വീ​ടി​ന്‍റെ പ്ലാ​ൻ വ​ര​ച്ചു​തു​ട​ങ്ങും മു​ൻ​പേ വീ​ട്ട​മ്മ​മാ​രു​ടെ ആ​ശ​ങ്കയാ​ണ് അ​ടു​ക്ക​ള... ഇ​പ്പോ​ൾ അ​വ​ർ മാ​ത്ര​മ​ല്ല... മാ​സ്റ്റ​ർ ബെ​ഡ് റൂ​മി​നേ​ക്കാ​ൾ കു​ടും​ബം മൊ​ത്തം ചി​ന്തി​ക്കു​ന്ന​ത് അ​ടു​ക്ക​ള​യെ കു​റി​ച്ചാ​ണ്.

ഏ​റ്റ​വും കൂ​ടു​ത​ൽ ഇ​ന്‍റീ​രി​യ​ർ ഡി​സൈ​നു​ക​ളും പു​ത്ത​ൻ ട്രെ​ൻ​ഡു​ക​ളും പാ​കം ചെ​യ്യ​പ്പെ​ടു​ന്ന​തും അ​ഴ​കു​ള്ള അ​ടു​ക്ക​ള​യ്ക്ക് വേ​ണ്ടി​യാ​ണ്. അ​ടു​ക്ക​ള "​ത​ക​ർ​ത്താ​ൽ’ എ​ല്ലാം വൃ​ത്തി​യാ​യി എ​ന്ന തോ​ന്ന​ലാ​ണ് ഇ​പ്പോ​ൾ വീ​ടു​ക​ളു​ടെ കാ​ര്യ​ത്തി​ൽ വ​ന്ന ഏ​റ്റ​വും വ​ലി​യ മാ​റ്റം.

ഓ​രോ വീ​ടി​ന്‍റെ​യും ഐ​ശ്വ​ര്യ​മാ​ണ് അ​ടു​ക്ക​ള. ഭ​ക്ഷ​ണ​മു​ണ്ടാ​ക്കലും ​ക​ഴി​ക്ക​ലും ഒ​ത്തു​ചേ​ര​ലി​നു​മെ​ല്ലാം വേ​ദി​യാ​കു​ന്ന വീ​ടി​ന്‍റെ ഒ​രേ​യൊ​രു ഭാ​ഗം. കോ​വി​ഡും തു​ട​ർ​ന്നു​ണ്ടാ​യ ലോ​ക്ക്ഡൗ​ണും വ​ർ​ക്ക് അ​റ്റ് ഹോ​മു​മെ​ല്ലാം മ​ല​യാ​ളി​ക​ളെ അ​ടു​ക്ക​ള​യു​മാ​യി കൂ​ടു​ത​ല​ടു​പ്പി​ച്ചു.

മ​ന​സ് മാ​റു​ന്ന​തി​ന​നു​സ​രി​ച്ച് അ​ടു​ക്ക​ള​യി​ലും വി​പ്ല​വ​ക​ര​മാ​യ മാ​റ്റ​ങ്ങ​ളാ​ണ് പ്ര​ക​ട​മാ​യ​ത്. പു​ക​ഞ്ഞൊ​ടു​ങ്ങു​ന്ന യൗ​വ​ന​വും വ​ർ​ധ​ക്യ​വു​മെ​ല്ലാം അ​ടു​ക്ക​ള​യി​ൽ നി​ന്ന് അ​പ്ര​ത്യ​ക്ഷമാ​യി. ധ​രി​ച്ചി​രി​ക്കു​ന്ന വ​സ്ത്ര​ത്തി​ലെ ക​രി​യും ക​റ​യും പു​ര​ണ്ട് അ​ടു​ക്ക​ള​യി​ൽ നി​ന്നു വ​രു​ന്ന സ്ത്രീ​ക​ളും പു​തു​ത​ല​മു​റ​യ്ക്ക് അ​ന്യ​മാ​യി. അ​ടു​ക്ക​ള​യി​ൽ നി​ന്ന് അ​ര​ങ്ങ​ത്തേ​ക്കാ​യി​രു​ന്നു മ​ല​യാ​ളി മ​ങ്ക​മാ​രു​ടെ മു​ൻ യാ​ത്ര​ക​ളെ​ങ്കി​ൽ ഇ​ന്ന് സ്ഥി​തി മാ​റി. അ​ര​ങ്ങി​ൽ നി​ന്ന് അ​ടു​ക്ക​ള​യി​ലേ​ക്ക് എ​ത്താ​നാ​യി കൊ​തി​ക്കു​ന്ന ത​ല​മു​റ​യെ​യാ​ണ് ഇ​പ്പോ​ൾ കാ​ണാ​നാ​വു​ക. അ​ത്ര​ത്തോ​ളം ഭം​ഗി​യാ​യാ​ണ് അ​ടു​ക്ക​ള അ​ണി​യി​ച്ചൊ​രു​ക്കു​ന്ന​ത്.

