ഉപഭോക്താക്കളെ അപകടകരമായ ലിങ്കുകളില്നിന്ന് സംരക്ഷിക്കുന്നതിനുള്ള പുതിയ ഫീച്ചറും വാട്സ്ആപ്പ് പരീക്ഷിക്കുന്നതായാണ് റിപ്പോര്ട്ട്. വാട്സ്ആപ്പ് സന്ദേശങ്ങളില് വരുന്ന ലിങ്കുകളും ആ സന്ദേശത്തില് പറഞ്ഞിരിക്കുന്ന കാര്യങ്ങളും ശരിയാണോ എന്ന് തിരിച്ചറിയാന് സഹായിക്കുന്നതാണ് പുതിയ ഫീച്ചര്.
വ്യാപകമായി പ്രചരിച്ചുകൊണ്ടിരിക്കുന്ന സന്ദേശങ്ങളാണ് ഈ രീതിയില് പരിശോധിക്കുക. ഉപഭോക്താവ് ആവശ്യപ്പെടുന്ന ലിങ്കും ആ സന്ദേശവും മാത്രമാണ് ഇത്തരം സാഹചര്യങ്ങളില് പരിശോധിക്കുക.
ഈ സന്ദേശങ്ങള് സ്വകാര്യമായിരിക്കുമെന്ന പ്രത്യേകതയുമുണ്ട്. ആന്ഡ്രോയിഡ് ബീറ്റ 2.24.20.28 വേര്ഷനിലാണ് ഈ ഫീച്ചര് പരീക്ഷിക്കുന്നതെന്ന് വാബീറ്റാ ഇന്ഫോ റിപ്പോര്ട്ട് ചെയ്യുന്നു.