Sthreedhanam
പാ​ലി​ലും അ​ധ്യാ​പ​ന​ത്തി​ലും മാ​യം ചേ​ർ​ക്കാ​ത്ത രൂ​പ ടീ​ച്ച​ർ
പാ​ലി​ലും അ​ധ്യാ​പ​ന​ത്തി​ലും മാ​യം ചേ​ർ​ക്കാ​ത്ത രൂ​പ ടീ​ച്ച​ർ
Monday, August 28, 2023 12:27 PM IST
പാ​ല​ക്കാ​ട് ജി​ല്ല​യി​ലെ വ​ട​ക്ക​ഞ്ചേ​രി​യി​ൽ കി​ഴ​ക്ക​ഞ്ചേ​രി ക്ഷേ​ത്ര ത്തി​ന​ടു​ത്തു​ള്ള രൂ​പ ടീ​ച്ച​റു​ടെ ദി​വ​സം ആ​രം​ഭി​ക്കു​ന്ന​തു പു​ല​ർ​ച്ചെ ര​ണ്ട​ര​യ്ക്കും അ​വ​സാ​നി​ക്കു​ന്ന​ത് അ​ർ​ധ​രാ​ത്രി​യോ​ട​ടു​ത്തു​മാ​ണ്.

എ​ന്താ​ണ് ടീ​ച്ച​ർ​ക്ക് ഇ​ത്ര വ​ലി​യ പ​ണി​ത്തി​ര​ക്ക് എ​ന്ന​ല്ലേ. അ​ധ്യാ​പ​ന​ത്തി​നൊ​പ്പം പ​ശു വ​ള​ർ​ത്ത​ലും പ​ച്ച​ക്ക​റി കൃ​ഷി​യും തു​ട​ങ്ങി​യ​തോ​ടെ​യാ​ണു ടീ​ച്ച​ർ​ക്ക് സ​മ​യം തി​ക​യാ​തെ വ​ന്ന​ത്.

ഒ​ന്നും ര​ണ്ടും പ​ശു​ക്ക​ള​ല്ല, ഈ ​അ​ധ്യാ​പി​ക​യു​ടെ വീ​ടി​നോ​ട് ചേ​ർ​ന്ന തൊ​ഴു​ത്തി​ലു​ള്ള​ത്. മു​ന്തി​യ ഇ​നം 17 വ​ലി​യ പ​ശു​ക്ക​ളു​ണ്ട​വി​ടെ. തീ​രെ ചെ​റി​യ കി​ടാ​ക്ക​ളും അ​ല്പം മു​തി​ർ​ന്ന​വ​യു​മാ​യി ഒ​രു ഡ​സ​ൻ വേ​റെ​യും.

പു​ല​ർ​ച്ചെ ര​ണ്ട​ര​യ്ക്ക് എ​ണീ​റ്റ് തൊ​ഴു​ത്തു ക​ഴു​കി പ​ശു​ക്ക​ളെ കു​ളി​പ്പി​ച്ചാ​ണ് ടീ​ച്ച​റു​ടെ ദി​വ​സം ആ​രം​ഭി​ക്കു​ന്ന​ത്. തീ​റ്റ റെ​ഡി​യാ​ക്ക​ൽ, ക​റ​വ അ​തെ​ല്ലാം പി​ന്നാ​ലെ ചെ​യ്യ​ണം.

കൈ​കൊ​ണ്ടാ​ണ് ക​റ​വ. സ​ഹാ​യ​ത്തി​ന് ഇ​ത​ര സം​സ്ഥാ​ന​ക്കാ​ര​നാ​യ ഒ​രാ​ളു​ണ്ട്. ഒ​രു മ​ണി​ക്കൂ​ർ ക​റ​വ ക​ഴി​ഞ്ഞ് പാ​ൽ കു​പ്പി​ക​ളി​ലാ​ക്ക​ണം. അ​ര ലി​റ്റ​ർ, ഒ​രു ലി​റ്റ​ർ എ​ന്ന ക​ണ​ക്കി​ൽ 60 വീ​ടു​ക​ളി​ൽ പാ​ൽ എ​ത്തി​ക്കും.



