ഇവിടെ ‌പ്രവേശനം നിരോധിച്ചിരിക്കുന്നു !
ത​ങ്ങ​ളു​ടെ ദ്വീ​പി​ൽ കാ​ലു​കു​ത്താ​ൻ ശ്ര​മി​ച്ച ഒ​രു അ​മേ​രി​ക്ക​ൻ മി​ഷ​ണ​റി​യെ ആ​ദി​വാ​സി വി​ഭാ​ഗ​ത്തി​ൽ​പ്പെ​ട്ട ഒ​രു കൂ​ട്ടം മ​നു​ഷ്യ​ർ അ​ന്പെ​യ്ത് കൊ​ന്ന വാ​ർ​ത്ത ക​ഴി​ഞ്ഞ ദി​വ​സം മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തി​രു​ന്നു. ജോ​ണ്‍ അ​ലെ​ൻ ചൗ ​എ​ന്ന ഇ​രു​പ​ത്തി​യേ​ഴു​കാ​ര​നാ​ണ് ആ​ൻ​ഡ​മാ​ൻ ആ​ൻ​ഡ് നി​ക്കോ​ബ​ർ ദ്വീ​പി​ന​ടു​ത്തു​ള്ള നോ​ർ​ത്ത് സെ​ന്‍റി​ന​ൽ ദ്വീ​പ് വാ​സി​ക​ളു​ടെ അ​ന്പി​ന് ഇ​ര​യാ​യ​ത്. ആ​ൻ​ഡ​മാ​ൻ പോ​ലീ​സ് ശ്ര​മി​ച്ചി​ട്ടു​പോ​ലും ഇ​ദ്ദേ​ഹ​ത്തി​ന്‍റെ മൃ​ത​ശ​രീ​രം വീ​ണ്ടെ​ടു​ക്കാ​ൻ ആ​യി​ല്ല.

പു​റം​ലോ​ക​വു​മാ​യി യാ​തൊ​രു ബ​ന്ധ​വു​മി​ല്ലാ​തെ നി​ബി​ഡ​ വ​ന​ങ്ങ​ൾ നി​റ​ഞ്ഞ ഒ​രു ഒ​റ്റ​പ്പെ​ട്ട ദ്വീ​പാ​ണി​ത്. ഇ​വി​ടെ മ​നു​ഷ്യ​വാ​സ​മു​ണ്ടെ​ന്ന​ല്ലാ​തെ അ​വ​രെ​ക്കു​റി​ച്ച് യാ​തൊ​രു അ​റി​വും പു​റം​ലോ​ക​ത്തി​നി​ല്ല. ഇ​നി ഇ​വ​രെ​ക്കു​റി​ച്ച് പ​ഠി​ച്ചു​ക​ള​യാം എ​ന്നു ക​രു​തി ആ​രെ​ങ്കി​ലും അ​വി​ടെ കാ​ലു​കു​ത്തി​യാ​ൽ അ​വ​രെ കൊ​ന്നു ക​ള​യാ​ൻ​പോ​ലും ഈ ​ദ്വീ​പ് നി​വാ​സി​ക​ൾ​ക്ക് അ​നു​വാ​ദ​മു​ണ്ട്. ഏ​തെ​ങ്കി​ലും രാ​ജ്യ​ത്തി​ന്‍റെ നീ​തി​വ്യ​വ​സ്ഥ​ക​ളോ അ​ന്താ​രാ​ഷ്ട്ര നീ​തി​ന്യാ​യ കോ​ട​തി​യോ ഒ​ന്നും ഇ​വ​രു​ടെ പ്ര​വൃ​ത്തി​യെ ചോ​ദ്യം ചെ​യ്യി​ല്ല. പ​റ​ഞ്ഞു വ​രു​ന്ന​ത് ഇ​ന്ത്യ​ാ ഗ​വ​ണ്‍​മെ​ന്‍റി​ന്‍റെ അ​ധി​ന​ത​യി​ലു​ള്ള നോ​ർ​ത്ത് സെ​ന്‍റി​നൽ എ​ന്ന ദ്വീ​പി​നെ​ക്കു​റി​ച്ചാ​ണ്. ഭൂ​മി​ശാ​സ്ത്ര​പ​ര​മാ​യി ഇ​വ​ർ ഇ​ന്ത്യ എ​ന്ന രാ​ജ്യ​ത്തി​ന്‍റെ ഭാ​ഗ​മാ​ണെ​ങ്കി​ലും തി​ക​ച്ചും സ്വ​ത​ന്ത്ര​മാ​യി​രി​ക്കു​ന്ന ഒ​രു പ്ര​ദേ​ശം. പു​റ​ത്തു​നി​ന്ന് ആ​രും ഇ​വ​രു​ടെ ഈ ​ഒ​റ്റ​പ്പെ​ട്ട ദ്വീ​പി​ലേ​ക്ക് ചെ​ല്ലു​ന്നത ഇ​വ​ർ​ക്ക് ഇ​ഷ്ട​മി​ല്ല. ഇ​നി ആ​രെ​ങ്കി​ലും ചെ​ന്നാ​ൽ​ത​ന്നെ അ​വ​ർ ജീ​വ​നോ​ടെ തി​രി​ച്ചു​വ​രു​മെ​ന്ന് വ​ല്യ ഉ​റ​പ്പു​മി​ല്ല.

