വിശപ്പിന്റെ ചൂളംവിളിക്ക് ട്രെയിന്‍മേറ്റ്‌സിന്റെ റെഡ് സിഗ്‌നല്‍
Friday, March 1, 2019 12:34 PM IST
ട്രെ​യി​ൻ യാ​ത്ര​ക്കാ​ർ​ക്ക് ഇ​വി​ടെ​ന്തു കാ​ര്യം. ആ​രും ചോ​ദി​ച്ചു​പോ​കു​ന്ന ചോ​ദ്യം. ദി​വ​സ​വും ട്രെ​യി​നി​ന്‍റെ ചൂ​ളം വി​ളി കേ​ട്ട് യാ​ത്ര ചെ​യ്യു​ന്ന​വ​രു​ടെ ട്രാ​ക്ക് മാ​റി​യു​ള്ള യാ​ത്ര. വി​ശ​പ്പി​ന്‍റെ ചൂ​ളം വി​ളി അ​വ​സാ​നി​പ്പി​ക്കാ​നു​ള്ള യാ​ത്ര.

ദി​വ​സ​വും ജോ​ലി​ക്കാ​യു​ള്ള നെ​ട്ടോ​ട്ട​ത്തി​ൽ ഒ​ഴി​വു കി​ട്ടു​ന്ന ഞാ​യ​റാ​ഴ്ച വീ​ട്ടി​ൽ കി​ട​ന്നു​റ​ങ്ങാ​മെ​ന്നാ​ണ് ഒ​ട്ടു​മി​ക്ക​വ​രും ചി​ന്തി​ക്കു​ക. എ​ന്നാ​ൽ ഈ ​ട്രെ​യി​ൻ മേ​റ്റ്സ് കൂ​ട്ടാ​യ്മ വേ​റി​ട്ട വ​ഴി​യി​ലൂ​ടെ യാ​ത്ര ചെ​യ്യു​ന്ന​വ​രാ​ണ്. എ​ല്ലാ ഞാ​യ​റാ​ഴ്ച​ക​ളി​ലും ഉ​ച്ച​യ്ക്ക് പ​ന്ത്ര​ണ്ടാ​കു​ന്പോ​ൾ ഇ​വ​ർ ഒ​ട്ടി​യ വ​യ​റു​മാ​യി ത​ങ്ങ​ളെ കാ​ത്തി​രി​ക്കു​ന്ന​വ​രു​ടെ അ​ടു​ത്തെ​ത്തും. ഭ​ക്ഷ​ണപ്പൊ​തി വാ​ങ്ങി ആ​ർ​ത്തി​യോ​ടെ അ​ത് ക​ഴി​ക്കു​ന്ന​തു കാ​ണു​ന്പോ​ൾ മ​ന​സി​ൽ എ​ന്തെ​ന്നി​ല്ലാ​ത്ത ഒ​രു സു​ഖം. അ​താ​ണ് വി​ശ്ര​മം ഒ​ഴി​വാ​ക്കി പൊ​തി​ച്ചോ​റു​മാ​യി ഇ​റ​ങ്ങാ​ൻ ഇ​വ​രെ പ്രേ​രി​പ്പി​ക്കു​ന്ന​ത്.

തു​ട​ക്കം 20 പൊ​തി​ച്ചോ​റു​മാ​യി...