ര​ണ്ടും മൂ​ന്നും കി​ലോ​മീ​റ്റ​ർ ദൂ​ര​ത്തു​ള്ള വീ​ടു​ക​ളി​ൽ സ്കൂ​ട്ട​റി​ലാ​ണ് പാ​ൽ വി​ത​ര​ണം. ബാ​ക്കി​യു​ള്ള പാ​ൽ മ​ന്പാ​ടു​ള്ള ക്ഷീ​ര സം​ഘ​ത്തി​ലും എ​ത്തി​ക്ക​ണം.

മ​ഴ, മ​ഞ്ഞ്, പു​ല​ർ​ച്ച​യു​ള്ള ത​ണു​പ്പ്, ത​ലേ ദി​വ​സ​ത്തെ ക്ഷീ​ണം അ​തൊ​ന്നും ഈ ​പാ​ൽ​ക്കാ​രി ടീ​ച്ച​ർ​ക്ക് ത​ട​സ​ങ്ങ​ള​ല്ല. ആ​റു​മ​ണി​യോ​ടെ പാ​ൽ വി​ത​ര​ണം ക​ഴി​ഞ്ഞ് വീ​ട്ടി​ലെ​ത്തും.

പി​ന്നെ തി​ടു​ക്ക​ത്തി​ൽ ഒ​രു​ങ്ങി ഏ​ഴ് മ​ണി​യോ​ടെ സ്കൂ​ളി​ലേ​ക്കു പു​റ​പ്പെ​ടും. തൃ​ശൂ​ർ ജി​ല്ല​യി​ലെ കു​ന്നം​കു​ള​ത്തി​ന​ടു​ത്തു​ള്ള എ​യ്ഡ​ഡ് സ്കൂ​ളി​ലാ​ണ് ജോ​ലി.

വീ​ട്ടി​ൽ നി​ന്നും 75 കി​ലോ​മീ​റ്റ​ർ ദൂ​രെ​യാ​ണു സ്കൂ​ൾ. നാ​ല് ബ​സ് മാ​റി ക​യ​റ​ണം. മൂ​ന്ന് മ​ണി​ക്കൂ​റെ​ങ്കി​ലും വ​രും യാ​ത്ര. ബ​സ് യാ​ത്ര​ക​ളി​ലാ​ണ് ഉ​റ​ക്കം.


ക്ഷീ​ണം കൂ​ടു​ത​ലു​ള്ള ദി​വ​സ​ങ്ങ​ളി​ൽ സ്ഥ​ലം എ​ത്തി​യാ​ൽ വി​ളി​ക്കാ​ൻ ക​ണ്ട​ക്ട​റെ ചു​മ​ത​ല​പ്പെടു​ത്തും. പാ​ഠ​പു​സ്ത​കത്തി​ലെ അ​റി​വി​ന​പ്പു​റം പ്രാ​യോ​ഗി​ക ജീ​വി​ത ത്തി​ലെ അ​നു​ഭ​വ​സ​ന്പ​ത്തുക​ൾ നി​റ​ഞ്ഞ ടീ​ച്ച​റു​ടെ ക്ലാ​സു​ക​ൾ കു​ട്ടി​ക​ൾ​ക്കും ഏ​റെ പ്രി​യ​പ്പെ​ട്ട​താ​ണ്.

സ്കൂ​ളി​ൽ നി​ന്നു തി​രി​ച്ചു വീ​ട്ടി ലെ​ത്തു​ന്പോ​ൾ രാ​ത്രി ഏ​ഴു ക​ഴി​യും. വീ​ട്ടി​ലെ​ത്തി​യാ​ലും വി​ശ്ര​മ​മി​ല്ല. പി​റ്റേ​ദി​വ​സം പാ​ൽ നി​റ​ക്കു​ന്ന​തി​നു​ള്ള കു​പ്പി​ക​ൾ ഇ​ളം ചൂ​ടു​വെ​ള്ള​ത്തി​ൽ ക​ഴു​കി വൃ​ത്തി​യാ​ക്ക​ണം.

