വി​നീ​ഷ് ഒ​രു മാ​തൃ​ക​യാ​ണ്
വി​നീ​ഷ് ഒ​രു മാ​തൃ​ക​യാ​ണ്
അഞ്ചു​വ​ർ​ഷം മു​ന്പ് അ​ർ​ബു​ദം അ​ച്ഛ​ന്‍റെ ജീ​വ​നെ​ടു​ത്ത​പ്പോ​ൾ മു​ന്നി​ൽ ഒ​രു ശൂ​ന്യ​ത​യാ​യി​രു​ന്നു. അ​ച്ഛ​ന്‍റെ വി​യ​ർ​പ്പു​വീ​ണ നേ​ന്ത്ര​വാ​ഴ കൃ​ഷി ഏ​റ്റെ​ടു​ത്ത് കാ​ർ​ഷി​ക പാ​ത​യി​ൽ സ​ജീ​വ​മാ​കു​ക​യാ​യി​രു​ന്നു ഈ ​ചെ​റു​പ്പ​ക്കാ​ര​ൻ.

പാ​ല​ക്കാ​ട് പ​ട്ടി​ത്ത​റ​യി​ൽ വെ​ള്ളി​ലാ​പ്പു​ള്ളി വീ​ട്ടി​ൽ വി​നീ​ഷ് എ​ന്ന മു​പ്പ​ത്തി​മൂ​ന്നു​കാ​ര​ൻ. വി​നീ​ഷി​ന്‍റെ പി​താ​വാ​യ വേ​ലാ​യു​ധ​ൻ നേ​ന്ത്ര​വാ​ഴ ക​ർ​ഷ​ക​നാ​യി​രു​ന്നു. വ​ർ​ഷ​ങ്ങ​ളാ​യി തു​ട​രു​ന്ന നേ​ന്ത്ര​വാ​ഴ​കൃ​ഷി വേ​ലാ​യു​ധ​ന്‍റെ ശീ​ല​ത്തി​ൽ അ​ലി​ഞ്ഞു ചേ​ർ​ന്ന​താ​ണ്.

വേ​ലാ​യു​ധ​ന്‍റെ മൂ​ത്ത​മ​ക​നാ​യ വി​നീ​ഷ് അ​ട​ക്കം മൂ​ന്ന് മ​ക്ക​ളെ വ​ള​ർ​ത്തി​യ​തും കു​ടും​ബ​ത്തി​ന്‍റെ ഉ​പ​ജീ​വ​ന മാ​ർ​ഗ​വു​മൊ​ക്കെ നേ​ന്ത്ര​വാ​ഴ കൃ​ഷി​യാ​യി​രു​ന്നു. അ​ച്ഛ​ന്‍റെ മ​ര​ണ​ശേ​ഷം സ​ഹോ​ദ​ര​നാ​യ കൃ​ഷ്ണ​നാ​ണ് വി​നീ​ഷി​ന് നേ​ന്ത്ര​വാ​ഴ കൃ​ഷി​യി​ൽ പ​രി​ശീ​ല​നം ന​ൽ​കി​യ​ത്.

അ​ഞ്ചു വ​ർ​ഷ​മാ​യി വി​നീ​ഷ് കൃ​ഷി​യി​ൽ സ​ജീ​വ​മാ​ണ്. പാ​ട്ട​ത്തി​നെ​ടു​ത്ത ര​ണ്ടേ​ക്ക​റി​ലെ നേ​ന്ത്ര​വാ​ഴ​യും നാ​ലേ​ക്ക​റി​ലെ നെ​ല്ലും വൈ​വി​ധ്യ പ​ച്ച​ക്ക​റി കൃ​ഷി​ക​ളു​മൊ​ക്കെ​യാ​യി വി​ള​സ​ന്പു​ഷ്ട​മാ​ണ് ഈ ​കൃ​ഷി​യി​ടം.