ട്രെ​യി​ൻ യാ​ത്ര​യി​ൽ നാ​ട്ടി​ലെ മു​ത​ൽ ആ​ഗോ​ള​ത​ല​ത്തി​ലെ കാ​ര്യ​ങ്ങ​ൾ വ​രെ​യാ​ണ്ച​ർ​ച്ച ചെ​യ്യു​ക. അ​തി​നി​ട​യി​ൽ സാ​ധാ​ര​ണ​ക്കാ​രു​ടെ കാ​ര്യ​ങ്ങ​ളി​ലേ​ക്ക് അ​ധി​കം ശ്ര​ദ്ധ കൊ​ടു​ക്കാ​റി​ല്ല. പ​ക്ഷേ ഈ ​കൂ​ട്ടാ​യ്മ സാ​ധാ​ര​ണ​ക്കാ​രി​ലും അ​ടി​ത്ത​ട്ടി​ലു​ള്ള​വ​രു​ടെ കാ​ര്യ​ങ്ങ​ളി​ലേ​ക്ക് ക​ട​ന്നു​വെ​ന്ന​താ​ണ് എ​ടു​ത്തു പ​റ​യേ​ണ്ട കാ​ര്യം. ച​ർ​ച്ച​ക​ൾ​ക്കി​ട​യി​ൽ വി​ശ​പ്പി​ന്‍റെ വി​ളി ഇ​വ​ർ കേ​ട്ടു. അ​ങ്ങ​നെ ഒ​ട്ടി​യ വ​യ​റു​മാ​യി തൃ​ശൂ​ർ ന​ഗ​ര​ത്തി​ലും പ​രി​സ​ര​ത്തും അ​ല​യു​ന്ന​വ​ർ​ക്ക് ഒ​രു നേ​ര​ത്തെ ആ​ഹാ​ര​മെ​ങ്കി​ലും കൊ​ടു​ത്താ​ലോ എ​ന്ന ആ​ലോ​ച​ന, പി​ന്നീ​ട് പ്രാ​വ​ർ​ത്തി​ക​മാ​യി.

2016 ജൂ​ലൈ​യി​ലാ​ണ് അ​തി​ന് തു​ട​ക്കം കു​റി​ച്ച​ത്. 20 പൊ​തി​ച്ചോ​റു​മാ​യി ന​ഗ​ര​ത്തി​ലെ​ത്തി​യ ട്രെ​യി​ൻ മേ​റ്റ്സ് യാ​ത്ര​ക്കാ​ർ​ക്ക് ഒ​രു കാ​ര്യം ബോ​ധ്യ​മാ​യി. ഒ​രു നേ​ര​ത്തെ ആ​ഹാ​ര​ത്തി​നായി കാ​ത്തി​രി​ക്കു​ന്ന​വ​ർ ഒ​ന്നും ര​ണ്ടു​മ​ല്ല, നൂ​റു​ക​ണ​ക്കി​ന് പേ​രാ​ണ്. അ​ങ്ങ​നെ കൂ​ട്ടാ​യ്മ കൂ​ടു​ത​ൽ പേ​ർ​ക്ക് ഭ​ക്ഷ​ണം ന​ൽ​കാ​ൻ തീ​രു​മാ​നി​ച്ചു. നൂ​റും ഇ​രു​ന്നൂ​റും ഭ​ക്ഷ​ണപ്പൊ​തി​ക​ൾ വി​ത​ര​ണം ചെ​യ്തി​ട്ടും ഇ​നി​യും കി​ട്ടാ​ത്ത​വ​രു​ണ്ടെ​ന്ന​ത് ഇ​വ​രെ ഇ​പ്പോ​ഴും അ​ലോ​സ​ര​പ്പെ​ടു​ത്തു​ന്നു​ണ്ട്. ഇ​പ്പോ​ൾ ഇ​വ​രെ കാ​ണു​ന്പോ​ൾ ദൈ​വ​ങ്ങ​ളാ​യാ​ണ് ഭ​ക്ഷ​ണപ്പൊതി​ക്കാ​യി കാ​ത്തി​രി​ക്കു​ന്ന​വ​ർ ക​രു​തു​ന്ന​ത്. ചി​ല​ർ ചി​രി​ച്ചു​കൊ​ണ്ടാ​കും ഭ​ക്ഷ​ണ​പ്പൊതി വാ​ങ്ങു​ക. മ​റ്റു ചി​ല​ർ​ക്ക് ഒ​രു ഭാ​വ​വ്യ​ത്യാ​സ​വു​മു​ണ്ടാ​കി​ല്ല. ചി​ല​ർ​ക്ക് എ​ഴു​ന്നേ​റ്റു വ​ന്ന് ഭ​ക്ഷ​ണം വാ​ങ്ങാ​നു​ള്ള ആ​രോ​ഗ്യ​മു​ണ്ടാ​കി​ല്ല. എ​ല്ലാ​വ​രു​ടെ​യും അ​ടു​ത്തെ​ത്തി ഭ​ക്ഷ​ണം വി​ത​ര​ണം ചെ​യ്ത് മ​ട​ങ്ങു​ന്പോ​ൾ മ​ന​സ് അ​റി​യാ​തെ ന​ന്ദി പ​റ​യും, ദൈ​വ​ത്തോ​ട്.

