വണ്ടിപ്പെരിയാർ മിനി സ്റ്റേഡിയത്തിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് രാരിച്ചൻ നീറണാക്കുന്നേൽ നിർവഹിക്കുന്നു.
വണ്ടിപ്പെരിയാർ: മിനി സ്റ്റേഡിയം ജില്ലാ പഞ്ചായത്ത് പ്രസിഡന്റ് രാരിച്ചൻ നീറണാക്കുന്നേൽ ഉദ്ഘാടനം ചെയ്തു. അവസാനശ്വാസം വരെ നാടിന്റെ വികസനത്തിനായി നിലകൊണ്ട നേതാവാണ് വാഴൂർ സോമനെന്ന് അദ്ദേഹം പറഞ്ഞു.
മിനി സ്റ്റേഡിയത്തിന്റെ ഉദ്ഘാടനത്തിന് ശേഷം നടന്ന യോഗത്തിൽ എം എൽ എയെ അനുസ്മരിച്ചു സംസാരിക്കുകയായിരുന്നു അദ്ദേഹം. കായിക താരങ്ങൾക്ക് മികച്ച പശ്ചാത്തല സൗകര്യം ഒരുക്കാനാണ് സ്റ്റേഡിയം നിർമിച്ചതെന്നും അദ്ദേഹം പറഞ്ഞു.
മിനി സ്റ്റേഡിയത്തിന് വാഴൂർ സോമൻ എംഎൽഎ സ്മാരക സ്റ്റേഡിയം എന്ന് നാമകരണ പ്രഖ്യാപനവും നടത്തി.വോളിബോൾ, ഫുട്ബോൾ, ക്രിക്കറ്റ്, കബഡി തുടങ്ങി വിവിധയിനങ്ങളിൽ പരിശീലനം നടത്താൻ സ്റ്റേഡിയത്തിൽ സാധിക്കും.വണ്ടിപ്പെരിയാർ കമ്മ്യൂണിറ്റി ഹാളിൽ നടന്ന യോഗത്തിൽ പഞ്ചായത്ത് പ്രസിഡന്റ് കെ.എം.ഉഷ അധ്യക്ഷതവഹിച്ചു.
ദേശീയ, സംസ്ഥാന പഞ്ചായത്ത് തലങ്ങളിൽ വിവിധ കായികയിനങ്ങളിൽ ജേതാക്കളായവരെ ചടങ്ങിൽ ആദരിച്ചു.ജില്ലാ പഞ്ചായത്തംഗം എസ്.പി.രാജേന്ദ്രൻ, സ്ഥിരംസമിതി ചെയർപേഴ്സണ് ഷീല കുളത്തിങ്കൽ, ചെറുകിട തോട്ടം തൊഴിലാളി ക്ഷേമനിധി ബോർഡ് ചെയർമാൻ പി.എസ്.രാജൻ, ബ്ലോക്ക് പഞ്ചായത്ത് വൈസ് പ്രസിഡന്റ് സെൽവത്തായി, ബ്ലോക്ക് മെംബർ പി. മാലതി, താലൂക്ക് സപ്ലൈ ഓഫീസർ എം. ഗണേശൻ,വിവിധ വാർഡ് മെംബർമാർ എന്നിവർ ചടങ്ങിൽ പങ്കെടുത്തു.
Tags : Vandiperiyar nattuvisesham local news