ബെ​ഡ്റൂ​മി​നെ​ക്കാ​ളും ഡൈ​ന​റിം​ഗി​നേ​ക്കാ​ളു​മെ​ല്ലാം അ​ടു​ക്ക​ള​യ്ക്കാ​ണ് മൂ​ല്യ​മേ​റെ​യു​ള്ള​ത്. മ​റ്റൊ​ന്നും​കൊ​ണ്ട​ല്ല ഇ​ല​ക്ട്രോ​ണി​ക് വ​സ്തു​ക്ക​ളും ഷെ​ൽ​ഫു​ക​ളും ആ​ധു​നി​ക ഗൃ​ഹോ​പ​ക​ര​ണ​ങ്ങ​ളും അ​ടു​ക്ക​ള​യെ ഐ​ശ്വ​ര്യ​ത്തി​ന്‍റെ ക​ല​വ​റ​യാ​ക്കി മാ​റ്റി. കി​ച്ച​ണു​ക​ൾ പ​ല​ത​ര​ത്തി​ലാ​ണി​ന്ന് ഒ​രു​ക്കു​ന്ന​ത്. സ്ഥ​ല പ​രി​മി​തി​ക്ക​നു​സ​രി​ച്ച് അ​ടു​ക്ക​ള​യു​ടെ രൂ​പ​വും മാ​റ്റാം. അ​ത്ത​ര​ത്തി​ലു​ള്ള കി​ച്ച​ണു​ക​ളെ അ​ടു​ത്ത​റി​യാം.

വ​ണ്‍ വാ​ൾ കി​ച്ച​ണ്‍

ഏ​റ്റ​വും കു​റ​ഞ്ഞ സ്ഥ​ല​ത്തി​ന് അ​നു​യോ​ജ്യ​മാ​യ അ​ടു​ക്ക​ള​യാ ണി​ത്. ഒ​രാ​ൾ മാ​ത്രം ഉ​പ​യോ​ഗി​ക്കു​ന്ന ത​ര​ത്തി​ലാ​ണ് ഈ ​കി​ച്ച​ണു​ക​ൾ രൂ​പ​പ്പെ​ടു​ത്തു​ന്ന​ത്. ഏ​തെ​ങ്കി​ലും ഒ​രു ചു​മ​രി​ലേ കൗ​ണ്ട​ർ ഉ​ണ്ടാ​കു​ക​യു​ള്ളൂ. സി​ങ്കും ഫ്രി​ഡ്ജും കി​ച്ച​ൻ കൗ​ണ്ട​റും ഒ​രേ നി​ര​യി​ൽ സ്ഥാ​നം പി​ടി​ക്കു​ന്ന ത​ര​ത്തി​ൽ ചെ​റി​യ സ്പേ ​സി​ൽ ഒ​രു​ക്കാ​വു​ന്ന രീ​തി​യാ​ണി​ത്. സ്ട്രെ​യി​റ്റ് ലൈ​ൻ കി​ച്ച​ൻ എ​ന്നും ഇ​ത്ത​ര​ത്തി​ലു​ള്ള കി​ച്ച​ണു​ക​ളെ അ​റി​യ​പ്പെ​ടു​ന്നു.

