ചി​ക്കു​ൻ​ഗു​നി​യ​യും ഡെ​ങ്കി​പ്പ​നി​യും പകരുന്നത് ഇങ്ങനെ...
Thursday, July 7, 2022 5:03 PM IST
ചി​ക്കു​ൻ​ഗു​നി​യ​യും ഡെ​ങ്കി​പ്പ​നി​യും മ​നു​ഷ്യ​നി​ൽ നി​ന്നും മ​നു​ഷ്യ​നി​ലേ​ക്ക് പ​ക​രു​ന്ന രോ​ഗ​ങ്ങ​ള​ല്ല. രോ​ഗ​ബാ​ധ​യു​ള്ള​വ​രെ ക​ടി​ച്ച കൊ​തു​ക് മ​റ്റൊ​രാ​ളെ ക​ടി​ക്കു​ന്ന​തി​ലൂ​ടെ മാ​ത്ര​മേ രോ​ഗം പ​ക​രൂ. അ​തും ഒ​രു ക​ടി ത​ന്നെ ധാ​രാ​ളം. ആ​യ​തി​നാ​ൽ രോ​ഗ​മു​ള്ള​വ​ർ നി​ർ​ബ​ന്ധ​മാ​യും കൊ​തു​ക് വ​ല ഉ​പ​യോ​ഗി​ക്ക​ണം.

കൊതുകിനെ തോൽപ്പിക്കാൻ...

പെ​ൺ​വ​ർ​ഗ​ത്തി​ൽ​പെ​ട്ട ഈ​ഡി​സ് ഈ​ജി​പ്തി വി​ഭാ​ഗ​ത്തി​ലെ കൊ​തു​കു​ക​ളാ​ണ് ചി​ക്കു​ൻ​ഗു​നി​യ​യും ഡെ​ങ്കി​പ്പ​നി​യും പ​ട​ർ​ത്തു​ന്ന​ത്.

പ​ക​ൽ​സ​മ​യ​ത്ത് മ​ങ്ങി​യ വെ​ളി​ച്ച​ത്തി​ൽ ഇ​വ കൂ​ടു​ത​ലാ​യി ക​ടി​ക്കു​ക​യും ചെ​യ്യും. ശ​രീ​രം പ​ര​മാ​വ​ധി മൂ​ടു​ന്ന ത​ര​ത്തി​ലു​ള്ള വ​സ്ത്ര​ങ്ങ​ൾ ധ​രി​ക്കു​ന്ന​ത് കൊ​തു​കുക​ടി ഏ​ൽ​ക്കാ​തി​രി​ക്കാ​ൻ ന​ല്ല​ത്.

കെ​ട്ടി​നി​ൽ​ക്കു​ന്ന വെ​ള്ള​ത്തി​ൽ ച​വി​ട്ടിയാൽ...

ഓ​ട വൃ​ത്തി​യാ​ക്കു​ക​യോ കെ​ട്ടി​നി​ൽ​ക്കു​ന്ന വെ​ള്ള​ത്തി​ൽ ച​വി​ട്ടു​ക​യോ ചെ​യ്യു​മ്പോ​ൾ ശ​രീ​ര​ത്തി​ലെ മു​റി​വു​ക​ളി​ലൂ​ടെ എ​ലി​പ്പ​നിയു​ടെ രോ​ഗാ​ണു​ക്ക​ൾ പ​ക​രാ​വു​ന്ന​താ​ണ്. എ​ലി​യു​ടെ മൂ​ത്രം വീ​ണ ആ​ഹാ​ര​മോ വെ​ള്ള​മോ ഉ​പ​യോ​ഗി​ക്കു​ന്ന​തി​ലൂ​ടെ​യും രോ​ഗം പ​ക​രും.

മലിനജലത്തിൽ ഇറങ്ങിയാൽ

കെ​ട്ടി​നി​ൽ​ക്കു​ന്ന ശു​ദ്ധ​ജ​ലം കൊ​തു​കു​ക​ൾ വ​ർ​ധി​ക്കു​ന്ന​തി​ന് ഇ​ട​യാ​ക്കുന്നു. അ​തു​പോ​ലെ കെ​ട്ടി​നി​ൽ​ക്കു​ന്ന മ​ലി​ന​ജ​ല​ത്തി​ൽ ഇ​റ​ങ്ങി​യാ​ൽ എ​ലി​പ്പ​നി ബാ​ധി​ക്കു​ന്ന​തി​നും കാ​ര​ണ​മാ​കും.

