കൈ​ക​ളില്ല... മു​ഹ​മ്മ​ദ് ആ​സി​മിന് പഠിക്കണം
Saturday, February 16, 2019 5:05 PM IST
ഭാ​വി​യി​ല്‍ ആ​രാ​ക​ണ​മെ​ന്ന ചോ​ദ്യ​ത്തി​ന് കു​ട്ടി​ക​ള്‍​ക്ക് പ​ല​പ്പോ​ഴും വ​ലി​യ ഉ​ത്ത​ര​ങ്ങ​ളാ​കും ഉ​ണ്ടാ​കു​ക. ഡോ​ക്ട​ര്‍, എ​ന്‍​ജി​നിയ​ര്‍, അ​ല്ലെ​ങ്കി​ല്‍ ഐ​എ​എ​സു​കാ​ര​ന്‍... കാ​ലം മാ​റു​മ്പോ​ഴും ഈ ​ഉ​ത്ത​ര​ങ്ങ​ള്‍​ക്ക് വ​ലി​യ മാ​റ്റ​ങ്ങ​ളൊ​ന്നും ഉ​ണ്ടാ​യി​ട്ടി​ല്ല. പ​ക്ഷെ, കോ​ഴി​ക്കോ​ട് വെ​ളി​മ​ണ്ണ​ക്കാ​ര​ന്‍ മു​ഹ​മ്മ​ദ് ആ​സി​മി​ന് ആ ​ചോ​ദ്യ​ത്തോ​ട് ഒ​റ്റ ഉ​ത്ത​ര​മേ​യു​ള്ളൂ. ത​ന്നെ​പ്പോ​ലെ പ​ര​സ​ഹാ​യം ആ​വ​ശ്യ​മു​ള്ള നി​ര​വ​ധി പേ​രു​ടെ ക​ണ്ണീ​ര്‍ തു​ട​യ്ക്കാ​ന്‍ ക​ഴി​യു​ന്ന സാ​മൂ​ഹ്യ പ്ര​വ​ര്‍​ത്ത​ക​നാ​വ​ണം. അ​തി​നാ​യി ആ​ദ്യം ത​ന്‍റെ പ​ഠി​ക്കാ​നാ​യു​ള്ള പോ​രാ​ട്ട​ത്തി​ന് ഫ​ലം കാ​ണ​ണം.

ഈ ​കൊ​ച്ചു​മി​ടു​ക്ക​ന്‍ ഇ​ന്ന​ലെ ആ ​യാ​ത്ര ആ​രം​ഭി​ച്ചു. വീ​ല്‍​ചെ​യ​റി​ല്‍ തി​രു​വ​ന​ന്ത​പു​രംവ​രെ ഒ​രു യാ​ത്ര. ജീ​വി​ത​പോ​രാ​ട്ട​ത്തി​നും അ​വ​കാ​ശ​ത്തി​നു​മാ​യു​ള്ള യാ​ത്ര. തൊ​ണ്ണൂ​റ് ശ​ത​മാ​ന​വും അം​ഗ​വൈ​ക​ല്യം അ​നു​ഭ​വി​ക്കു​ന്ന ആ​സി​മി​നെ ഒ​രു പ​ക്ഷെ അ​റി​യാ​ത്ത​വ​ര്‍ ചു​രു​ക്ക​മാ​യി​രി​ക്കും. ജ​ന്‍​മ​നാ ഇ​രുകൈ​ക​ളും ഇ​ല്ല. പ​ക്ഷെ പ​ഠ​നം കൊ​ണ്ട് എ​ല്ലാം കാ​ല്‍​ക്കീഴി​ലാ​ക്കു​മെ​ന്ന് ഉ​റ​ച്ച തീ​രു​മാ​ന​മെ​ടു​ത്ത ഉ​ജ്ജ്വ​ല​ബാ​ല്യം. വീ​ല്‍​ചെ​യ​റി​ല്‍​സെ​ക്ര​ട്ടേ​റി​യ​റ്റി​ല്‍ എ​ത്തി മു​ഖ്യ​മ​ന്ത്രി​യോ​ട് ത​ന്‍റെ അ​വ​സ്ഥ വി​ശ​ദീ​ക​രി​ച്ച​ശേ​ഷ​മേ ആ​സിം ഇ​നി വി​ശ്ര​മി​ക്കൂ. യാ​ത്ര​യി​ലു​ട​നീ​ളം ഒ​പ്പു​ശേ​ഖ​രി​ച്ച് നി​വേ​ദ​ന​മാ​യി മു​ഖ്യ​മ​ന്ത്രി​ക്ക് ന​ല്‍​കും.

