ഗാലക്സി എം സീരീസിൽ സാംസങ്ങ് എം32

Friday, August 27, 2021 6:41 PM IST

സാംസങ്ങിന്‍റെ എം സീരീസിലുള്ള മോഡൽ എം32 വിപണിയിലെത്തി. കൂടുതൽ സ്റ്റെബിലിറ്റിയോടെ ഉപയോഗിക്കാം എന്ന ഉറപ്പാണ് സാംസങ്ങ് ഗാലക്സി എം സീരീസിന്‍റെ പ്രത്യേകത.

പതിനയ്യായിരത്തിനടുത്തു രൂപയ്ക്ക് ഇതിനു മുന്പിറങ്ങിയ എം31 നല്ല ഫോണ്‍ എന്ന പേരുകേൾപ്പിച്ചതാണ്. എം32 മോഡലിനെക്കുറിച്ചുള്ള സൂചനകൾ ഇങ്ങനെയാണ്: ഫുൾ എച്ച്ഡി പ്ലസ് സൂപ്പർ അമോലെഡ് ഡിസ്പ്ലേ, ഒക്ടാകോർ മീഡിയാ ടെക് ഹീലിയോ പ്രോസസർ, റിയർ ക്വാഡ് കാമറകൾ, 6,000 എംഎഎച്ച് ബാറ്ററി, 4ജിബി+ 64 ജിബി, 6 ജിബി+ 128 ജിബി എന്നിങ്ങനെ രണ്ടു വേരിയന്‍റുകളിൽ ലഭിക്കുമെന്നാണ് ഇതുവരെയുള്ള വിവരം. വിലയിലും അതിനനുസരിച്ചുള്ള മാറ്റങ്ങളുണ്ടാകും. എത്രയാണ് വിലയെന്ന് ഇതുവരെ സൂചനകൾ ലഭ്യമല്ല.

എം31എസ് എന്ന മോഡലിന് 18,999 രൂപയും എം42 5ജി മോഡലിന് 23,999 രൂപയുമാണ് വില. 4 ജിബി റാമും 64 ജിബി സ്റ്റോറേജുമുള്ള എം11 എന്ന മോഡൽ പതിനായിരം രൂപയിൽ താഴെ വിലയ്ക്ക് ലഭ്യമാണ്.

എം31ൽനിന്നു വ്യത്യസ്തമായി ചതുര രൂപത്തിലുള്ള കാമറ സെറ്റപ്പ് ആയിരിക്കും ഈ മോഡലിലുണ്ടാവുക. ഏപ്രിലിൽ ഇന്ത്യൻ വിപണിയിലെത്തിയ എം42 5ജിയിൽ കാമറ ഈ രീതിയിലാണ് ഡിസൈൻ ചെയ്തിരിക്കുന്നത്.

48 എംപി, 8 എംപി, 5എംപി വീതം രണ്ട് എന്നിങ്ങനെയാണ് റിയർ കാമറ സെൻസറുകൾ. സെൽഫീ കാമറ 20 എംപി ശേഷിയുള്ളതായിരിക്കും. മികച്ച ബാറ്ററി ശേഷി വിദ്യാർഥികളെ സംബന്ധിച്ചിടത്തോളം ഉപകാരപ്രദമാവും.

തേജശ്രീ