23

ഹ​രി​പ്പാ​ട്: മ​ണ്ണാ​റ​ശാ​ല നാ​ഗ​രാ​ജ​ക്ഷേ​ത്ര​ത്തി​ലെ ആ​യി​ല്യം മ​ഹോ​ത്സ​വം ഇ​ന്ന് മ​ഹാ​ദീ​പ​ക്കാ​ഴ്ച​യോ​ടെ തു​ട​ങ്ങും. ചൊ​വ്വാ​ഴ്ച​യാ​ണ് പൂ​യം തൊ​ഴ​ൽ. ബു​ധ​നാ​ഴ്ച ആ​യി​ല്യം എ​ഴു​ന്ന​ള്ള​ത്തും പൂ​ജ​യും ന​ട​ക്കും.
ഇ​ന്ന് വൈ​കി​ട്ട് 3.30ന് ​നാ​ഗ​രാ​ജ​പു​ര​സ്കാ​ര സ​മ​ർ​പ്പ​ണം. ക​വി​യും ച​ല​ച്ചി​ത്ര ഗാ​ന​ര​ച​യി​താ​വു​മാ​യ കൈ​ത​പ്രം ദാ​മോ​ദ​ര​ൻ ന​മ്പൂ​തി​രി സ​മ്മേ​ള​നം ഉ​ദ്ഘാ​ട​നം ചെ​യ്യും.​ മു​തി​ർ​ന്ന കു​ടും​ബാം​ഗം എം.​ജി. ജ​യ​കു​മാ​ർ അ​ധ്യ​ക്ഷ​ത വ​ഹി​ക്കും.​

ഹ​രി​പ്പാ​ട് ‌ന​ഗ​ര​സ​ഭാ ചെ​യ​ർ​മാ​ൻ കെ.​കെ.​ രാ​മ​കൃ​ഷ്ണ​ൻ സ​മാ​ദ​ര​ണ​വും കേ​ര​ള ക​ലാ​മ​ണ്ഡ​ലം കൂ​ടി​യാ​ട്ട അ​ധ്യാ​പ​ക​ൻ ജി​ഷ്ണു പ്ര​താ​പ് പു​ര​സ്കാ​ര​ദാ​ന ആ​മു​ഖ​പ്ര​സം​ഗ​വും ന​ട​ത്തും.​ കു​ടും​ബ കാ​ര​ണ​വ​ർ എം.​കെ.​ പ​ര​മേ​ശ്വ​ര​ൻ ന​മ്പൂ​തി​രി, ഇ​ള​യ കാ​ര​ണ​വ​ർ എം.​കെ. കേ​ശ​വ​ൻ ന​മ്പൂ​തി​രി എ​ന്നി​വ​ർ പു​ര​സ്കാ​ര​ദാ​നം നി​ർ​വ​ഹി​ക്കും. എം.​എ​സ്. വാ​സ​ൻ പ്ര​ശം​സാ​പ​ത്ര സ​മ​ർ​പ്പ​ണം ന​ട​ത്തും. ചെ​ങ്ങ​ന്നൂ​ർ ക​ഥ​ക​ളി ആ​സ്വാ​ദ​ന സ​മി​തി സെ​ക്ര​ട്ട​റി കെ.​ ഹ​രി​ശ​ങ്ക​ർ, ബാ​സ്‌ മ​ണ്ണാ​റ​ശാ​ല, എ​ൻ. ജ​യ​ദേ​വ​ൻ എ​ന്നി​വ​ർ പ്ര​സം​ഗി​ക്കും.

ക്ഷേ​ത്ര​ക​ല​ക​ളി​ലെ പ്ര​ഗ​ത്ഭ​രാ​യ ക​ലാ​നി​ല​യം രാ​ഘ​വ​ൻ(​നാ​ട്യം), ക​ലാ​മ​ണ്ഡ​ലം ച​ന്ദ്രി​കാ മേ​നോ​ൻ (നൃ​ത്തം), വി.​വി. സു​ബ്ര​ഹ്മ​ണ്യം (​ഗീ​തം)​, കു​റൂ​ർ വാ​സു​ദേ​വ​ൻ ന​മ്പൂ​തി​രി (വാ​ദ്യം) എ​ന്നി​വ​ർ​ക്ക​ർ​ക്കാ​ണ് നാ​ഗ​രാ​ജ പു​ര​സ്കാ​രം ന​ൽ​കി ആ​ദ​രി​ക്കു​ന്ന​ത്. 50,000 രൂ​പ​യും പ്ര​ശ​സ്തി പ​ത്ര​വും ഫ​ല​ക​വും അ​ട​ങ്ങു​ന്ന​താ​ണ് പു​ര​സ്കാ​രം.