കോ​റി​ഡോ​ർ കി​ച്ച​ണ്‍

അ​ടു​ക്ക​ള​യു​ടെ ര​ണ്ട​റ്റ​ങ്ങ​ളേ​യും ബ​ന്ധി​പ്പി​ച്ച് മ​ധ്യ​ഭാ​ഗ​ത്ത് തു​റ​സാ​യി കി​ട​ക്കും വി​ധ​ത്തി​ൽ നി​ർ​മി​ക്കു​ന്ന കി​ച്ച​ണു​ക​ളാ​ണ് കോ​റി​ഡോ​ർ കി​ച്ച​ണ്‍ അ​ഥ​വാ ഗാ​ലി കി​ച്ച​ണ്‍. വീ​തി കു​റ​ഞ്ഞ സ്ഥ​ല​ങ്ങ​ളി​ലാ​ണ് കൂ​ടു​ത​ലാ​യും കോ​റി​ഡോ​ർ കി​ച്ച​ണ്‍ ഒ​രു​ക്കു​ന്ന​ത്. നീ​ളം കൂ​ടു​ത​ലു​ള്ള​തി​നാ​ൽ ധാ​രാ​ളം സാ​ധ​ന​ങ്ങ​ൾ സ്റ്റോ​ർ ചെ​യ്തു സൂ​ക്ഷി​ക്കാ​മെ​ന്ന​താ​ണ് ഇ​തി​ന്‍റെ പ്ര​ത്യേ​ക​ത. ഒ​രു കൗ​ണ്ട​ർ ടോ​പ്പി​ൽ സി​ങ്കും കി​ച്ച​ൻ കൗ​ണ്ട​റും എ​തി​ർ​വ​ശ​ത്തെ കൗ​ണ്ട​ർ​ടോ​പ്പി​ൽ ഫ്രി​ഡ്ജും സ്ഥാ​നം​പി​ടി​ക്കു​ന്ന ത​ര​ത്തി​ലാ​ണ് രൂ​പ​ക​ൽ​പ​ന.

എ​ൽ ഷേ​പ്പ് കി​ച്ച​ണ്‍

ചെ​റി​യ​തും മീ​ഡി​യം സൈ​സി​ൽ ഉ​ള്ള​തു​മാ​യ വീ​ടു​ക​ളി​ൽ എ​ൽ ഷേ​പ്പി​ൽ കൗ​ണ്ട​റു​ക​ൾ ചെ​യ്യു​ന്ന​താ​ണ് ഉ​ചി​തം. ഒ​രു കൗ​ണ്ട​ർ ടോ​പ്പി​ൽ സി​ങ്കും കി​ച്ച​ൻ കൗ​ണ്ട​റും സെ​റ്റ് ചെ​യ്താ​ൽ ര​ണ്ടാ​മ ത്തെ ​കൗ​ണ്ട​ർ​ടോ​പ്പി​ൽ ഫ്രി​ഡ്ജി​ന് സ്ഥാ​നം ന​ൽ​കാം. ഒ​രു വ​ശ ത്ത് ​പാ​ച​കം ചെ​യ്യാ​നും മ​റു​ഭാ​ഗ​ത്ത് ക്ലീ​നിം​ഗ് ചെ​യ്യാ​നും ഈ ​കി​ച്ച​ണി​ൽ സാ​ധി​ക്കും. സ്റ്റോ​റേ​ജി​നു​ള്ള ക്യാ​ബി​നു​ക​ൾ സെ​റ്റ് ചെ​യ്യാ​നും എ​ൽ ഷേ​പ്പ് കി​ച്ച​ണ്‍ സൗ​ക​ര്യ​പ്ര​ദ​മാ​ണ്.


യു ​ഷേ​പ്പ് കി​ച്ച​ണ്‍

ര​ണ്ട് പാ​ര​ല​ൽ ചു​മ​രു​ക​ളും ഇ​വ​യെ സം​ബ​ന്ധി​ക്കു​ന്ന ചു​മ​രി നെ​യും ചേ​ർ​ത്ത് മൂ​ന്നു വ​ശം കൗ​ണ്ട​ർ ഉ​ള്ള രീ​തി​യി​ലാ​ണ് യു​ഷേ​പ്പ് കി​ച്ച​ണ്‍ ഒ​രു​ക്കു​ന്ന​ത്. അ​ടു​ക്ക​ള​യി​ലെ സ്ഥ​ല​വി​സ്തൃ​തി കു​റ​ഞ്ഞ​താ​യാ​ലും കൂ​ടി​യ​താ​യാ​ലും യോ​ജി​ക്കു​ന്ന ഡി​സൈ​നാ ണി​ത്. സ്റ്റോ​റേ​ജി​നു വേ​ണ്ട​ത്ര സ്ഥ​ലം, ഒ​രേ സ​മ​യം ഒ​ന്നി​ൽ കൂ​ടു​ത​ൽ പേ​ർ​ക്ക് പാ​ച​കം​ചെ​യ്യാ​നു​ള്ള സൗ​ക​ര്യം എ​ന്നി​വ യു​ഷേ​പ്പ് കി​ച്ച​ണു​ക​ളു​ടെ പ്ര​ത്യേ​ക​ത​ക​ളാ​ണ്.

