Youth
ഷീബ വിരൽതൊടുന്പോൾ ചുവരുകളിൽ ജീവൻതുടിക്കും..!
ഷീബ വിരൽതൊടുന്പോൾ ചുവരുകളിൽ ജീവൻതുടിക്കും..!
Saturday, February 25, 2023 5:20 PM IST
അ​മ്പ​ല​പ്പു​ഴ: ചു​വ​രു​ക​ളി​ല്‍ ചാ​യം ചാ​ലി​ച്ച് ചി​ത്രം വ​ര​ച്ച് ജീ​വി​തമെഴുതുക​യാ​ണ് ഷീ​ബ. ക​ഞ്ഞി​ക്കു​ഴി പ​ഞ്ചാ​യ​ത്ത് നാ​ലാം വാ​ർ​ഡി​ൽ ല​ക്ഷ്മി​നി​വാ​സി​ൽ ജോ​ഷി​യു​ടെ ഭാ​ര്യ​യാ​ണ് ചായ​ക്കൂ​ട്ടി​ലൂ​ടെ ജീ​വി​ത മാ​ർ​ഗം തേ​ടു​ന്ന​ത്. മു​ഹ​മ്മ, ക​ഞ്ഞി​ക്കു​ഴി, മാ​രാ​രി​ക്കു​ളം തു​ട​ങ്ങി​യ​യി​ട​ങ്ങ​ളി​ൽ ഷീ​ബ​യു​ടെ നി​റ​ക്കൂ​ട്ട് പ​തി​യാ​ത്ത ചു​വ​രു​ക​ൾ കു​റ​വാ​ണ്. ഷീ​ബ​യോ​ടെ​പ്പം ജാേ​ഷി​യും മ​ക്ക​ളാ​യ സ്വാ​തി​ല​ക്ഷ്മി​യും ശ്രു​തി ല​ക്ഷ്മി​യും  ഉ​ണ്ടാ​വും.

സ്കൂ​ൾ അ​വ​ധി ദി​വ​സ​ങ്ങ​ളി​ൽ മാ​ത്ര​മാ​ണ് മ​ക്ക​ളെ​യും കൂ​ട്ടു​ന്ന​ത്. ചാ​ര​മം​ഗ​ലം ഡി.​ബി എ​ച്ച്എ​സി​ലെ എ​ട്ടാം ക്ലാ​സ് വി​ദ്യാ​ർ​ത്ഥി​യാ​ണ് സ്വാ​തി​ല​ക്ഷ്മി. ഇ​തേ സ്കൂ​ളി​ലെ ഒ​ന്നാം ക്ലാ​സി​ൽ പ​ഠി​ക്കു​ക​യാ​ണ് ശ്രു​തി ല​ക്ഷ്മി.

മ​റ്റ് ജി​ല്ല​ക​ളി​ലും ചു​വ​രുകളിൽ ​ചി​ത്ര​ങ്ങ​ൾ വ​ര​യ്ക്കാ​ൻ പോ​കാ​റു​ണ്ട്. പാ​ല​ക്കാ​ട് ജി​ല്ല​യി​ൽ പ​ത്തോ​ളം അങ്കണവാടിക​ൾ സ്​മാ​ർ​ട്ടാ​ക്കി​യ​തി​നു പി​ന്നി​ൽ ഷീ​ബ​യു​ടെ ജീ​വ​ൻ​തു​ടി​ക്കു​ന്ന ചി​ത്ര​ങ്ങ​ൾ​ക്കും പ​ങ്കു​ണ്ട്. അ​വി​ടെ ദി​വ​സ​ങ്ങ​ളോ​ളം കു​ടും​ബ​സ​മേ​തം താ​മ​സി​ച്ചാ​ണ് ചു​വ​രു​ക​ൾ​ക്ക് ജീ​വ​ൻ ന​ൽ​കി​യ​ത്.