എ​വി​ടെ​യാ​ണ് ഈ ​നി​ഗൂ​ഢ ദ്വീ​പ് ‍?

ബം​ഗാ​ൾ ഉ​ൾ​ക്ക​ട​ലി​ൽ ആ​ൻ​ഡ​മാ​ൻ ദ്വീ​പി​ന്‍റെ ഭാ​ഗ​മാ​ണ് നോ​ർ​ത്ത് സെ​ന്‍റി​ന​ൽ ദ്വീ​പ്. ഇ​ന്ത്യ​ൻ യൂ​ണി​യ​നു​കീ​ഴി​ലു​ള്ള ആ​ൻ​ഡ​മാ​ൻ ആ​ൻ​ഡ് നി​ക്കോ​ബാ​റി​ലെ സൗ​ത്ത് ആ​ൻ​ഡ​മാ​ൻ ജി​ല്ല​യു​ടെ ഭാ​ഗ​മാ​ണ് സെ​ന്‍റി​ന​ൽ ദ്വീ​പ്. എ​ന്നാ​ൽ ഒ​റ്റ​പ്പെ​ട്ടു​ക​ഴി​യാ​നു​ള്ള ഈ ​ദ്വീ​പു​വാ​സി​ക​ളു​ടെ താ​ത്പ​ര്യം മ​ന​സി​ലാ​ക്കി​യ ഇ​ന്ത്യാ ഗ​വ​ണ്‍​മെ​ന്‍റ് ഇ​വ​രെ രാ​ജ്യ​ത്തി​ന്‍റെ എ​ല്ലാ നി​യ​മ​ങ്ങ​ളി​ൽ​നി​ന്നും ഒ​ഴി​വാ​ക്കു​ക​യാ​യി​രു​ന്നു. ത​ങ്ങ​ളു​ടെ കൂ​ട്ട​ത്തി​ന് പു​റ​ത്തു​നി​ന്നു​ള്ള ആ​രെ​ങ്കി​ലും ഈ ​ദ്വീ​പി​ൽ പ്ര​വേ​ശി​ച്ചാ​ൽ അ​വ​രെ കൊ​ല്ലാ​നു​ള്ള അ​വ​കാ​ശം പോ​ലും ദ്വീ​പു​വാ​സി​ക​ൾ​ക്കു​ണ്ട്.​ആ​ൻ​ഡ​മാ​ൻ ആ​ൻ​ഡ് നി​ക്കോ​ബ​റി​ന്‍റെ ത​ല​സ്ഥാ​ന​മാ​യ പോ​ർ​ട്ട് ബ്ലെ​യ​റി​ൽ​നി​ന്ന് 50 കി​ലോ​മീ​റ്റ​ർ മാ​ത്രം മാ​റി​യാ​ണ് ഏ​ക​ദേ​ശം 60 കി​ലോ​മീ​റ്റ​ർ വി​സ്തൃ​തി​യു​ള്ള ഈ ​ദ്വീ​പ് സ്ഥി​തി ചെ​യ്യു​ന്ന​ത്. തു​റ​മു​ഖ​ങ്ങ​ളൊ​ന്നു​മി​ല്ലാ​ത്ത പ​വി​ഴ​പ്പു​റ്റു​ക​ളാ​ൽ ചു​റ്റ​പ്പെ​ട്ട ഒ​രു ദ്വീ​പാ​ണി​ത്. 2004ൽ ​ഇ​ന്ത്യ​ൻ മ​ഹാ​സ​മു​ദ്ര​ത്തി​ലു​ണ്ടാ​യ ശ​ക്ത​മാ​യ ഭൂ​ച​ലന​ത്തെ​തു​ട​ർ​ന്ന് ദ്വീ​പി​ന് ചു​റ്റു​മു​ള്ള പ​വി​ഴ​പ്പു​റ്റു​ക​ൾ വെ​ള്ള​ത്തി​നു​മു​ക​ളി​ൽ​വ​രു​ക​യും പി​ന്നീ​ട് അ​വ വ​ര​ണ്ടു പോ​വു​ക​യും ചെ​യ്തി​രു​ന്നു. എ​ന്നാ​ൽ ദ്വീ​പി​നു​ള്ളി​ൽ ഇ​ത് എ​ന്തു മാ​റ്റ​മു​ണ്ടാ​ക്കി എ​ന്ന കാ​ര്യം ആ​ർ​ക്കു​മ​റി​യി​ല്ല.