ഐ​ല​ന്‍റ് കി​ച്ച​ണ്‍

ജ​ലാ​ശ​യ​ങ്ങ​ൾ​ക്കു ന​ടു​വി​ലു​ള്ള ദ്വീ​പു​ക​ൾ​ക്ക് സ​മാ​ന​മാ​യ രീ​തി​യി​ൽ ത​യാ​റാ​ക്കു​ന്ന അ​ടു​ക്ക​ള​യാ​ണ് ഐ​ല​ന്‍റ് കി​ച്ച​ണ്‍. അ​ടു​ക്ക​ള​യു​ടെ ന​ടു​വി​ൽ എ​ല്ലാ ഭാ​ഗ​ത്തു​നി​ന്നും ഉ​പ​യോ​ഗി​ക്കാ​ൻ പ​റ്റു​ന്ന രീ​തി​യി​ലാ​ണി​ത് ഒ​രു​ക്കു​ന്ന​ത്. ന​ല്ല വി​സ്തൃ​തി​യു​ള്ള അ​ടു​ക്ക​ള​ക​ൾ​ക്ക് യോ​ജി​ക്കു​ന്ന​താ​ണ് ഈ ​ശൈ​ലി. സ്റ്റൗ ​ഉ​ൾ​പ്പെ​ട്ട കി​ച്ച​ൻ​കൗ​ണ്ട​ർ അ​ടു​ക്ക​ള​യു​ടെ മ​ധ്യ​ത്താ​യ​തി​നാ​ൽ ഇ​രു​വ​ശ​ത്തു നി​ന്ന് പാ​ച​കം ചെ​യ്യാ​മെ​ന്ന​താ​ണ് ഏ​റ്റ​വും പ്ര​ധാ​നം. സാ​ധാ​ര​ണ യി​ൽ കൂ​ടു​ത​ലാ​യി കൗ​ണ്ട​ർ​ടോ​പ്പും ഭ​ക്ഷ​ണ​മു​ണ്ടാ​ക്കാ​നു​ള്ള ഭാ​ഗ​വും ഈ ​കി​ച്ച​ണി​ൽ ഉ​ണ്ടാ​വും.

ഓ​പ്പ​ണ്‍ കി​ച്ച​ണ്‍


പാ​ർ​ട്ടീ​ഷ​നു​ക​ളി​ല്ലാ​തെ തി​ക​ച്ചും ഓ​പ്പ​ണ്‍ ഫീ​ൽ ന​ൽ​കു​ന്ന കി​ച്ച​ണു​ക​ളാ​ണി​ത്. ഡൈ​നിം​ഗ് റൂ​മി​ന്‍റെ​യും കി​ച്ച​ണി​ന്‍റെ​യും ഇ​ട​യി​ൽ വ​രു​ന്ന ചു​മ​ർ ഒ​ഴി​വാ​ക്കി അ​വി​ടെ ബ്രേ​ക്ക്ഫാ​സ്റ്റ് ടേ​ബി​ൾ വ​ച്ച് സെ​റ്റു ചെ​യ്യു​ന്നു. ഈ ​തു​റ​ന്ന അ​ടു​ക്ക​ള അ​ക​ത്ത​ള ത്തി​ന് യൂ​റോ​പ്യ​ൻ സ്റ്റൈ​ൽ ന​ൽ​കു​ന്നു. വീ​ടി​ന്‍റെ വ​ലു​പ്പം ന​ന്നാ​യി തോ​ന്നി​ക്കാ​നും ന​ല്ല​താ​ണി​ത്.

