ബാംബൂ കർട്ടണ് 
വീടിന്റെ അകത്തും പുറത്തും ഉപയോഗിക്കാനാവുമെങ്കിലും സിറ്റൗട്ടുകളിലാണ് ഇത്തരം കർട്ടണുകൾ ഏറ്റവുമധികം ഉപയോഗിക്കുന്നത്. സ്ക്വയർഫീറ്റിന് 90 മുതൽ 100 വരെ രൂപ നിരക്കിലാണ് ബാംബൂ കർട്ടണുകൾക്ക് വില.
ബജറ്റ് മൂന്ന് ജാലകങ്ങളുള്ള ജനലിന് മൂന്ന് പീസ് തുണിയും ഒരു പൈപ്പും പണിക്കൂലിയുമടക്കം 900 രൂപയ്ക്ക് ചെയ്തെടുക്കുന്ന സാധാരണ കർട്ടണുകൾ മുതൽ പ്രഫഷണൽ ലുക്ക് നൽകുന്ന ഒരു പീസിന് 1500 മുതൽ 5000 വരെ രൂപ വരുന്ന കർട്ടണുകൾ വരെയാണ് ഇപ്പോൾ ആവശ്യക്കാർ ചോദിച്ചു വാങ്ങുന്നത്. ഓരോരുത്തരുടെയും താൽപര്യങ്ങൾക്കനുസരിച്ച് കർട്ടണുകൾ തെരഞ്ഞെടുക്കുന്നതാണ് നല്ലതെന്ന് ഈ രംഗത്ത് പ്രവർത്തിക്കുന്നവർ പറയുന്നു.
വാൾ പേപ്പറുകൾ 
കർട്ടണുകൾക്കൊപ്പം മുറികൾ അലങ്കരിക്കാൻ ഇപ്പോൾ വാൾ പേപ്പറുകളും ഉപയോഗിക്കുന്നുണ്ട്. ഒരു ചുമരിൽ ഒട്ടിക്കാൻ ഏകദേശം രണ്ട് റോൾ മതിയാകും. ഒരു റോളിന് ഓണ്ലൈനുകളിൽ 250 രൂപ മുതലും ബ്രാൻഡ് മാറുന്നതിനനുസരിച്ച് 3000 രൂപ വരെ വിപണിയിലും ലഭ്യമാണ്.
തെരഞ്ഞെടുക്കാം നിറം നോക്കി ഓരോരുത്തരുടെയും ഇഷ്ടാനുസരണം കർട്ടണുകളുടെ നിറം തെരഞ്ഞെടുക്കുന്നതാണ് നല്ലതെങ്കിലും വർണ വൈവിധ്യത്തിനപ്പുറം ഓരോ നിറങ്ങളുടെയും പ്രത്യേകത കർട്ടണുകൾ തെരഞ്ഞെടുക്കുന്പോൾ ശ്രദ്ധിക്കേണ്ടതുണ്ട്.
മണ്ണിന്റെ നിറം ചിലർക്ക് മണ്ണിന്റെ നിറം ഇഷ്ടമായിരിക്കും. കാണാനഴകുള്ളതാണ് മണ് നിറം. ഇളം തവിട്ടുനിറമാണ് ചുവരുകൾക്കെങ്കിൽ കർട്ടണുകൾക്ക് മണ്ണിന്റെ നിറം നൽകിയാൽ കാണാൻ നല്ല ചന്തമുണ്ടായിരിക്കും. ലളിതമായ കർട്ടണുകൾക്ക് പകരം അലങ്കരിച്ച കർട്ടണുകളായിരിക്കും നല്ലത്.
ചുവപ്പ് പ്രകാശമയമായും മനോഹരമായതുമായ കാഴ്ച നൽകുന്നവയായിരിക്കും ചുവന്ന കർട്ടണുകൾ. ശൈത്യകാലത്തിനു പറ്റിയ നിറം. തണുപ്പിനെ നേരിടാൻ പറ്റിയ ആവരണം.
