2

മം​ഗ​ലം​ഡാം: വ​ഴി​ന​ട​ക്കാ​നാ​കാ​ത്തവി​ധം ത​ക​ർ​ന്നുകി​ട​ന്നി​രു​ന്ന മം​ഗ​ലം​ഡാം ടൗ​ണി​ലെ 35 എ​ന്ന പ്ര​ദേ​ശ​ത്തെ റോ​ഡ് റീ​ടാ​റിം​ഗ് ന​ട​ത്തി.​ കാ​ല​ങ്ങ​ളാ​യു​ള്ള പ്ര​ദേ​ശ​വാ​സി​ക​ളു​ടെ മു​റ​വി​ളി​ക്ക് തെ​ര​ഞ്ഞെ​ടു​പ്പു വ​രേ​ണ്ടിവ​ന്നു എ​ന്ന് മാ​ത്രം. മം​ഗ​ലം​ഡാം ഉ​ദ്യാ​ന​ത്തി​ലേ​ക്കു​ള്ള പ്ര​വേ​ശ ക​വാ​ട​ത്തി​നോ​ട് ചേ​ർ​ന്നു​ള്ള ഇ​ടു​ങ്ങി​യ വ​ഴി​യി​ലൂ​ടെ തു​ട​ങ്ങു​ന്ന​താ​ണ് 35 ലേ​ക്കു​ള്ള റോ​ഡ്. പ്ര​വേ​ശ​ന ഭാ​ഗ​ത്തും 450 മീ​റ്റ​ർ പി​ന്നി​ട്ട് റോ​ഡ് അ​വ​സാ​നി​ക്കു​ന്ന ഡാം ​തോ​ണി​ക​ട​വ് ഭാ​ഗ​ത്തും ടാ​റിം​ഗ് ന​ട​ത്തി​യി​ല്ല.

എ​സ്റ്റി​മേ​റ്റ് ദൂ​രം വി​ട്ടു​ള്ള​താ​ണ് ര​ണ്ട​റ്റ​ങ്ങ​ളെ​ന്നാ​ണ് പ​റ​യു​ന്ന​ത്. എ​ഴു​പ​തോ​ളം വീ​ടു​ക​ളു​ണ്ട് ഈ ​പ്ര​ദേ​ശ​ത്ത്. ഇ​റി​ഗേ​ഷ​ൻ വ​കു​പ്പി​നു കീ​ഴി​ലു​ള്ള​താ​ണ് ഈ ​റോ​ഡ്. വ​ർ​ഷ​ങ്ങ​ൾ​ക്കു മു​മ്പ് ഇ​ത് ടാ​ർ റോ​ഡാ​യി​രു​ന്നു. എ​ന്നാ​ൽ ടാ​റിം​ഗി​ന്‍റെ ശേ​ഷി​പ്പു​ക​ൾ മാ​ത്ര​മെ അ​വ​സാ​നഘ​ട്ട​ത്തി​ൽ റോ​ഡി​ൽ പ​ല​യി​ട​ത്തു​മു​ണ്ടാ​യി​രു​ന്നു​ള്ളു.

മം​ഗ​ലം​ഡാം ക​മ്മീ​ഷ​ൻ ചെ​യ്ത​ത് മു​ത​ൽ 70 വ​ർ​ഷ​ത്തോ​ള​മാ​യി പ്ര​ദേ​ശ​ത്തേ​ക്കു​ള്ള വ​ഴി​യും ഇ​താ​ണ്. സി​സ്റ്റേ​ഴ്സി​ന്‍റെ കോ​ൺ​വ​ന്‍റ് ഉ​ൾ​പ്പെ​ടെ തി​ങ്ങി​നി​റ​ഞ്ഞ് വീ​ടു​ക​ളു​ണ്ട് 35 പ്ര​ദേ​ശ​ത്ത്. വീ​ടു​ക​ൾ​ക്ക് മു​ന്നി​ലു​ള്ള ഇ​റി​ഗേ​ഷ​ൻ ഭൂ​പ്ര​ദേ​ശ​ങ്ങ​ൾ പൊ​ന്ത​ക്കാ​ടാ​യി കി​ട​ക്കു​ന്ന​തി​നാ​ൽ പ്ര​ദേ​ശം മു​ഴു​വ​ൻ പ​ന്നി​ക്കൂ​ട്ട​ങ്ങ​ൾ കൈ​യ​ട​ക്കി​യ​തും പ്ര​ദേ​ശ​വാ​സി​ക​ൾ​ക്ക് ദു​രി​ത​മാ​യി​ട്ടു​ണ്ട്. ആ​ളു​ക​ൾ മാ​ലി​ന്യം ത​ള്ളു​ന്ന​തും പ​ഴ​യ​കാ​ല​ത്ത് പൂ​ന്തോ​ട്ട​ങ്ങ​ൾ നി​റ​ഞ്ഞ സ്ഥ​ല​ങ്ങ​ളി​ലാ​ണ്.

വ​ഴി​വ​ക്കി​ൽ അ​പ​ക​ടഭീ​ഷ​ണി​യാ​യി നി​ൽ​ക്കു​ന്ന വ​ൻ​മ​ര​ങ്ങ​ൾ മു​റി​ച്ചു​മാ​റ്റി ഭീ​തി​യി​ല്ലാ​തെ ന​ട​ന്നു പോ​കാ​ൻ കൂ​ടി സൗ​ക​ര്യ​മു​ണ്ടാ​ക്ക​ണ​മെ​ന്നും 35 ലെ ​വീ​ട്ടു​കാ​രാ​യ കൊ​ട്ടാ​ര​ത്തി​ൽ ജെ​യിം​സ്, ദേ​വ​മാ​താ കു​ഞ്ഞു​മോ​ൻ എ​ന്നി​വ​ർ ആ​വ​ശ്യ​പ്പെ​ട്ടു.

Tags : Road resurfacing nattuvisesham local news