് കൊണ്ടുപോയി ഭക്ഷ്യവസ്തു പരിശോധിക്കാനും സാധിക്കും.
(അവസാനിച്ചു)