ആ​രാ​ണ് ഇ​വി​ടെ താ​മ​സി​ക്കു​ന്ന​ത്?

ആ​ധു​നി​കതയുടെ യാ​തൊ​രു​വി​ധ സ്വാ​ധീന​വും ഏ​ൽ​ക്കാ​ത്ത ലോ​ക​ത്തി​ലെ അ​വ​സാ​ന​ത്തെ മ​നു​ഷ്യ​വം​ശ​മാ​ണ് ഇ​വി​ടെ താ​മ​സി​ക്കു​ന്ന​വ​ർ. സെ​ന്‍റി​നെ​ലെ​സ് എ​ന്നാ​ണ് ഇ​വ​രെ വി​ളി​ക്കു​ന്ന​ത്. ബ്രി​ട്ടീ​ഷു​കാ​ർ ഇ​ന്ത്യ ഭ​രി​ച്ചി​രു​ന്ന കാ​ല​ത്ത് ഈ ​ദ്വീ​പി​ൽ​താ​മ​സി​ക്കു​ന്ന​വ​രെ​ക്കു​റി​ച്ച് പ​ഠ​ന​ങ്ങ​ൾ ന​ട​ത്താ​ൻ ശ്ര​മി​ച്ചി​രു​ന്നു. ആ​ൻ​ഡ​മാ​നി​ൽ പ​ണ്ടു​മു​ത​ലേ താ​മ​സി​ച്ചു​വ​ന്നി​രു​ന്ന ഓം​ഗേ വം​ശ​ജ​രു​മാ​യി ഇ​വ​ർ​ക്ക് സാ​മ്യ​മു​ണ്ടെ​ന്ന് ക​രു​തു​ന്നു. എ​ന്നാ​ൽ സെ​ന്‍റി​നൽ വാ​സി​ക​ളു​ടെ ഭാ​ഷ​യും ഓം​ഗേ വം​ശ​ജ​രു​ടെ ഭാ​ഷ​യും തി​ക​ച്ചും വ്യ​ത്യ​സ്തമാ​ണ്.

പ​ണ്ടു​മു​ത​ലേ അ​ജ്ഞാ​തം

ചോ​ള സാ​മ്ര​ാജ്യ​കാ​ല​ത്തും മാ​ർ​ത്ത സാ​മ്രാ​ജ്യ കാ​ല​ത്തും ആ​ൻ​ഡ​മാ​ൻ ആ​ൻ​ഡ് നി​ക്കോ​ബ​ർ ഐ​ല​ൻ​ഡി​ൽ കു​ടി​യേ​റ്റ​ങ്ങ​ളും അ​ധി​നി​വേ​ശ​ങ്ങ​ളും ന​ട​ന്ന​താ​യി പ​ല ച​രിത്ര​രേ​ഖ​ക​ളി​ലും വി​വ​രി​ക്കു​ന്നു​ണ്ട്. എ​ന്നാ​ൽ സെ​ന്‍റി​ന​ൽ ദ്വീ​പി​നെ​പ്പ​റ്റി ഇ​വ​യി​ലൊ​ന്നും ഒ​രു പ​രാ​മ​ർ​ശ​വു​മി​ല്ല.