ക​ഥ ഇ​ങ്ങ​നെ...

നാ​ലാം ക്ലാ​സി​ല്‍ നി​ന്ന് ത​ന്‍റെ പ​ഠ​നം മു​ട​ങ്ങി​യ​ത് മു​ത​ലാ​ണ് ആ​സിം പോ​രാ​ട്ട​ത്തി​ന്‍റെ പ്ര​തീ​ക​മാ​യി മാ​റി​യ​ത്. തു​ട​ര്‍​ന്നു പ​ഠി​ക്കാ​ന്‍ താ​ന്‍ പ​ഠി​ച്ച ഗ​വ.​വെ​ളി​മ​ണ്ണ മാ​പ്പി​ള യു​പി സ്‌​കൂ​ളി​നെ ഹൈ​സ്‌​കൂ​ള്‍ ആ​ക്കി​ത്ത​ര​ണ​മെ​ന്ന് ആ​വ​ശ്യ​പ്പെ​ട്ട് ഈ ​കു​ട്ടി​യും ര​ക്ഷി​താ​ക്ക​ളും മ​ന്ത്രി​മാ​രു​ടേ​യും ഉ​ദ്യോ​ഗ​സ്ഥ​രു​ടേ​യും മു​ട്ടാ​ത്ത വാ​തി​ലു​ക​ളി​ല്ല.2014 ഡി​സം​ബ​റി​ല്‍ കാ​ല്‍ കൊ​ണ്ടെ​ഴു​തി​യ അ​പേ​ക്ഷ​യു​മാ​യി ആ​സിം അ​ന്ന​ത്തെ മു​ഖ്യ​മ​ന്ത്രി ഉ​മ്മ​ന്‍ ചാ​ണ്ടി യെ​യും വി​ദ്യാ​ഭ്യാ​സ മ​ന്ത്രി പി.​കെ. അ​ബ്ദു​റ​ബ്ബി​നെ​യും സ​മീ​പി​ച്ചു. എ​ല്‍​പി സ്‌​കൂ​ള്‍ യു​പി ആ​ക്ക​ണം, ഇ​താ​യി​രു​ന്നു ആ​വ​ശ്യം.

ആ​സി​മി​ന്‍റെ പ​ഠ​ന​ത്തി​ലു​ള്ള മി​ടു​ക്കും ശാ​രീ​രി​ക ദൗ​ര്‍​ബ​ല്യ​വും ക​ണ്ട​റി​ഞ്ഞ മു​ഖ്യ​മ​ന്ത്രി ഉ​മ്മ​ന്‍ ചാ​ണ്ടി അ​ന്വേ​ഷ​ണ​ത്തി​ന് ജി​ല്ലാ ക​ള​ക്ട​ര്‍​ക്ക് നി​ര്‍​ദേ​ശം ന​ല്‍​കി.​അ​ങ്ങ​നെ എ​ല്‍​പി ആ​യി​രു​ന്ന വെ​ളി​മ​ണ്ണ സ്‌​കൂ​ള്‍ 2015 ഓ​ഗ​സ്റ്റ് നാ​ലി​ന് യു​പി ആ​ക്കി അ​പ്‌​ഗ്രേ​ഡ് ചെ​യ്തു.​ആ​സിം കൂ​ട്ടു​കാ​രോ​ടൊ​പ്പം ഏ​ഴാം ക്ലാ​സ്സ് വ​രെ പ​ഠ​നം തു​ട​ര്‍​ന്നു.