 
വേ​ന​ൽ ക​ടു​ത്ത​തോ​ടെ കു​ടി​വെ​ള്ളം പാ​ഴാ​ക്ക​രു​തെ​ന്ന ബോ​ധ​വ​ത്ക്ക​ര​ണ​മാ​ണ​വു​മാ​യ​ണ് ഷീ​ബ അ​മ്പ​ല​പ്പു​ഴ​യി​ൽ എ​ത്തി​യ​ത്. ഇ​തി​ന്‍റെ ഭാ​ഗ​മാ​യി ക​ഴി​ഞ്ഞ ദി​വ​സം ത​ക​ഴി​യി​ൽ ചു​വ​ർ​ചി​ത്ര​ങ്ങ​ൾ  വ​ര​ച്ചി​രു​ന്നു. ബോ​ധ​വ​ത്ക​ര​ണ​ത്തി​ന്‍റെ ഭാ​ഗ​മാ​യി  വെ​ള്ളി​യാ​ഴ്ച അ​മ്പ​ല​പ്പു​ഴ​യി​ലും ഷീ​ബ എ​ത്തി. അ​മ്പ​ല​പ്പു​ഴ വ​ട​ക്ക് പ​ഞ്ചാ​യ​ത്ത് ശി​ശു​വി​ഹാ​റി​ന്‍റെ മ​തി​ലി​ലും മെ​ഡി​ക്ക​ൽ​കോ​ളേ​ജ് ആ​ശു​പ​ത്രി​യു​ടെ സ​മീ​പ​ത്തും ചു​വ​രു​ക​ളി​ൽ കു​ടി​വെ​ള്ള​ത്തി​നാ​യി കേ​ഴു​ന്ന​വരു​ടെ ദ​യ​നീ​യ​മു​ഖം ഷീ​ബ​യു​ടെ ക​ര​വി​രു​തി​ൽ പ​തി​ഞ്ഞു.​

ജ​ൽ​ജീ​വ​ൻ പ​ദ്ധ​തി​യു​ടെ ഭാ​ഗ​മാ​യി വെ​ള്ളം പാ​ഴാ​ക്ക​രു​തെ​ന്ന ആ​ശ​യ​വു​മാ​യി ഷീ​ബ​യും ഭ​ർ​ത്താ​വ് ജോ​ഷി​യും എ​ത്തി​യ​ത്. പെ​യിന്‍റിംഗ് ജോ​ലി​ക​ളാ​ണ് ജോ​ഷി ചെ​യ്യു​ന്ന​ത്. ചു​വ​രു​ക​ൾ വെ​ള്ള​പൂ​ശി അ​നു​യോ​ജ്യ​മാ​യ നി​റ​ങ്ങ​ൾ പ​ക​ർ​ന്നു​ക​ഴി​ഞ്ഞാ​ൽ അ​ടു​ത്ത ഊ​ഴം ഷീ​ബ​യു​ടേ​താ​ണ്.
 
പേ​ന​യും പെ​ൻ​സി​ലും ഉ​പ​യോ​ഗി​ച്ച് ചി​ത്രം വ​ര​ച്ചി​രു​ന്ന ഷീ​ബ കോ​വി​ഡ് കാ​ല​ത്താ​ണ് ചു​വ​രിലെ ​ചി​ത്ര​ംവരയിലേ ക്ക് എ​ത്തു​ന്ന​ത്. വീ​ടി​നു​ള്ളി​ൽ ക​ഴി​ച്ചു​കൂ​ട്ടു​ന്ന​തി​നി​ടെ നേ​രം​പോ​ക്കി​നാ​യി തു​ട​ങ്ങി​വെ​ച്ച​താ​ണ്. അതു പി​ന്നീ​ട് ഇ​വ​രു​ടെ ജീ​വി​ത​ത്തി​ന് നി​റം പകരുകയായിരുന്നു.
Copyright @ 2022 , Rashtra Deepika Ltd.