ഒ​രു നേ​ര​ത്തെ ഭ​ക്ഷ​ണം പോ​ലും കി​ട്ടാ​തെ അ​ല​യു​ന്ന​വ​രു​ടെ നാ​ട്ടി​ലാ​ണ​ല്ലോ ജീ​വി​ക്കു​ന്ന​ത്. ഇ​ത്ര​യും സൗ​ക​ര്യ​ങ്ങ​ളൊ​ക്കെ കി​ട്ടു​ന്പോ​ൾ ഇ​വ​രെ സ​ഹാ​യി​ക്കാ​നു​ള്ള മ​ന​സ് ത​ന്ന​തി​ന്.

ട്രെ​യി​ൻ​മേ​റ്റ്സി​ന്‍റെ തു​ട​ക്കം 2004ൽ

​ഒ​രു​മി​ച്ചു യാ​ത്ര ചെ​യ്തി​രു​ന്ന അ​ഞ്ചു പേ​ർ ചേ​ർ​ന്നാ​ണ് യാ​ത്ര​ക്കാ​രു​ടെ ഒ​രു സം​ഘ​ട​ന​യ്ക്ക് രൂ​പം ന​ൽ​കാ​മെ​ന്ന് തീ​രു​മാ​നി​ച്ച​ത്. സ്ഥി​രം യാ​ത്ര​ക്കാ​രാ​യ കെ.​ച​ന്ദ്ര​ൻ, കെ.​ജി.​ബാ​ല​കൃ​ഷ്ണ​ൻ, എം.​വി.​ധ​ർ​മ​ൻ, കെ.​ന​ന്ദ​ന​ൻ, ടി.​എ.​അ​ച്ചു​ക്കു​ട്ട​ൻ എ​ന്നി​വ​രാ​ണ് ഒ​ത്തു​കൂ​ടി​യ​ത്. 2004ലെ ​ഓ​ണ​ക്കാ​ല​ത്താ​യി​രു​ന്നു അ​ത്. സി​എം​എ​സ് സ്കൂ​ളി​ൽ ഒ​ത്തു​കൂ​ടി​യ ഇ​വ​ർ സം​ഘ​ട​ന​യ്ക്ക് പേ​രി​ട്ടു, ട്രെ​യി​ൻ മേ​റ്റ്സ്.