1924 ല്‍ ​സ്ഥാ​പി​ത​മാ​യ ജി​എം​യു​പി സ്‌​കൂ​ളി​ല്‍ മി​ക​ച്ച അ​ക്കാ​ദ​മി​ക ഭൗ​തി​ക പ​ശ്ചാ​ത്ത​ല​വും ഹൈ​സ്‌​കൂ​ള്‍ നി​ല​വാ​ര​ത്തി​ലു​ള്ള അ​ടി​സ്ഥാ​ന സൗ​ക​ര്യ​ങ്ങ​ളു​മു​ണ്ട്. 508 കു​ട്ടി​ക​ള്‍ പ​ഠി​ക്കു​ന്ന കോഴിക്കോട് ജി​ല്ല​യി​ലെ മി​ക​ച്ച വി​ദ്യാ​ല​യ​ങ്ങ​ളി​ല്‍ ഒ​ന്നാ​ണ് വെ​ളി​മ​ണ്ണ ജി​എം​യു​പി സ്‌​കൂ​ള്‍. സാ​മൂ​ഹ്യ-സാ​മ്പ​ത്തി​ക- വി​ദ്യാ​ഭ്യാ​സ മേ​ഖ​ല​ക​ളി​ല്‍ വ​ള​രെ പി​ന്നോ​ക്കം നി​ല്‍​ക്കു​ന്ന അ​വി​ക​സി​ത പ്ര​ദേ​ശ​മാ​യ വെ​ളി​മ​ണ്ണ ഓ​മ​ശ്ശേ​രി ഗ്രാ​മ​പ​ഞ്ചാ​യ​ത്തി​ലെ നാ​ലു വാ​ര്‍​ഡു​ക​ള്‍ ഉ​ള്‍​പ്പെ​ടു​ന്ന പ്ര​ദേ​ശ​മാ​ണ്. ഹൈ​സ്‌​കൂ​ളാ​ക്കി ഉ​യ​ര്‍​ത്തി​യാ​ല്‍ ഉ​പ​രി​പ​ഠ​ന​ത്തി​ന് വി​ദൂ​ര​ത്തു​ള്ള വി​ദ്യാ​ല​യ​ങ്ങ​ളെ ആ​ശ്ര​യി​ക്കു​ന്ന പ​രി​സ​ര പ്ര​ദേ​ശ​ങ്ങ​ളി​ലു​ള്ള 10 വാ​ര്‍​ഡു​ക​ളി​ലെ വി​ദ്യാ​ര്‍​ഥി​ക​ള്‍​ക്ക് ഉ​പ​കാ​ര​പ്പെ​ടു​മെ​ന്ന് പ്ര​ദേ​ശ​വാ​സി​ക​ളും പ​റ​യു​ന്നു.

ഈ ​മ​നു​ഷ്യ​മ​തി​ല്‍ ആ​സി​മി​നാ​യി

ആ​സി​മി​നാ​യി ഒ​രു ജ​ന​ത ഒ​ന്ന​ട​ങ്കം മ​നു​ഷ്യ​മ​തി​ല്‍ തീ​ര്‍​ത്ത​ക​ഥ​യും ഈ ​പ്ര​ദേ​ശ​ത്തി​ന് പ​റ​യാ​നു​ണ്ട്. തു​ട​ര്‍​പ​ഠ​നാ​ര്‍​ത്ഥം വി​ദ്യാ​ല​യം അ​പ്‌​ഗ്രേ​ഡ് ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് 2017 ഡി​സം​ബ​ര്‍ അ​ഞ്ചി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​നും​ പൊ​തു വി​ദ്യാ​ഭ്യാ​സ മ​ന്ത്രി പ്രഫ. സി ​ര​വീ​ന്ദ്ര​നാ​ഥ് അ​ട​ക്ക​മു​ള്ള മ​ന്ത്രി​മാ​ര്‍​ക്കും ആ​സിം കാ​ല്‍ കൊ​ണ്ടെ​ഴു​തി​യ നി​വേ​ദ​നം ന​ല്‍​കി. അ​ന്വേ​ഷ​ണ​ത്തി​ന് വ​ന്ന കൊ​ടു​വ​ള്ളി ഉ​പ​ജി​ല്ലാ വി​ദ്യാ​ഭ്യാ​സ ഓ​ഫീ​സ​ര്‍ വെ​ളി​മ​ണ്ണ ജി​എം​യു​പി സ്‌​കൂ​ള്‍ അ​പ്‌​ഗ്രേ​ഡ് ചെ​യ്യ​ണ​മെ​ന്ന് സ​ര്‍​ക്കാ​രി​നോ​ട് ശിപാ​ര്‍​ശ​യും ന​ല്‍​കി. പ്ര​സ്തു​ത ആ​വ​ശ്യം പ​രി​ഗ​ണി​ക്കാ​ന്‍ ക​ഴി​യി​ല്ലെ​ന്നു​ള്ള മ​റു​പ​ടി​യാ​ണ് സ​ര്‍​ക്കാ​രി​ല്‍ നി​ന്നും 2018 ജ​നു​വ​രി 19ന് ​ല​ഭി​ച്ച​ത്.