കോ​ണ്‍​ക്രീ​റ്റ് സ്ലാ​ബു​ക​ളോ​ട് ഗു​ഡ് ബൈ

​കോ​ണ്‍​ക്രീ​റ്റ് സ്ലാ​ബു​ക​ൾ ആ​വ​ശ്യ​മി​ല്ലാ​ത്ത ത​ര​ത്തി​ലാ​ണ് ഇ​ന്നത്തെ ​അ​ടു​ക്ക​ള ഒ​രു​ക്കു​ന്ന​ത്. മോ​ഡു​ലാ​ർ കി​ച്ച​ണു​ക​ൾ​ക്ക് ഇ​തി​ന്‍റെ ആ​വ​ശ്യ​മി​ല്ല. നി​ർ​മ്മാ​ണ സ​മ​യ​ത്ത് നാ​ലു ചു​മ​രു​ക​ൾ ചെ​യ്ത് പ്ലാ​സ്റ്റ​റിം​ഗ് പൂ​ർ​ത്തി​യാ​ക്കു​ന്ന അ​ടു​ക്ക​ള ഇ​ന്‍റീ​രി​യ​ർ വ​ർ​ക്കി​ന്‍റെ ഭാ​ഗ​മാ​യാ​ണ് മോ​ഡു​ലാ​ർ കി​ച്ച​ണാ​ക്കി മാ​റ്റു​ന്ന​ത്.

മു​ൻ കാ​ല​ങ്ങ​ളി​ൽ മ​ര​ത്തി​ലും സി​ന്‍റ​ക്സി​ലും പ്ലൈ​വു​ഡി​ലും എം​ഡിഎ​ഫി​ലും നി​ർ​മ്മി​ച്ചി​രു​ന്ന കി​ച്ച​ണ്‍ കാ​ബി​ന​റ്റു​ക​ൾ ഇ​ന്ന് മ​ൾ​ട്ടി​വുഡി​ലും, സ്റ്റെ​യി​ൻ​ല​സ് സ്റ്റീ​ലി​ലു​മെ​ല്ലാ​മാ​ണ് നി​ർ​മ്മി​ക്കു​ന്ന​ത്. മ​ൾ​ട്ടി​വു​ഡ് ന​ന​ഞ്ഞാ​ൽ കേ​ടു​വ​രി​ല്ല എ​ന്ന​തു​കൊ​ണ്ടു​ത​ന്നെ ഇ​ത് വ്യാ​പ​ക​മാ​യി ഉ​പ​യോ​ഗി​ച്ചു​വ​രു​ന്നു.

ബോ​ക്സ് ഉ​ണ്ടാ​ക്കി മു​ക​ളി​ൽ ഗ്രാ​നൈ​റ്റോ, നാ​നോ വൈ​റ്റോ, മാ​ർ​ബി​ളോ പ​തി​പ്പി​ച്ചാ​ൽ കൗ​ണ്ട​ർ ആ​യി. ഈ ​ബോ​ക്സി​ന്‍റെ പു​റം ഭാ​ഗം എ​ൻ​സി​പു​ട്ടി ഉ​പ​യോ​ഗി​ച്ച് പെ​യി​ന്‍റ് ചെ​യ്തോ മൈ​ക്ക, വെ​നീ​ർ, അ​ക്ര​ലി​ക് ഷീ​റ്റ് എ​ന്നി​വ ഉ​പ​യോ​ഗി​ച്ചോ ഫി​നി​ഷ് ചെ​യ്യു​ന്നു. ചെ​റി​യ ഹാ​ൻ​ഡി​ൽ ഒ​ഴി​വാ​ക്കി ഫു​ൾ ലെ​ങ്ത്ത് അ​ലൂ​മി​നി​യം സ്റ്റീ​ൽ പ്രൊ​ഫൈ​ലു​ക​ൾ ചെ​യ്യു​ന്നു. ബോ​ക്സു​ക​ൾ​ക്കു​ള്ളി​ൽ ധാ​രാ​ളം സ്റ്റോ​റേ​ജ് സൗ​ക​ര്യം ഉ​ള്ള​തി​നാ​ൽ സ്റ്റോ​ർ മു​റി​യു​ടെ ആ​വ​ശ്യ​വും വ​രു​ന്നി​ല്ല.

ത​യാ​റാ​ക്കി​യ​ത്- കെ. ​ഷി​ന്‍റു​ലാ​ൽ