ന്യൂഡൽഹി: റെനോ ശേണി സ്മാർട്ട്ഫോണുകൾ ഒപ്പോ ഇന്ത്യൻ വിപണിയിൽ അനാവരണം ചെയ്തു. ഒപ്പോ റെനോ 10എക്സ് സൂം, ഒപ്പോ റെനോ എന്നീ രണ്ടു പുതിയ മോഡലുകൾക്ക് യഥാക്രമം 49,990 രൂപ(8/256 ജിബി)യും 32,990 രൂപ(8/128ജിബി)യുമാണ് വില. റെനോ 10എക്സ് സൂമിന്‍റെ 6/128ജിബി വേരിയന്‍റ് 39,990 രൂപയ്ക്കും ലഭിക്കും.
ജെറ്റ് ബ്ലാക്ക്, ഓഷൻ ഗ്രീൻ നിറങ്ങളിൽ ലഭ്യമാകുന്ന ഫോണുകൾ ജൂണ്‍ ഏഴു മുതൽ വിപണിയിലെത്തും.
ട്രിപ്പിൾ റിയർ കാമറ, 3ഡി ഗ്ലാസ് ബാക്ക് കവർ, 6.6 ഇഞ്ച് പനോരമിക് സ്ക്രീൻ, ഹിഡൻ ഫിംഗർപ്രിന്‍റ് അണ്ലോക്ക് 2.0, 10എക്സ് സൂം ഫീച്ചറുള്ള ട്രിപ്പിൾ റിയർ കാമറ (48+13+8 എംപി), അൾട്രാ നൈറ്റ് മോഡ്, 4,065 എംഎഎച്ച് ബാറ്ററി തുടങ്ങിയവയാണ് റെനോ 10എക്സ് സൂമിന്‍റെ പ്രത്യേകതകൾ. അതേസമയം, 48 എംപി റിയർ കാമറ, 6.4 ഇഞ്ച് പനോരമിക് സ്ക്രീൻ, ഷാർക്ക് ഫിൻ റൈസിംഗ് കാമറ, അൾട്രാ നൈറ്റ് മോഡ് തുടങ്ങിയവയാണ് ഒപ്പോ റെനോയുടെ പ്രധാന ഫീച്ചറുകൾ.