2018 മാ​ര്‍​ച്ചി​ല്‍ ആ​സിം ഏ​ഴാം ക്ലാ​സ് പ​ഠ​നം പൂ​ര്‍​ത്തി​യാ​ക്കി. ക​ര​ഞ്ഞു ക​ല​ങ്ങി​യ ക​ണ്ണു​മാ​യി പി​താ​വി​ന്‍റെ തോ​ളി​ലേ​റി ആ​സിം വീ​ട്ടി​ലേ​ക്കു മ​ട​ങ്ങി. ആ​സി​മി​ന്‍റെ തു​ട​ര്‍ പ​ഠ​നം ഇ​തോ​ടെ വ​ഴി​മു​ട്ടി. ത​ന്‍റെ​യും നാ​ടി​ന്‍റെ​യും വി​ദ്യാ​ഭ്യാ​സ അ​വ​കാ​ശ​ത്തി​നാ​യി ആ​സിം പോ​രാ​ട്ട​ത്തി​നി​റ​ങ്ങി. ഒ​രു നാ​ട് മു​ഴു​വ​ന്‍ ആ​സി​മി​ന് പി​ന്നി​ല്‍ അ​ണി​നി​ര​ന്നു. ഒ​പ്പം സാ​മൂ​ഹ്യ വി​ദ്യാ​ഭ്യാ​സ പ്ര​വ​ര്‍​ത്ത​ക​രും വി​വി​ധ സ​ന്ന​ദ്ധ സം​ഘ​ട​ന​ക​ളും അ​ണി​ചേ​ര്‍​ന്നു. 2018 മാ​ര്‍​ച്ച് 26ന് ​സ്‌​കൂ​ള്‍ പ​രി​സ​ര​ത്ത് നാ​ട്ടു​കാ​ര്‍ ഒ​രു കി​ലോ​മീ​റ്റ​ര്‍ ബ​ഹു​ജ​ന മ​നു​ഷ്യ​മ​തി​ല്‍​തീ​ര്‍​ത്ത് ച​രി​ത്രം ര​ചി​ച്ചു. തു​ട​ര്‍​ന്ന് ജ​ന​കീ​യ ഒ​പ്പു​ശേ​ഖ​ര​ണ കാ​മ്പ​യി​ന്‍​സം​ഘ​ടി​പ്പി​ച്ചു.​ഏ​പ്രി​ല്‍ 12 ന് ​കോ​ഴി​ക്കോ​ട് ക​ള​ക്ട​റേ​റ്റി​ലേ​ക്ക് മാ​ര്‍​ച്ചും ധ​ര്‍​ണ​യും ന​ട​ത്തി.

134 ഹ​ര്‍​ജി​ക​ളി​ല്‍ 133 ഉം ത​ള്ളി, പ​ക്ഷെ..

ത​ന്‍റെ പ്ര​തീ​ക്ഷ​കളുടെ ചി​റ​കൊ​ടി​യു​ന്നു എ​ന്ന മ​ന​സി​ലാ​യ​തോ​ടെ ആ​സിം മ​നു​ഷ്യാ​വ​കാ​ശ ക​മ്മീഷ​നെ സ​മീ​പി​ച്ചു. സ്‌​കൂ​ള്‍ അ​പ്‌​ഗ്രേ​ഡ് ചെ​യ്യാ​ന്‍ ഏ​പ്രി​ല്‍ ര​ണ്ടി​ന് ക​മ്മീഷ​ന്‍ ഉ​ത്ത​ര​വി​ട്ടെ​ങ്കി​ലും സ​ര്‍​ക്കാ​ര്‍ വി​ധി ന​ട​പ്പാ​ക്കി​യി​ല്ല. തു​ട​ര്‍​ന്ന് നീ​തി തേ​ടി ഹൈ​ക്കോ​ട​തി​യെ​ സ​മീ​പി​ച്ചു. മു​ഹ​മ്മ​ദ് ആ​സി​മി​ന് അ​തെ സ്‌​കൂ​ളി​ല്‍ എ​ട്ടാം ക്ലാ​സ്സി​ല്‍ തു​ട​ര്‍​ന്ന് പ​ഠി​ക്കാ​നും സ്‌​കൂ​ള്‍ അ​പ്‌​ഗ്രേ​ഡ് ചെ​യ്യാ​നും ര​ണ്ടാ​ഴ്ച​ക്കു​ള്ളി​ല്‍ സൗ​ക​ര്യ​മൊ​രു​ക്ക​ണ​മെ​ന്ന് 2018 ജൂ​ണ്‍ 11ന് ​ഹൈ​ക്കോ​ട​തി ഉ​ത്ത​ര​വി​ട്ടു. വി​വി​ധ സ്‌​കൂ​ളു​ക​ള്‍ അ​പ്‌​ഗ്രേ​ഡ് ചെ​യ്യ​ണ​മെ​ന്നാ​വ​ശ്യ​പ്പെ​ട്ട് സ​മ​ര്‍​പ്പി​ച്ച 134 ഹ​ര്‍​ജി​ക​ളി​ല്‍ 133 ഹ​ര്‍​ജി​ക​ളും ത​ള്ളി​യ​പ്പോ​ള്‍ ആ​സി​മി​നാ​യു​ള്ള ഹ​ര്‍​ജി​യി​ല്‍ അ​നു​കൂ​ല വി​ധി ഉ​ണ്ടാ​യി.