യാ​ത്ര​ക്കാ​രു​ടെ സൗ​ക​ര്യ​ങ്ങ​ൾ​ക്കു​വേ​ണ്ടി വാ​ദി​ക്കാ​നും പ്ര​ശ്ന​ങ്ങ​ളി​ലി​ട​പെ​ട്ട് പ​രി​ഹാ​ര​മു​ണ്ടാ​ക്കാ​നു​മാ​യി​രു​ന്നു ശ്ര​ദ്ധ മു​ഴു​വ​നും. ട്രെ​യി​നു​ക​ൾ വൈ​കു​ന്ന​തി​നെ​തി​രെ അ​ധി​കാ​രി​ക​ളെ ക​ണ്ട് കാ​ര്യ​ങ്ങ​ൾ ബോ​ധ്യ​പ്പെ​ടു​ത്തു​ക, കൂ​ടു​ത​ൽ ട്രെ​യി​നു​ക​ൾ ഓ​ടി​ക്കാ​നു​ള്ള സ​മ്മ​ർ​ദ്ദം ചെ​ലു​ത്തു​ക തു​ട​ങ്ങി​യ​വ​യാ​യി​രു​ന്നു തു​ട​ക്ക​ത്തി​ൽ. സം​ഘ​ട​ന പി​ന്നീ​ട് അ​ഞ്ചി​ൽ നി​ന്ന് വ​ള​ർ​ന്ന് ഇ​പ്പോ​ൾ അ​ന്പ​തി​ലെ​ത്തി. ട്രെ​യി​ൻ യാ​ത്ര​ക്കാ​രും അ​വ​രു​ടെ കു​ടും​ബാം​ഗ​ങ്ങ​ളു​മൊ​ക്കെ ഇ​പ്പോ​ൾ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ലേ​ക്ക് ട്രാ​ക്ക് മാ​റി. ഇ​പ്പോ​ൾ പ്ര​ധാ​ന ശ്ര​ദ്ധ ഇ​ത്ത​രം കാ​ര്യ​ങ്ങ​ളി​ലാ​ണെ​ന്നു വേ​ണ​മെ​ങ്കി​ൽ പ​റ​യാം.

ഭ​ക്ഷ​ണം പാ​കം ചെ​യ്യു​ന്ന​ത് കൂ​ട്ടാ​യ്മ

തു​ട​ക്ക​ത്തി​ൽ വീ​ടു​ക​ളി​ൽ നി​ന്ന് പൊ​തി​ച്ചോ​റു​ക​ൾ സ്വീ​ക​രി​ച്ചാ​ണ് വി​ത​ര​ണം ചെ​യ്തി​രു​ന്ന​ത്. എ​ന്നാ​ൽ അ​ത് സ​മ​യ​ത്ത് ഭ​ക്ഷ​ണ​പ്പൊ​തി​ക​ൾ കി​ട്ടാ​താ​യ​പ്പോ​ൾ സ്വ​ന്ത​മാ​യി ഭ​ക്ഷ​ണം പാ​കം ചെ​യ്താ​ൽ എ​ന്താ​ണെ​ന്ന് ച​ർ​ച്ച ചെ​യ്തു. അ​ങ്ങ​നെ ഒ​ടു​വി​ൽ സം​ഘ​ട​ന ത​ന്നെ സ്വ​ന്ത​മാ​യി ഭ​ക്ഷ​ണം പാ​കം ചെ​യ്ത് പൊ​തി​ക​ളാ​ക്കി വി​ത​ര​ണം ചെ​യ്യാ​ൻ തീ​രു​മാ​നി​ച്ചു.


തി​രു​വ​ന്പാ​ടി ക്ഷേ​ത്ര​ത്തി​നു സ​മീ​പ​മു​ള്ള ട്രെ​യി​ൻ മേ​റ്റ്സി​ന്‍റെ ഓ​ഫീ​സി​ലാ​ണ് ഭ​ക്ഷ​ണം പാ​കം ചെ​യ്യു​ന്ന​ത്. ഞാ​യ​റാ​ഴ്ച രാ​വി​ലെ ഏ​ഴ​ര​യോ​ടെ എ​ല്ലാ​വ​രും ഇ​വി​ടെ​യെ​ത്തും. ഭ​ക്ഷ​ണം പാ​കം ചെ​യ്ത് പൊ​തി​ക​ളാ​ക്കും. തു​ട​ർ​ന്ന് വി​ത​ര​ണ​ത്തി​നാ​യി ഇ​റ​ങ്ങും. നെ​ഹ്റു പാ​ർ​ക്കി​ൽ നി​ന്ന് തു​ട​ങ്ങി റോ​ഡ് അ​രി​കി​ലും തേ​ക്കി​ൻ​കാ​ടി​ലും ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ തെ​രു​വോ​ര​ത്ത് ഇ​രി​ക്കു​ന്ന​വ​രു​ടെ കൈ​ക​ളി​ലേ​ക്ക് ഭ​ക്ഷ​ണപ്പൊ​തി​ക​ൾ എ​ത്തി​ക്കും.