വി​നീ​ഷ് ഒ​രു മാ​തൃ​ക​യാ​ണ്

വ​ൻ​തോ​തി​ലു​ള്ള രാ​സ​കീ​ട​നാ​ശി​നി പ്ര​യോ​ഗ​ങ്ങ​ളി​ല്ലാ​ത്ത സ്വാ​ഭാ​വി​ക കാ​ർ​ഷി​ക പ്ര​വ​ർ​ത്ത​ന​ങ്ങ​ളോ​ടാ​ണ് വി​നീ​ഷി​നു കൂ​ടു​ത​ൽ താ​ത്പ​ര്യം. കാ​ർ​ഷി​ക മേ​ഖ​ല​യി​ലേ​ക്കു ക​ട​ന്നു വ​രു​ന്ന യു​വാ​ക്ക​ൾ​ക്കു വി​നീ​ഷ് ഒ​രു മാ​തൃ​ക​യാ​ണ്.


കൃ​ഷിയോ​ളം മ​ന​സു​നി​റ​യു​ന്നൊ​രു ക​ർ​മ്മ​വ​ഴി വേ​റെ​യി​ല്ല​ന്നാ​ണ് വി​നീ​ഷി​ന്‍റെ പ​ക്ഷം. വ​ർ​ഷ​ങ്ങ​ൾ​ക്കു ശേ​ഷം പ​ട്ടി​ത്ത​റ​യി​ലൂ​ടെ​യു​ള്ള ഒ​രു യാ​ത്ര​ക്കി​ട​യി​ലാ​ണ് യാ​ദൃ​ശ്ചി​ക​മാ​യി റോ​ഡ​രി​കി​ൽ ചീ​ര വി​ല്പ​ന ന​ട​ത്തു​ന്ന വി​നീ​ഷി​നെ വീ​ണ്ടും ക​ണ്ടു​മു​ട്ടു​ന്ന​ത്. ചീ​ര കൃ​ഷി​യു​ടെ വി​ള​വെ​ടു​പ്പു തി​ര​ക്ക് തു​ട​ങ്ങി ക​ഴിഞ്ഞു. ​

മ​ണ്ണി​ൽ മ​ല്ലി​ട്ട് വ​ള​ർ ത്തി​യെ​ടു​ത്ത ചീ​ര​യ്ക്ക് ക​ച്ച​വ​ട​ക്കാ​ർ വി​ല​താ​ഴ് ത്തി​യ​തോ​ടെ വി​നീ​ഷ് ത​ന്‍റെ കൃ​ഷി യി​ട​ത്തോ​ടു ചേ​ർ​ന്ന റോ​ഡ​രി​കി​ൽ വ​ച്ചു ന​ല്ല വി​ല​യ്ക്കു വി​റ്റ​ഴി​ക്കു​ക​യാ​ണ്.

മാ​സ​ങ്ങ​ളോ​ളം മ​ണ്ണി​ൽ ക​ഷ്ട​പ്പെ​ട്ട് ഉ​ത്പാ​ദി​പ്പി​ക്കു​ന്ന കാ​ർ​ഷി​ക ഉ​ത്പ​ന്ന ങ്ങ​ൾ ക​ർ​ഷ​ക​ർ ത​ന്നെ നേ​രി​ട്ടു വി​റ്റാ ലെ​ന്താ​ണു കു​ഴ​പ്പ​മെ​ന്നാ​ണ് ഈ ​യു​വ​ക​ർ​ഷ​ക​ൻ ആ​ത്മ​രോ​ഷ​ത്തോ​ടെ ചോ​ദി​ക്കു​ന്ന​ത്.

വി​പ​ണി​യി​ലെ ക​ർ​ഷ​ക ഇ​ട​പെ​ട​ലി​ന്‍റെ പ​രി​മി​തി​യാ​ണ് മെ​യ്യ​ന​ങ്ങാ​ത്ത ഇ​ട​ത്ത​ട്ടു​കാ​ര​ന്‍റെ ചൂ​ഷ​ണം വ്യാ​പ​ക​മാ​കു​ന്ന​തി​നു പി​ന്നി​ലെ​ന്നാ​ണ് ഈ ​യു​വ​ക​ർ​ഷ​ക​ന്‍റെ അ​ഭി​പ്രാ​യം.

ഫോ​ണ്‍: വി​നീ​ഷ് 9946378988


ഫോ​ണ്‍: 9745632828