വി​ധി പ​ക​ര്‍​പ്പു​മാ​യി ജൂ​ണ്‍ 21ന് ​പൊ​തു വി​ദ്യാ​ഭ്യാ​സ സെ​ക്ര​ട്ട​റി​യെ സ​മീ​പി​ച്ച​പ്പോ​ള്‍ അ​നു​കൂ​ല സ​മീ​പ​ന​മു​ണ്ടാ​യി. ഉ​ത്ത​ര​വി​ടാ​ന്‍ കീ​ഴു​ദ്യോ​ഗ​സ്ഥ​ര്‍​ക്ക് അ​ദ്ദേ​ഹം നി​ര്‍​ദ്ദേ​ശം ന​ല്‍​കി. പി​ന്നീ​ട് കാ​ര്യ​ങ്ങ​ള്‍ കീ​ഴ്‌​മേ​ല്‍ മ​റി​ഞ്ഞു. അ​പ്പീ​ലി​ന് പോ​കി​ല്ലെ​ന്ന് പ​റ​ഞ്ഞ സ​ര്‍​ക്കാ​ര്‍ ജൂ​ലാ​യ് 10ന് ​ഡി​വി​ഷ​ന്‍ ബെ​ഞ്ചി​ല്‍ അ​പ്പീ​ല്‍ ഫ​യ​ല്‍ ചെ​യ്തു. ഇ​തോ​ടെ സിം​ഗി​ള്‍ ബെ​ഞ്ച് ഉ​ത്ത​ര​വ് ഡി​വി​ഷ​ന്‍ ബെ​ഞ്ച് താ​ല്‍​ക്കാ​ലി​ക​മാ​യി സ്റ്റേ ​ചെ​യ്തു. സ്റ്റേ ​നീ​ക്കി കി​ട്ടാ​ന്‍ ഡി​വി​ഷ​ന്‍ ബെ​ഞ്ചി​ല്‍ അ​പേ​ക്ഷ​യും ന​ല്‍​കി. വി​ദ്യാ​ര്‍​ഥി​ക​ള്‍​ക്കു വേ​ണ്ടി ര​ക്ഷി​താ​ക്ക​ളും കേ​സി​ല്‍ ക​ക്ഷിചേ​ര്‍​ന്നു. കേ​സ് ന​ട​പ​ടി​ക​ള്‍ ന​ട​ക്കു​ന്നു​ണ്ടെ​ങ്കി​ലും അ​ന്തി​മ വി​ധി ഇ​തു​വ​രെ​യും ആ​യി​ല്ല.

ആ​സിം ഇ​പ്പോ​ള്‍ ഒ​രു വ​ര്‍​ഷ​മാ​യി പ​ഠ​ന​മൊ​ന്നും ഇ​ല്ലാ​തെ വീ​ട്ടി​ല്‍ ക​ഴി​യു​ക​യാ​ണ്. സ​ര്‍​ക്കാ​ര്‍ ത​ന്നെ കൈ​വി​ടി​ല്ലെ​ന്ന ഉ​റ​ച്ച വി​ശ്വാ​സ​മുണ്ട് ആ​സി​മി​ന്. ഒപ്പം പ്ര​തീ​ക്ഷ​യു​ം.. എ​ന്നെ​ങ്കി​ലും ക​രു​ണ​യു​ടെ, നീ​തി​യു​ടെ... വാ​തി​ലു​ക​ള്‍ ത​നി​ക്കു മു​ന്നി​ല്‍ തു​റ​ക്കു​മെ​ന്ന്.

തയാറാക്കിയത്: ഇ. അനീഷ്


Copyright @ 2022 , Rashtra Deepika Ltd.