ചെ​ല​വ് അ​യ്യാ​യി​രം

ചോ​റും സാ​ന്പാ​റും ഉ​പ്പേ​രി​യും മോ​രു​മാ​ണ് ഭ​ക്ഷ​ണ​പ്പൊ​തി. 200 ഭ​ക്ഷ​ണ​പ്പൊതി​ക​ൾ ത​യാ​റാ​ക്കാ​ൻ അ​യ്യാ​യി​രം രൂ​പ​യാ​ണ് ചെ​ല​വ് വ​രു​ന്ന​തെ​ന്ന് ട്രെ​യി​ൻ മേ​റ്റ്സ് പ്ര​സി​ഡ​ന്‍റ് കെ.​ച​ന്ദ്ര​ൻ​മേ​നോ​ൻ പ​റ​ഞ്ഞു. ഇ​ത് പ​ല​രു​ടെ​യും സം​ഭാ​വ​ന​ക​ളാ​യി​ട്ടാ​ണ് ല​ഭി​ക്കു​ന്ന​ത്. ആ​ത്മാ​ർ​ഥ​മാ​യി ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്നു​ണ്ടെ​ന്ന വി​വ​രം അ​റി​യു​ന്ന​തോ​ടെ രാ​ജ്യ​ത്തെ പ​ല സം​സ്ഥാ​ന​ങ്ങ​ളി​ൽ നി​ന്നും വി​ദേ​ശ രാ​ജ്യ​ങ്ങ​ളി​ൽ നി​ന്നു വ​രെ ഇ​വ​ർ​ക്ക് സ​ഹാ​യ​ങ്ങ​ൾ ല​ഭി​ക്കു​ന്നു​ണ്ട്. ചെ​ല​വും പ്ര​വ​ർ​ത്ത​ന​ങ്ങ​ളു​മൊ​ക്കെ കൃ​ത്യ​മാ​യി ന​ട​ത്തു​ന്ന​തി​നാ​ൽ സ​ഹാ​യ​ങ്ങ​ൾ ന​ൽ​കാ​ൻ പ​ല​രും മു​ന്പോ​ട്ടു വ​രു​ന്നു​ണ്ടെ​ന്ന് ട്രെ​യി​ൻ മേ​റ്റ്സ് ഭാ​ര​വാ​ഹി​ക​ൾ പ​റ​യു​ന്നു.

പൊ​തി​ച്ചോ​ർ മ​റി​ച്ചു വി​ൽ​ക്കു​ന്ന​വ​രും ഭ​ക്ഷ​ണം ഉ​ണ്ടാ​ക്കു​ന്ന​തു പോ​ലെ അ​ർ​ഹ​രാ​യ​വ​ർ​ക്ക് ഈ ​പൊ​തി​ക​ൾ ന​ൽ​കു​ക​യെ​ന്ന​തും വി​ഷ​മം പി​ടി​ച്ച പ​ണി​യാ​ണെ​ന്ന് രം​ഗ​ത്തി​റ​ങ്ങി​യ​പ്പോ​ഴാ​ണ് മ​ന​സി​ലാ​യ​ത്. അ​ർ​ഹ​ര​ല്ലാ​ത്ത​വ​ർ പ​ല​രും ഭ​ക്ഷ​ണപ്പൊ​തി​ക​ൾ വാ​ങ്ങി മ​റി​ച്ചു വി​ൽ​ക്കു​ന്ന​വ​രെ​യും ഇ​വ​ർ ക​ണ്ടെ​ത്തി​യി​ട്ടു​ണ്ട്. സൗ​ജ​ന്യ​മാ​യി ശേ​ഖ​രി​ക്കു​ന്ന ഭ​ക്ഷ​ണ​പ്പൊ​തി​ക​ൾ ഇ​ത്ത​ര​ക്കാ​ർ മു​പ്പ​തും നാ​ൽ​പ​തും രൂ​പ​യ്ക്കു​മൊ​ക്കെ​യാ​ണ് മ​റി​ച്ചു വി​ൽ​ക്കു​ന്ന​ത​ത്രേ. ഇ​ത്ത​ര​ക്കാ​രെ സം​ഘ​ട​ന ക​ണ്ടെ​ത്തു​ക​യും ചെ​യ്തു. അ​തോ​ടെ വി​ശ​പ്പി​ന്‍റെ യ​ഥാ​ർ​ഥ വി​ളി​യു​ള്ള​വ​രെ ക​ണ്ടെ​ത്താ​നു​ള്ള ന​ട​പ​ടി​ക​ളും ഇ​വ​ർ ന​ട​ത്തി.

