ഇലക്ട്രിക് വാഹനകമ്പനിയായ അള്‍ട്ടിഗ്രീന്‍ കേരളത്തിലേക്ക്
Tuesday, October 18, 2022 2:39 PM IST
കൊച്ചി: ബംഗളൂരു ആസ്ഥാനമായ ഇലക്ട്രിക് വാഹനകമ്പനി അള്‍ട്ടിഗ്രീന്‍ കൊച്ചിയില്‍ ആദ്യ റീട്ടെയില്‍ എക്‌സ്പീരിയന്‍സ് സെന്‍റര്‍ തുറന്നു. ഈമാസം ഇന്ത്യയില്‍ ആരംഭിക്കുന്ന അഞ്ചാമത്തെ റീട്ടെയില്‍ ഡീലര്‍ഷിപ്പാണിത്.
ഇവിഎം ഗ്രൂപ്പുമായി കൈകോര്‍ത്താണ് ആദ്യത്തെ റീട്ടെയില്‍ ഡീലര്‍ഷിപ്പ് തുടങ്ങിയിരിക്കുന്നത്. എറണാകുളം റീജണല്‍ ട്രാന്‍സ്‌പോര്‍ട്ട് ഓഫീസര്‍ പി.എം. ഷബീര്‍ ഷോറൂം ഉദ്ഘാടനവും വാഹനത്തിന്‍റെ ഫ്ളാഗ് ഓഫും നിര്‍വഹിച്ചു.
അള്‍ട്ടിഗ്രീന്‍ ഫൗണ്ടറും സിഇഒയുമായ ഡോ. അമിതാഭ് ശരണ്‍, ഇവിഎം ഗ്രൂപ്പ് എംഡി സാബു ജോണി എന്നിവര്‍ സന്നിഹിതരായിരുന്നു. ഇഎൻഇവി എന്ന പേരിലുള്ള മുച്ചക്ര വാഹനവും അള്‍ട്ടിഗ്രീന്‍ പുറത്തിറക്കി.
11 കെവിയാണ് മുച്ചക്ര വാഹനത്തിന്‍റെ ബാറ്ററി ശേഷി. മൂന്നര മണിക്കൂര്‍ കൊണ്ട് ഫുള്‍ ചാര്‍ജ് ചെയ്യാം. 150 കിലോമീറ്ററാണ് കമ്പനി അവകാശപ്പെടുന്നതെങ്കിലും 120 കിലോമീറ്റര്‍ റേഞ്ച് കിട്ടുമെന്ന് ഡോ. അമിതാഭ് ശരണ്‍ പറഞ്ഞു.