കേരള നാച്ചുറൽസിന്‍റെ ഇന്തുപ്പ് ലോക മാർക്കറ്റിൽ ഏറ്റവും ഡിമാൻഡുള്ള ഉത്പന്നമാണ്. ഇരട്ടിമധുരം, രക്തചന്ദനം, രാമച്ചം, മൈലാഞ്ചി, നീലയമരി തുടങ്ങി ആരോഗ്യ സൗന്ദര്യ വർധക ഉത്പന്നങ്ങളുമുണ്ട്.
രാമച്ചത്തിന്‍റെയും ഇഞ്ചയുടെയും ബാത്ത് സ്കർബർ ലോക മാർക്കറ്റിൽ നന്നായി വിറ്റഴിയുന്ന ഉത്പന്നമാണ്. കേരള നാച്ചുറൽസ്, കാനൻ നാച്ചുറൽസ് ബ്രാൻഡിലായി 40 ഇനം ആരോഗ്യ, സൗന്ദര്യവർധക ഉത്പന്നങ്ങൾ വിപണിയിലുണ്ട്.
ചക്കയും കപ്പയുമാണ് ഭക്ഷ്യഉത്പന്നങ്ങളിൽ പ്രധാനം. ചക്കപൊടി, ചക്ക ഉണക്കിയത്, ചക്കക്കുരുപൊടി, വാട്ടുകപ്പ തുടങ്ങിയവയ്ക്ക് ആവശ്യക്കാരേറെയാണ്. മാത്യു ജോസഫിന്റെ കടനാട്ടിലെ വീടിനോടു ചേർന്നാണ് ഓഫീസ് പ്രവർത്തിക്കുന്നത്.
ഭാര്യ പ്രീതിയുടെ നേതൃത്വത്തിൽ തദ്ദേശീയരായ എട്ടുവനിതകൾ ഇവിടെ ജോലി ചെയ്യുന്നു. www. keralanaturals.com എന്ന കേരള നാച്ചുറൽസിന്‍റെ ഔദ്യോഗിക വെബ്സൈറ്റ് വഴിയാണ് ഓർഡറുകൾ ലഭിക്കുന്നത്.
ആമസോണ്, ഫ്ളിപ് കാർട്ട് തുടങ്ങിയ ഓണ്‍ലൈൻ വ്യാപാര സൈറ്റുകളിലും ഉത്പന്നങ്ങൾ ലഭ്യമാണ്. ഇന്ത്യയിലെ പ്രമുഖ നഗരങ്ങളിലെ പ്രമുഖ ഔട്ട്ലറ്റുകളിലും സൂപ്പർമാർക്കറ്റുകളിലും കേരള നാച്ചുറൽ ഉത്പന്നങ്ങൾ കിട്ടും.
2012ൽ ചെറിയ സംരഭമായി തുടങ്ങിയ കേരള നാച്ചുറൽസിന് ഇതിനോടകം ദേശീയ, അന്തർദേശീയ അംഗീകാരങ്ങളും ഗുണമേന്മയ്ക്കുള്ള സർട്ടിഫിക്കറ്റുകളും ലഭിച്ചിട്ടുണ്ട്.
പ്രകൃതി ദത്ത ഉത്പന്നങ്ങൾക്കൊപ്പം നിലവിളക്ക്, ആറന്മുള കണ്ണാടി ഉൾപ്പെടെയുള്ള ഹാൻഡിക്രാപ്റ്റ് ഉത്പന്നങ്ങളും നിർമിച്ചു നൽകുന്നു. ഇതിനു വിപണിയിൽ ആവശ്യക്കാരേറെയാണ്.
ആളുകൾ ആവശ്യപ്പെടുന്ന കൂടുതൽ പ്രകൃതി ദത്തമായ ആരോഗ്യ സൗന്ദര്യവർധക ഉത്പന്നങ്ങളും ഭക്ഷ്യ ഉത്പന്നങ്ങളും വിപണിയിലെത്തിക്കുന്നതിനുള്ള തയാറെടുപ്പിലാണു മാത്യു ജോസഫ്.
ഒപ്പം ഓർഡർ ചെയ്തു കഴിഞ്ഞാൽ അതിവേഗം സാധനങ്ങൾ ആവശ്യക്കാരുടെ കൈകളിലെത്തിക്കുന്നതിനുള്ള സംവിധാനം ഏർപ്പെടുത്താനും അദ്ദേഹം ശ്രമിക്കുന്നു.
ഫോണ്: 8547886255.