ര​ഹ​സ്യ​മാ​യി നി​രീ​ക്ഷി​ച്ചും മ​റ്റും യ​ഥാ​ർ​ഥ​മാ​യി ഭ​ക്ഷ​ണം ആ​വ​ശ്യ​മു​ള്ള​വ​രു​ടെ ലി​സ്റ്റും ഇ​വ​ർ ഉ​ണ്ടാ​ക്കി. സ്ഥി​രം ഭ​ക്ഷ​ണം ന​ൽ​കേ​ണ്ട നൂ​റു​പേ​രു​ടെ ലി​സ്റ്റ് ഇ​വ​രു​ടെ പ​ക്ക​ലു​ണ്ട്. ബാ​ക്കി അ​ർ​ഹ​ത​പ്പെ​ട്ട​വ​രെ ക​ണ്ടെ​ത്തി ന​ൽ​കും. പ്ര​ള​യ​ത്തി​നു​ശേ​ഷം ഭ​ക്ഷ​ണം ആ​വ​ശ്യ​പ്പെ​ടു​ന്ന​വ​രു​ടെ എ​ണ്ണം കൂ​ടി​യി​ട്ടു​ണ്ട​ത്രേ.

പൊ​തി​ച്ചോ​ർ മാ​ത്ര​മ​ല്ല

പൊ​തി​ച്ചോ​ർ വി​ത​ര​ണം ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളു​ടെ ഒ​രു ഭാ​ഗം മാ​ത്ര​മാ​ണ്. നി​ര​വ​ധി സ​ഹാ​യ​ങ്ങ​ളാ​ണ് പ​ല സം​ഘ​ട​ന​ക​ൾ​ക്കും പാ​വ​ങ്ങ​ൾ​ക്കു​മൊ​ക്കെ ന​ൽ​കി​വ​രു​ന്ന​ത്.
2007ലാ​ണ് ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ലേ​ക്ക് സം​ഘ​ട​ന തി​രി​ഞ്ഞ​ത്. അ​ർ​ഹ​രാ​യ​വ​രെ ക​ണ്ടെ​ത്തി സ​ഹാ​യ​ങ്ങ​ൾ ന​ൽ​കി. ഡോ. ​ഭാ​നു​മ​തി ന​ട​ത്തു​ന്ന ഓ​ട്ടി​സം ബാ​ധി​ച്ച കു​ട്ടി​ക​ൾ​ക്കു​വേ​ണ്ടി​യു​ള്ള അം​ഹ ഹെ​ൽ​ത്ത് സെ​ന്‍റ​റി​ന്‍റെ പ്ര​വ​ർ​ത്ത​ന​ങ്ങ​ൾ​ക്കാ​യി 40 ല​ക്ഷം രൂ​പ​യോ​ള​മാ​ണ് സ​മാ​ഹ​രി​ച്ചു ന​ൽ​കി​യ​ത്. പെ​ണ്‍​കു​ട്ടി​ക​ൾ​ക്കു​വേ​ണ്ടി ന​ട​ത്തു​ന്ന ക​നാ​ട്ടു​ക​ര സേ​വാ​സ​ദ​നം അ​നാ​ഥാ​ല​യ​ത്തി​ലെ ലൈ​ബ്ര​റി​ക്കാ​യി മൂ​വാ​യി​രം പു​സ്ത​ക​ങ്ങ​ൾ ന​ൽ​കി.