പ​ശു​ക്ക​ളു​ടെ തീ​റ്റ​കാ​ര്യ​ങ്ങ​ൾ, തൊ​ഴു​ത്ത് ക്ലീ​നിം​ഗ്, വീ​ട്ടു​കാ​ര്യ​ങ്ങ​ൾ എ​ല്ലാ​യി​ട​ത്തും ക​ണ്ണെ ത്തി ​വ​രു​ന്പോ​ൾ രാ​ത്രി ഏ​റെ വൈ​കും. പ​ശു​ക്ക​ളോ​ടു​ള്ള ഇ​ഷ്ട കൂ​ടു​ത​ലാ​ണ് ഈ ​സാ​ഹ​സ​ത്തി​നെ​ല്ലാം ടീ​ച്ച​റെ പ്രേ​രി​പ്പി​ക്കു​ന്ന​ത്.

സ​ഹോ​ദ​ര​നും കു​ഴ​ൽ​മ​ന്ദം സി​എ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ്രി​ൻ​സി​പ്പ​ലു​മാ​യ കൃ​ഷ്ണ കു​മാ​റി​ന്‍റെ പി​ന്തു​ണ വ​ലി​യ പി​ൻ​ബ​ല​മാ​ണ്. തൃ​ശൂ​രി​ൽ താ​മ​സി​ക്കു​ന്ന കൃ​ഷ്ണ​കു​മാ​ർ ഇ​ട​യ്ക്കി​ടെ ഇ​വി​ടെ​യെ​ത്തി സ​ഹോ​ദ​രി​യു​ടെ പ​ശു പ​രി പാ​ല​ന മു​റ​ക​ൾ നി​രീ​ക്ഷി​ക്കും.

18 ലി​റ്റ​ർ വ​രെ പാ​ൽ ചു​ര​ത്തു​ന്ന ന​ന്ദി​നി പ​ശു​വി​നോ​ടാ​ണു ടീ​ച്ച​ർ​ക്കു സ്നേ​ഹ കൂ​ടു​ത​ൽ. അ​വ​ൾ ഇ​പ്പോ​ൾ ഗ​ർ​ഭി​ണി​യാ​ണ്. മ​റ്റു പ​ശു​ക്ക​ളെ​ല്ലാം സ്ഥ​ല​നാ​മ​ങ്ങ​ളി​ലാ​ണ് അ​റി​യ​പ്പെ​ടുന്ന​ത്.

പ​ശു​വി​നെ വാ​ങ്ങു​ന്ന സ്ഥ​ലം പി​ന്നീ​ട് അ​വ​യു​ടെ പേ​രാ​യി മാ​റ്റും. തൊ​ഴു​ത്തു​ക​ളി​ൽ മ​തി​യാ​യ കാ​റ്റും വെ​ളി​ച്ച​വും ഫാ​ൻ ഉ​ൾ​പ്പെ​ടെ​യു​ള്ള സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്. ഇ​ട​ക്കി​ടെ തൊ​ഴു​ത്ത് അ​ണു​വി​മു​ക്ത മാ​ക്കും.

അ​വ​ധി ദി​വ​സ​ങ്ങ​ളി​ലാ​ണ് അ​ധി​ക ജോ​ലി​ക​ൾ ചെ​യ്യു​ക. ക്ഷീ​ര വി​ക​സ​ന വ​കു​പ്പി​ൽ നി​ന്നു തൊ​ഴു​ത്തു നി​ർ​മി​ക്കാ​ൻ കി​ട്ടി​യ അ​ര​ല​ക്ഷം രൂ​പ കൂ​ടി ഉ​പ​യോ​ഗി​ച്ചാ​ണ് മ​നോ​ഹ​ര മാ​ക്കി​യ​ത്.

കോ​വി​ഡ് മ​ഹാ​മാ​രി​യി​ൽ സ്കൂ​ളു​ക​ൾ​ക്ക് നീ​ണ്ട അ​വ​ധി​യാ​യ പ്പോ​ഴാ​ണ് ടീ​ച്ച​ർ പ​ശു​വ​ള​ർ​ത്ത​ൽ വി​പു​ലീ​ക​രി​ച്ച​ത്.

ഫോ​ണ്‍: 9961258843

ഫ്രാ​ൻ​സി​സ് ത​യ്യൂ​ർ
Copyright @ 2022 , Rashtra Deepika Ltd.