ആ​യി​ല്യ​ത്തി​നു മു​ന്നോ​ടി​യാ​യി ന​ട​ത്തു​ന്ന കാ​വി​ൽ​പ്പൂ​ജ​യും നാ​ഗ​രാ​ജാ​വി​നും സ​ർ​പ്പ​യ​ക്ഷി​ക്കും മു​ഴു​ക്കാ​പ്പു​ചാ​ർ​ത്ത​ലും പു​ണ​ർ​തം നാ​ളി​ൽ പൂ​ർ​ത്തി​യാ​കും. വൈ​കിട്ട് അ​ഞ്ചി​നു ന​ട​തു​റ​ക്കും. പി​ന്നാ​ലെ മ​ഹാ​ദീ​പ​ക്കാ​ഴ്ച തു​ട​ങ്ങും. പൂ​യം നാ​ളാ​യ നാളെ ആ​യി​ല്യ​ത്തി​നു മു​ന്നോ​ടിയാ​യി മ​ണ്ണാ​റ​ശാ​ല വ​ലി​യ​മ്മ സാ​വി​ത്രി അ​ന്ത​ർ​ജ​നം ന​ട​ത്തിവ​ന്ന വി​ശേ​ഷാ​ൽ പൂ​ജ​ക​ൾ പൂ​ർ​ണ​മാ​കും. അ​ന​ന്ത​ന്‍റെ ഭാ​വ​ത്തി​ലു​ള്ള തി​രു​വാ​ഭ​ര​ണ​ങ്ങ​ളാ​ണ് അ​ന്ന് നാ​ഗ​രാ​ജാ​വി​നു ചാ​ർ​ത്തു​ന്ന​ത്.

ആ​യി​ല്യം നാ​ളാ​യ 11ന് പു​ല​ർ​ച്ചെ നാ​ലി​ന് ന​ട​തു​റ​ക്കും. 8 മു​ത​ൽ വ​ലി​യ​മ്മ ഇ​ല്ല​ത്തെ നി​ല​വ​റ​യ്ക്കു സ​മീ​പം ഭ​ക്ത​ർ​ക്കു ദ​ർ​ശ​നം ന​ൽ​കും. ഉ​ച്ച​പൂ​ജ​യ്ക്കു​ശേ​ഷം ഇ​ല്ല​ത്തെ കാ​ര​ണ​വ​രു​ടെ മേ​ൽ​നോ​ട്ട​ത്തി​ൽ നി​ല​വ​റ​യ്ക്കു സ​മീ​പ​ത്തെ ത​ള​ത്തി​ൽ നാ​ഗ​പ​ദ്‌​മ​ക്ക​ളം വ​ര​യ്ക്കും.

ശം​ഖ് വാ​ദ്യ​ത്തി​ന്‍റെയും കു​ര​വ​യു​ടെ​യും അ​ക​മ്പ​ടി​യി​ലാ​ണി​ത്.​ ക​ളം പൂ​ർ​ത്തി​യാ​കു​മ്പോ​ൾ വ​ലി​യ​മ്മ ശ്രീ​കോ​വിലി​ലെ​ത്തും.​ പൂ​ജ​ക​ൾ​ക്കു​ശേ​ഷം നാ​ഗ​രാ​ജാ​വി​ന്‍റെ ത​ങ്ക​ത്തി​രു​മു​ഖ​വും നാ​ഗ​ഫ​ണ​വു​മാ​യി കി​ഴ​ക്കേ​ന​ട​യി​ലേ​ക്ക് എ​ഴു​ന്ന​ള്ളും.​

ഇ​ള​യ​മ്മ സ​ർ​പ്പ​യ​ക്ഷി​യു​ടെ​യും കാ​ര​ണ​വ​ന്മാ​ർ നാ​ഗ​ചാ​മു​ണ്ഡി, നാ​ഗ​യ​ക്ഷി തി​ട​മ്പു​ക​ളു​മാ​യി അ​നു​ഗ​മി​ക്കും. എ​ഴു​ന്ന​ള്ള​ത്ത് ഇ​ല്ല​ത്തെ നി​ല​വ​റ​യ്ക്കു സ​മീ​പ​ത്തെ ത​ള​ത്തി​ൽ എ​ത്തി​ച്ചേ​രുമ്പോ​ൾ നാ​ഗ​ക്ക​ള​ങ്ങ​ളി​ൽ തി​ട​മ്പു​ക​ൾ സ​മ​ർ​പ്പി​ച്ച് വ​ലി​യ​മ്മ ആ​യി​ല്യം പൂ​ജ തു​ട​ങ്ങും. ഒ​ൻ​പ​തു മ​ണി​ക്കൂ​റോ​ളം നീ​ളു​ന്ന പൂ​ജ​ക​ൾ പു​ല​ർ​ച്ചെ​യാ​ണ് പൂ​ർ​ണ​മാ​കു​ന്ന​ത്.

Tags : Local News Pathanamthitta Nattuvishesham