വിൽപ്പന 70 ലക്ഷം പിന്നിട്ട് ഹോണ്ട സിബി ഷൈൻ : Deepika.com Auot Spot News

ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യയുടെ ഹോണ്ടയുടെ സിബി ഷൈൻ മോട്ടോർസൈക്കിൾ ഉപഭോക്താക്കളുടെ എണ്ണം 70 ലക്ഷം കടന്നു.

125 സിസി മോട്ടോർസൈക്കിളിൽ ഇന്ത്യയിലെ നന്പർ വണ്‍ വിൽപ്പന ബ്രാൻഡായ സിബി ഷൈൻ രാജ്യത്ത് ഏറ്റവും കൂടുതൽ വിൽക്കുന്ന മോട്ടോർസൈക്കിളുകളിൽ ആദ്യ നാലു സ്ഥാനങ്ങളിൽ ഉൾപ്പെടുന്നു. ഷൈൻ ശ്രേണിയുമായി ഹോണ്ട 125സിസി വിപണിയുടെ 51 ശതമാനം കയ്യടക്കുന്നു. ഈ വിഭാഗത്തിന് മൊത്തത്തിൽ രണ്ടു ശതമാനം ഇടിവുണ്ടായപ്പോൾ ഹോണ്ട 10 ശതമാനം വളർച്ച നേടിയെന്ന് ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ സെയിൽസ്-മാർക്കറ്റിങ് സീനിയർ വൈസ് പ്രസിഡന്‍റ് യാദ്വീന്ദർ സിംഗ് ഗുലേരിയ പറഞ്ഞു.

ഹോണ്ട ഷൈൻ 2018 പതിപ്പിന് ചില പുതുക്കലുകളും വരുത്തിയിട്ടുണ്ട്. 124.73 സിസി എയർകൂൾഡ്, സിംഗിൾ സിലിണ്ടർ എഞ്ചിൻ, 7500 ആർപിഎമ്മിൽ 10.16 ബിഎച്ച്പി ശക്തി പകരും. സിബി ഷൈൻ ആറു നിറങ്ങളിൽ ലഭ്യമാണ്. പുതിയ ഗ്രാഫിക്കുകളും പ്രീമിയം 3ഡി എംബ്ലവും നവ കാഴ്ച തരുന്നു.

ഹോണ്ട ജോയ് ക്ലബ്’ രജിസ്ട്രേഷൻ: ഉപഭോക്താക്കളോടുള്ള കടപ്പാടിന്‍റെ ഭാഗമായി ഹോണ്ട ടൂവീലേഴ്സ് ആരംഭിച്ച നൂതന പരിപാടിയായ ഹോണ്ട ജോയ് ക്ലബ്’ അവതരിപ്പിച്ച് ഒരു മാസം തികയും മുന്പ് രജിസ്ട്രേഷൻ ഒരു ലക്ഷം പിന്നിട്ടു.

നിലവിലുള്ളതും പുതിയതായി വരുന്നവരുമായ ഹോണ്ട ടൂ വീലർ ഉപഭോക്താക്കൾക്ക് ഒട്ടേറെ നേട്ടങ്ങൾ ലഭിക്കുന്നതാണ് ഹോണ്ട ജോയ് ക്ലബ്. നവംബർ 30വരെ സൗജന്യമായി ഈ രജിസ്ട്രേഷൻ തുടരും. ഹോണ്ട ബ്രയോ കാറും ഹോണ്ട അമേസും സമ്മാനമായി നൽകുന്ന മഹാ ജോയ്, ബന്പർ ജോയ് എന്നിവ ഉൾപ്പെടുന്ന വിംഗ്സ് ഓഫ് ജോയ് എന്ന പരിപാടിയും ഹോണ്ട അവതരിപ്പിച്ചിട്ടുണ്ടെന്നും ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ സെയിൽസ് ആൻഡ് മാർക്കറ്റിങ് സീനിയർ വൈസ് പ്രസിഡന്‍റ് യാദ്വീന്ദർ സിംഗ് ഗുലേരിയ പറഞ്ഞു.