ഇതര സം​സ്ഥാ​ന തൊ​ഴി​ലാ​ളി​ക​ളു​ടെ ആ​ഭ്യ​ന്ത​ര യാ​ത്ര​ക​ൾ മ​ലേ​റി​യ വ​ർ​ധി​പ്പി​ക്കു​ന്ന​തി​ന് സാ​ഹ​ച​ര്യ​മൊ​രു​ക്കും.


ഡെങ്കി അപകടമാകുന്നത്

ഒ​ന്ന​ര ല​ക്ഷം മു​ത​ൽ നാ​ലു ല​ക്ഷം വ​രെ സാ​ധാ​ര​ണ കാ​ണു​ന്ന പ്ലേ​റ്റ്‌​ലെ​റ്റു​ക​ളു​ടെ എ​ണ്ണം ഡെ​ങ്കി​പ്പ​നി ബാ​ധി​ച്ച രോ​ഗി​യി​ൽ വെ​റും ഇ​രു​പ​തി​നാ​യി​ര​ത്തി​ലേ​ക്ക് താ​ഴു​ന്ന​ത് അ​പ​ക​ടം ക്ഷ​ണി​ച്ചു​വ​രു​ത്തും. ആ​ശു​പ​ത്രി വാ​സ​വും ആ​വ​ശ്യ​മാ​യി​വ​രും.​

ചികിത്സിച്ചു മാറ്റിയില്ലെങ്കിൽ...

മി​ക്ക പ​ക​ർ​ച്ച​വ്യാ​ധി​ക​ളും ശ​രി​യാ​യി ചി​കി​ത്സി​ച്ചു​മാ​റ്റാ​തെ തു​ട​ർ​ന്നു നി​ന്നാ​ൽ ഹൃ​ദ​യം, ശ്വാ​സ​കോ​ശം, ത​ല​ച്ചോ​റ്, വൃ​ക്ക തു​ട​ങ്ങി​യ ഭാ​ഗ​ങ്ങ​ളി​ൽ ഗു​രു​ത​ര​മാ​യ ഭ​വി​ഷ്യ​ത്തു​ക​ൾ ഉ​ണ്ടാ​കും.

പ​ക​ർ​ച്ച​പ്പ​നി വ​ന്നാ​ൽ...

* പ​നി വ​ന്നാ​ൽ പൂ​ർ​ണ വി​ശ്ര​മം അ​നി​വാ​ര്യം.
* 12 ഗ്ലാ​സ് വെ​ള്ള​മെ​ങ്കി​ലും കു​ടി​ക്ക​ണം.
* കു​ടി​ക്കാ​നു​ള്ള വെ​ള്ളം ചു​ക്ക്, തു​ള​സി​യി​ല, മ​ല്ലി എ​ന്നി​വ ഇ​ട്ട് 5 മി​നി​റ്റ് എ​ങ്കി​ലും വെ​ട്ടി തി​ള​പ്പി​ക്ക​ണം.

ഷ​ഡം​ഗ ചൂ​ർണം

വെ​ള്ളം തി​ള​പ്പി​ച്ച് കു​ടി​ക്കാ​ൻ സ​ർ​ക്കാ​ർ ആ​യു​ർ​വേ​ദ സ്ഥാ​പ​ന​ങ്ങ​ളി​ൽ നി​ന്നു ഷ​ഡം​ഗ ചൂ​ർണം സൗ​ജ​ന്യ​മാ​യി ല​ഭ്യ​മാ​ണ്. (തുടരും)

വി​വ​ര​ങ്ങ​ൾ - ഡോ. ​ഷർമദ് ഖാൻ BAMS, MD സീനിയർ മെഡിക്കൽ ഓഫീസർ, ഗവ. ആയുർവേദ ഡിസ്പെൻസറി, നേമം, തിരുവനന്തപുരം ഫോൺ - 9447963481