23

തൊ​ടു​പു​ഴ: അ​റ​ക്കു​ളം പ​ഞ്ചാ​യ​ത്തി​ൽ എ​കെ​ജി ജം​ഗ്ഷ​നി​ൽ തൊ​ടു​പു​ഴ​യാ​റി​നു കു​റു​കെ നി​ർ​മി​ക്കു​ന്ന കോ​ണ്‍​ക്രീ​റ്റ് പാ​ല​ത്തി​ന്‍റെ ന​ട​പ​ടിക്ര​മ​ങ്ങ​ൾ പൂ​ർ​ത്തി​യാ​യി. ഇ​തി​നാ​യി ആ​റു കോ​ടി രൂ​പ അ​നു​വ​ദി​ച്ചുകൊ​ണ്ടു​ള്ള ഫ​യ​ലി​ൽ സ​ർ​ക്കാ​ർ ക​ഴി​ഞ്ഞ ദി​വ​സം ഉ​ത്ത​ര​വി​റ​ക്കി​യി​രു​ന്നു.

ടൂ​റി​സം വി​ക​സ​ന​ത്തി​ന് കു​തി​പ്പേ​കു​ന്ന കോ​ണ്‍​ക്രീ​റ്റ് പാ​ലം നി​ർ​മി​ക്ക​ണ​മെ​ന്ന​ത് നാ​ട്ടു​കാ​രു​ടെ ഏ​റെ​ക്കാ​ല​മാ​യ ആ​വ​ശ്യ​മാ​യി​രു​ന്നു. ഇ​തി​നാ​യി പ്രാ​ഥ​മി​ക സ​ർ​വേ, സോ​യി​ൽ ടെ​സ്റ്റ്, എ​സ്റ്റി​മേ​റ്റ് എ​ന്നി​വ ത​യാ​റാ​ക്കി ബ​ജ​റ്റി​ൽ പ്ര​ഖ്യാ​പ​നം ന​ട​ത്തി​യി​രു​ന്നു.

നി​ല​വി​ലു​ള്ള തൂ​ക്കു​പാ​ല​ത്തി​ന് സ​മീ​പ​മാ​ണ് 11 മീ​റ്റ​ർ വീ​തി​യു​ള്ള പു​തി​യ കോ​ണ്‍​ക്രീ​റ്റ് പാ​ലം നി​ർ​മി​ക്കു​ന്ന​ത്. ഇ​തി​നാ​യി ആ​രം​ഭഭാ​ഗ​ത്ത് സ്ഥ​ലം ഏ​റ്റെ​ടു​ക്കു​ന്ന​തി​നു​ള്ള ന​ട​പ​ടി​യും പൂ​ർ​ത്തീ​ക​രി​ച്ചി​രു​ന്നു. പാ​ലം യാ​ഥാ​ർ​ഥ്യ​മാ​കു​ന്ന​തോ​ടെ മൂ​ല​മ​റ്റം, അ​റ​ക്കു​ളം ഭാ​ഗ​ങ്ങ​ളി​ലേ​ക്ക് എ​ത്തി​ച്ചേ​രാ​ൻ മൂ​ന്നു കി​ലോ​മീ​റ്റ​റോ​ളം ദൂ​രം കു​റ​യും.

നി​ല​വി​ലു​ള്ള റോ​ഡ് വീ​തി കൂ​ട്ടി മു​ന്നു​ങ്ക​വ​യ​ൽ, കൂ​വ​പ്പ​ള്ളി, ഇ​ല​വീ​ഴാ​പ്പൂ​ഞ്ചി​റവ​ഴി ഈ​രാ​റ്റു​പേ​ട്ട​യ്ക്ക് ഗ​താ​ഗ​തസൗ​ക​ര്യം ഒ​രു​ക്കു​ന്ന​തി​നും പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്നു. ഇ​തു​വ​ഴി ഇ​രാ​റ്റു​പേ​ട്ട​യി​ലേ​ക്ക് 18 കി​ലോ​മീ​റ്റ​റോ​ളം ദൂ​രം ലാ​ഭി​ക്കാ​നും ക​ഴി​യും. ഇ​തി​നു സ​മീ​പ​ത്താ​യി വി​നോ​ദസ​ഞ്ചാ​രി​ക​ൾ​ക്കാ​യി മൂ​ല​മ​റ്റം പ​വ​ർ ഹൗ​സി​ന്‍റെ മി​നി​യേ​ച്ച​ർ മോ​ഡ​ൽ സ്ഥാ​പി​ക്കു​ന്ന​തി​നു​ള്ള പ്രാ​രം​ഭ ന​ട​പ​ടി​ക​ളും ആ​രം​ഭി​ച്ചി​ട്ടു​ണ്ട്.

Tags : AKG Concrete Bridge nattuvisesham local news