ബ്രി​ട്ടീ​ഷു​കാ​രു​ടെ സ​ന്ദ​ർ​ശ​നം

നി​ഗൂ​ഢ​ത​ക​ളു​ടെ ചു​രു​ള​ഴി​ക്കാ​ൻ ഏ​റെ ഇ​ഷ്ട​പ്പെ​ട്ടി​രു​ന്ന​വ​രാ​യി​രു​ന്നു ബ്രി​ട്ടീ​ഷു​കാ​ർ. ആ​ൻ​ഡ​മാ​ൻ നി​ക്കോ​ബ​ാറി​ൽ എ​ത്തി​യ നി​ര​വ​ധി ബ്രി​ട്ടീ​ഷു​കാ​ർ സെ​ന്‍റി​ന​ൽ ദ്വീ​പി​നു​ള്ളി​ൽ ക​ട​ക്കാ​ൻ ശ്ര​മി​ച്ചി​രു​ന്നു. 1867 ൽ ​ഒ​രു ഇ​ന്ത്യ​ൻ ക​പ്പ​ൽ ഈ ​ദ്വീ​പി​ന്‍റെ സ​മീ​പം ത​ക​ർ​ന്നു വീ​ണു. ഇ​തി​ലെ 106 യാ​ത്ര​ക്കാ​ർ നീ​ന്തി സെ​ന്‍റി​ന​ൽ ദ്വീ​പി​ൽ ക​യ​റി. ദ്വീ​പു​വാ​സി​ക​ൾ ഇ​വ​രെ ആ​ക്ര​മി​ക്കാ​ൻ ശ്ര​മി​ച്ചു. എ​ന്നാ​ൽ അ​തു​വ​ഴി ക​ട​ന്നു​പോ​യ ബ്രി​ട്ടീ​ഷ് റോ​യ​ൽ നേ​വി​യു​ടെ ക​പ്പ​ൽ ഇ​വ​രെ ര​ക്ഷി​ച്ചു.
1880ൽ ​സെ​ന്‍റി​ന​ലി​ലെ ആ​ളു​ക​ളു​ടെ ജീ​വി​ത​രീ​തി​യെ​ക്കു​റി​ച്ചും സം​സ്കാ​ര​ത്തെ​ക്കു​റി​ച്ചും പ​ഠി​ക്കാ​നാ​യി ബ്രി​ട്ടീ​ഷു​കാ​ര​നാ​യ മൈ​റി​സ് വി​ഡാ​ൽ പോ​ർ​ട്ട്മാ​ന്‍റെ നേ​തൃ​ത്വ​ത്തി​ലു​ള്ള ഒ​രു സം​ഘം ഇ​വി​ടെ​യെ​ത്തി. ചെ​റി​യ ന​ട​പ്പാ​ത​ക​ളും ആ​ളു​ക​ളു​പേ​ക്ഷി​ച്ചു​പോ​യ ചെ​റി​യ ഗ്രാ​മ​ങ്ങ​ളു​മാ​ണ് ഇ​വ​ർ​ക്ക് ഇ​വി​ടെ ക​ണ്ടെ​ത്താ​ൻ ക​ഴി​ഞ്ഞ​ത്. ദി​വ​സ​ങ്ങ​ൾ നീ​ണ്ട പ​രി​ശോ​ധ​ന​ക​ൾ​ക്കൊ​ടു​വി​ൽ ആ​റ് സെ​ന്‍റി​ന​ൽ നി​വാ​സി​ക​ളെ ഇ​വ​ർ പി​ടി​കൂ​ടി. ഇ​വ​രെ പോ​ർ​ട്ട് ബ്ലെ​യ​റി​ൽ എ​ത്തി​ച്ചു. എ​ന്നാ​ൽ ദി​വ​സ​ങ്ങ​ൾ​ക്കു​ള്ളി​ൽ ഇ​തി​ൽ മു​തി​ർ​ന്ന ര​ണ്ടു പേ​രും മ​രി​ച്ചു. മി​ച്ച​മു​ണ്ടാ​യി​രു​ന്ന നാ​ലു കു​ട്ടി​ക​ളും യാ​തൊ​രു​വി​ധ​ത്തി​ലും പു​റ​ത്തു​നി​ന്നു​ള്ള​വ​രു​മാ​യി ആ​ശ​യ​വി​നി​മ​യം ന​ട​ത്താ​ൻ ത​യാ​റാ​യി​ല്ല. ഇ​തേ​ത്തുട​ർ​ന്ന് ഇ​വ​രെ തി​രി​ച്ച് സെ​ന്‍റി​ന​ലി​ൽ കൊ​ണ്ടു​പോ​യി വി​ട്ടു.