പ്ര​ള​യ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളി​ലും ട്രെ​യി​ൻ​മേ​റ്റ്സ് മു​ന്നി​ലാ​യി​രു​ന്നു. ആ​റു ല​ക്ഷം രൂ​പ​യാ​ണ് സ​മാ​ഹ​രി​ച്ചു ന​ൽ​കി​യ​ത്. ഇ​രി​ങ്ങാ​ല​ക്കു​ട​യി​ലെ കാ​ക്കാ​തു​രു​ത്ത് ഗ്രാ​മ​ത്തി​ൽ സൗ​ജ​ന്യ മെ​ഡി​ക്ക​ൽ ക്യാ​ന്പും സൗ​ജ​ന്യ കി​റ്റ് വി​ത​ര​ണ​വും ന​ട​ത്തി​യി​രു​ന്നു.

വെ​ള്ള​മി​ല്ലാ​ത്ത​തി​ന് കു​ഴ​ൽക്കി​ണ​റും

ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്ക് ഭ​ക്ഷ​ണ​വും സ​ഹാ​യ​ങ്ങ​ളും മാ​ത്ര​മ​ല്ല, കു​ഴ​ൽക്കി​ണ​ർ നി​ർ​മാ​ണ​വും ന​ട​ത്തിക്കൊടു​ക്കാ​മെ​ന്ന് ട്രെ​യി​ൻ മേ​റ്റ്സ് കാ​ണി​ച്ചു​കൊ​ടു​ത്തു. നെ​ടു​പു​ഴ​യി​ലെ ക​സ്തൂ​ർ​ബ വൃ​ദ്ധ​സ​ദ​ന​ത്തി​ലെ അ​ന്പ​തോ​ളം വ​രു​ന്ന അ​മ്മ​മാ​ർ പൂ​ന്തോ​ട്ടം വേ​ണ​മെ​ന്നാ​വ​ശ്യ​പ്പെ​ട്ടു. ഇ​തു വാ​ങ്ങി​ക്കൊ​ടു​ക്കാ​ൻ ത​ന്നെ ട്രെ​യി​ൻ മേ​റ്റ്സ് തീ​രു​മാ​നി​ച്ചു.

അ​ങ്ങ​നെ ചെ​ടി​ക​ളു​മാ​യി ചെ​ന്ന​പ്പോ​ഴാ​ണ് ന​ന​യ്ക്കാ​ൻ വെ​ള്ള​മി​ല്ലെ​ന്ന​റി​ഞ്ഞ​ത്. വ​ർ​ഷ​ങ്ങ​ളാ​യി ജ​ല​ക്ഷാ​മം അ​നു​ഭ​വ​പ്പെ​ടു​ക​യാ​യി​രു​ന്നു. ട്രെ​യി​ൻ​മേ​റ്റ്സ് തീ​രു​മാ​ന​മെ​ടു​ത്ത് ഒ​രു കു​ഴ​ൽ ക്കിണ​ർ നി​ർ​മി​ച്ചു കൊ​ടു​ത്തു. ഇ​ത്ത​ര​ത്തി​ൽ പാ​വ​പ്പെ​ട്ട​വ​രെ സ​ഹാ​യി​ക്കാ​ൻ എ​ന്നും മു​ന്നി​ലെ​ത്തും. പ്ര​സി​ഡ​ന്‍റ് ച​ന്ദ്ര​ന്‍​മേ​നോ​ന്‍ ഫോ​ൺ: 9495132070.

പോ​ൾ മാ​ത്യു

Copyright @ 2022 , Rashtra Deepika Ltd.