മഞ്ഞ നിറം ആർക്കും പെട്ടെന്ന് പിടിനൽകാത്തതും അഴകുള്ളതുമാണ്. ചുവരുകൾക്കു ഭംഗിയും നൽകും. ആവശ്യത്തിനു വെളിച്ചം മുറിക്കുള്ളിലേയ്ക്കു കടത്തിവിടുകയും ചെയ്യും. ചുവരിനും നിലത്തിനും യോജിക്കുമോ എന്നു കൂടി നോക്കണം.
ഓറഞ്ച് ശൈത്യകാലത്തിനു തീർത്തും അനുയോജ്യമായ നിറം. വീടിന് ആധുനിക ലുക്കു കിട്ടുകയും ചെയ്യും. നല്ല ശോഭയാർന്ന നിറമായതിനാൽ വീടിന്റെ സൗന്ദര്യം കൂട്ടും.
ബോൾഡ് കളറുള്ള കർട്ടണുകൾ അലങ്കരിക്കാത്ത ചുവരുകളാണ് നിങ്ങളുടെ വീടിനെങ്കിൽ, മങ്ങിയ കാഴ്ചയാണെങ്കിൽ ബോൾഡ് കളേർഡ് കർട്ടണുകളായിരിക്കും ഉചിതം. ചുവരുകളുടെ യഥാർഥ ഭംഗി പുറത്തുകൊണ്ടു വരാൻ ഇവ സഹായിക്കും.
കരിഞ്ചുവപ്പ് വീട്ടിലെ മര ഉപകരണങ്ങളോടു സാദൃശ്യപ്പെട്ടു നിൽക്കുന്ന നിറമായിരിക്കും കരിഞ്ചുവപ്പ്. മുറിയിലെ വെളിച്ചവും കർട്ടണ് നിറവും കൂടി മുറിയുടെ സൗന്ദര്യം വർധിപ്പിക്കും.
വിന്റർ ബ്ലൂ ശൈത്യകാലത്തിന് അനുയോജ്യമായ നിറമാണ് നീല. വീടിന്റെ അലങ്കാരത്തിനു നല്ല ഭംഗി നൽകും ഈ നിറം. ലിവിംഗ്റൂമിനും ഡൈനിംഗ് റൂമിനും പറ്റിയ കർട്ടണ് നിറം. ഡ്രോയിംഗ് മുറിയിലും കുട്ടികളുടെ മുറിയിലും വേറെ നിറങ്ങളായിരിക്കും നല്ലത്.
കർട്ടണ് ഇടുന്നതിനു മുന്പ് ശ്രദ്ധിക്കാം പലപ്പോഴും വീട്ടിലെ കർട്ടണ് തിരഞ്ഞെടുക്കുന്പോൾ ചിലർക്കെങ്കിലും തങ്ങളുടെ കണക്കുകൂട്ടലുകൾ തെറ്റാറുണ്ടെന്നതാണ് സത്യം. ശരിയായ കർട്ടണ് തിരഞ്ഞെടുക്കാൻ നിരവധി കാര്യങ്ങൾ പരിഗണിക്കേണ്ടതുണ്ട്.
1. ഉയരം ഒരു കർട്ടണ് സിലക്ട് ചെയ്യുന്പോൾ ആദ്യം പരിഗണിക്കേണ്ട കാര്യം അതിന്റെ ഉയരമാണ്. ജനാലയുടെയോ വാതിലിന്റെയോ മുകളിൽ നിന്നു തുടങ്ങി തറയിൽ നിന്ന് ഒരൽപ്പം പൊങ്ങി നിൽക്കുന്ന രീതിയിലായിരിക്കണം. ഒരു ട്രഡിഷണൽ ലുക്ക് കിട്ടാൻ വേണ്ടി തറയിലേക്കു ഞാന്ന് കിടക്കുന്ന കർട്ടണും തിരഞ്ഞെടുക്കാം. ഇനി നിങ്ങളുടെ ജനാലയുടെ ഉയരം കൂടുതൽ തോന്നിക്കണമെങ്കിൽ കർട്ടന്റെ മുകൾ വശത്തെ നീളത്തിൽ കുറച്ച് അധികം കരുതാം.