സ്വാ​ത​ന്ത്ര​്യശേ​ഷം

സ്വാ​ത​ന്ത്ര​്യശേ​ഷം സെ​ന്‍റി​ന​ൽ വാ​സി​ക​ളു​മാ​യി സൗ​ഹൃ​ദ​ബ​ന്ധം സ്ഥാ​പി​ക്കാ​ൻ ഇ​ന്ത്യാ ഗ​വ​ണ്‍​മെ​ന്‍റ് പ​ല​ത​വ​ണ ശ്ര​മി​ച്ചു.1991​ൽ ആ​ന്ത്രോ​പോ​ള​ജി​ക്ക​ൽ സ​ർ​വേ ഓ​ഫ് ഇ​ന്ത്യ​യു​ടെ അ​ന്ന​ത്തെ ഡ​യ​റ​ക്ട​ർ ത്രി​ലോ​ക​നാ​ഥി​ന്‍റെ നേ​തൃ​ത്വ​ത്തി​ലു​ള്ള സം​ഘം ഇ​വി​ടെ എ​ത്തി ദ്വീ​പ് വാ​സി​ക​ളു​മാ​യി സം​സാ​രി​ക്കാ​ൻ ശ്ര​മി​ച്ചി​രു​ന്നു. 1997ഓ​ടെ ഇ​വി​ടെ പ്ര​വേ​ശി​ക്കാ​നു​ള്ള ശ്ര​മ​ങ്ങ​ൾ ഇ​ന്ത്യ പൂ​ർ​ണ​മാ​യും ഉ​പേ​ക്ഷി​ച്ചു.

2004ലെ ​സു​നാ​മി

2004ലെ സു​നാ​മി സെ​ന്‍റി​നെ​ൽ ദ്വീ​പി​നെ​യും ബാ​ധി​ച്ചി​രു​ന്നു. സു​നാ​മി ഉ​ണ്ടാ​യി ര​ണ്ടു ദി​വ​സം ക​ഴി​ഞ്ഞ് സെ​ന്‍റി​ന​ൽ നി​വാ​സി​ക​ളു​ടെ അ​വ​സ്ഥ അ​റി​യാ​ൻ ഇ​ന്ത്യ​ൻ എ​യ​ർ ഫോഴ്സി​ന്‍റെ ഒ​രു ഹെ​ലി​കോ​പ്ട​ർ ദ്വീ​പി​ന് ചു​റ്റും താ​ഴ്ന്ന് വ​ട്ട​മി​ട്ട് പ​റ​ന്നി​രു​ന്നു. ഹെ​ലി​കോ​പ്ട​റി​നെ അ​ന്പും വി​ല്ലു​മാ​യി ആ​ക്ര​മി​ക്കാ​ൻ വ​രു​ന്ന ദ്വീ​പു​വാ​സി​കളെയാണ് അ​ന്ന് ഹെ​ലി​കോ​പ്ട​റി​ൽ ഉ​ണ്ടാ​യി​രു​ന്ന​വ​ർ​ക്ക് കാ​ണാ​നാ​യ​ത്. സു​നാ​മി​യി​ൽ ദ്വീ​പി​ലെ മീ​ൻ​പി​ടു​ത്ത സ്ഥ​ല​ങ്ങ​ൾ ന​ശി​പ്പി​ക്ക​പ്പെ​ട്ടി​രു​ന്നു.
2006 ജ​നു​വ​രി 26 ന് ​ആ​ൻ​ഡ​മാ​നി​ൽ​നി​ന്നു​ള്ള ര​ണ്ടു മീ​ൻ​പി​ടു​ത്ത​ക്കാ​ർ അ​ബ​ദ്ധ​ത്തി​ൽ സെ​ന്‍റി​ന​ൽ ദ്വീ​പി​ൽ പ്ര​വേ​ശി​ക്കു​ക​യും ദ്വീ​പു​വാ​സി​ക​ളാ​ൽ വ​ധി​ക്ക​പ്പെ​ടു​ക​യും ചെ​യ്തു. ഇ​വ​രു​ടെ മൃ​ത​ദേ​ഹം പോ​ലും വി​ട്ടു​കി​ട്ടി​യി​ല്ല. ഈ ​സം​ഭ​വ​ത്തി​നു​ശേ​ഷം സെ​ന്‍റി​ന​ൽ ദ്വീ​പ് കൂ​ടു​ത​ൽ ഒ​റ്റ​പ്പെ​ട്ടു. ആ​രും അ​വ​രെ ശ​ല്യ​പ്പെ​ടു​ത്ത​രു​തെ​ന്ന് ആ​ൻ​ഡ​മാ​ൻ നി​വാ​സി​ക​ൾ​ക്ക് സ​ർ​ക്കാ​ർ ക​ർ​ശ​ന​മാ​യ നി​ർ​ദേ​ശം ന​ൽ​കു​ക​യും ചെ​യ്തു.​നി​ല​വി​ൽ ഈ ​ദ്വീ​പി​ൽ 50 മു​ത​ൽ 400 വ​രെ ആ​ളു​ക​ൾ ഉ​ണ്ടാ​കാം എ​ന്നാ​ണ് ക​രു​ത​പ്പെ​ടു​ന്ന​ത്.

ജോ​ണ്‍ അ​ല​ൻ ചൗ

​പു​റം ലോ​ക​വു​മാ​യി ബ​ന്ധ​മി​ല്ലാ​ത്ത സെ​ന്‍റി​ന​ൽ ദ്വീ​പ് നി​വാ​സി​ക​ൾ​ക്കി​ട​യി​ൽ മി​ഷ​ൻ പ്ര​വ​ർ​ത്ത​ന​ങ്ങ​ൾ ന​ട​ത്തു​ക​യാ​യി​രു​ന്നു ജോ​ണ്‍ അ​ല​ൻ ചൗ​വി​ന്‍റെ ഉ​ദ്ദേ​ശ്യം എ​ന്നാ​ണ് ആ​ദ്യം പു​റ​ത്തു വ​ന്നി​രു​ന്ന റി​പ്പോ​ർ​ട്ട്. എ​ന്നാ​ൽ സാ​ഹ​സി​ക യാ​ത്ര​ക​ളോ​ടു​ള്ള ഇ​ഷ്ട​മാ​ണ് ഇ​ദ്ദേ​ഹ​ത്തെ ഇ​വി​ടെ എ​ത്തി​ച്ച​തെ​ന്നും റി​പ്പോ​ർ​ട്ടു​ക​ളു​ണ്ട്. ആ​ൻ​ഡ​മാ​നി​ലു​ള്ള മ​ത്സ​്യത്തൊ​ഴി​ലാ​ളി​ക​ളാ​ണ് പ​ണം വാ​ങ്ങി ചൗ​വി​നെ സെ​ന്‍റി​ന​ൽ ദ്വീ​പി​ലെ​ത്തി​ച്ച​ത്. ഇ​വ​ർ​ക്കെ​തി​രേ പോ​ലീ​സ് കേ​സെ​ടു​ത്തി​ട്ടു​ണ്ട്. ന​ര​വം​ശ ശാ​സ്ത്ര​ജ്ഞ​രു​ടെ സ​ഹാ​യ​ത്തോ​ടെ ചൗ​വി​ന്‍റെ മൃ​ത​ദേ​ഹം ദ്വീ​പ് വാ​സി​ക​ളു​ടെ പ​ക്ക​ൽ​നി​ന്ന് വീ​ണ്ടെ​ടു​ക്കാ​നാ​ണ് പോ​ലീ​സ് ഇ​പ്പോ​ൾ ശ്ര​മി​ക്കു​ന്ന​ത്.

റോസ് മേരി ജോൺ