2. നിറം മുറിയിലെ പെയിന്റിംഗിന്റെ നിറത്തിന് അനുസരിച്ചാ യിരിക്കണം കർട്ടണ് തിരഞ്ഞെടുക്കേണ്ടത്. പെയിന്റിംഗിന്റെ നിറവുമായി ചേർന്നു പോകുന്നതല്ലെങ്കിൽ കൂടി എല്ലാ മുറിയിലും ഒരേ തീമിലുള്ള കർട്ടണ് തിരഞ്ഞടുക്കുന്നതാണ് നല്ലത്. കടും നിറത്തിലുള്ള കർട്ടണ് ഉപയോഗിക്കുന്നതായിരിക്കും നല്ലത്.
3. തുണി വളരെ വേഗത്തിൽ മാറ്റാൻ കഴിയുന്നവയാണ് കർട്ടന്റെ തുണി. അതുകൊണ്ടു വർഷത്തിലൊരിക്കൽ കർട്ടണ് മാറ്റുന്നത് നല്ലതായിരിക്കും. അതു മുറിയ്ക്കു നല്ല ഫ്രഷ്നസും വൃത്തിയും നൽകും. എന്നാൽ ഇങ്ങനെ മാറ്റാൻ താൽപര്യമില്ലെങ്കിൽ നല്ല മെറ്റീരിയൽ തന്നെ ഉപയോഗിക്കണം. അധികം കട്ടിയില്ലാത്ത തുണിയാണ് വേണ്ടതെങ്കിൽ ലിനനോ കോട്ടണോ തിരഞ്ഞെ ടുക്കാം. ഇനി കട്ടിയുള്ളതിനോടാണു താൽപര്യമെങ്കിൽ തുകലോ വെൽവെറ്റോ എടുക്കാം.
4. ഏതു വേണം ഇപ്പോൾ വിപണിയിൽ നിരവധി സ്റ്റൈലുകളിലുള്ള കർട്ട ണുകൾ ലഭ്യമാണ്. പ്ലീറ്റഡ് കർട്ടണ്, സ്കാലപ്, പെൽമറ്റ്, വാലൻസ് കർട്ടണുകൾ, നൂൽ കർട്ടണുകൾ, ലൂപ്പ് കർട്ടണുകൾ, ബ്ലൈൻഡുകൾ, ബാംബൂ കർട്ടണുകൾ എന്നിവയിൽ നിന്നും വീടിന് അനുയോജ്യമായതു തിരഞ്ഞെടുക്കുക.
5. സ്വകാര്യതയും വെളിച്ചവും മുറിയിൽ കർട്ടണ് ഇടുന്നതിന്റെ പ്രധാന ലക്ഷ്യം സ്വകാര്യ തയാണ്. രണ്ടിടങ്ങളെ തമ്മിൽ മറയ്ക്കാനാണ് കർട്ടണെങ്കിലും ഇവ തമ്മിൽ ഒരു ബന്ധവുമില്ലെന്ന തോന്നൽ ഉണ്ടാകരുത്. ആവശ്യത്തിന് വെളിച്ചം കിട്ടുന്ന കട്ടികുറഞ്ഞ കർട്ടണുകളാ യിരിക്കും നല്ലത്. ഇനി സ്വകാര്യതയ്ക്ക് മുൻതൂക്കം നൽകുന്നവരാണെങ്കിൽ കട്ടികൂടിയ കർട്ടണുകൾ തന്നെ വാങ്ങാം.
ആദിൽ മുഹമ്മദ് വിവരങ്ങൾക്ക് കടപ്പാട്: ജനോല കർട്ടണ്സ്, നെല്ലാങ്കണ്ടി, വാവാട്, കൊടുവള്ളി, കോഴിക്കോട്.