കേരള വ്യാപാരി വ്യവസായി ഏകോപന സമിതി കാച്ചാണി യൂണിറ്റിന്റെ ആഭിമുഖ്യത്തിൽ സംഘടിപ്പിച്ച അംഗങ്ങളുടെ കുടുംബസുരക്ഷ ധനസഹായ വിതരണവും മുതിർന്ന വ്യാപാരികളെ ആദ
നെടുമങ്ങാട്: കേരള വ്യാപാരി വ്യവസായി ഏകോപന സമിതി കാച്ചാണി യൂണിറ്റിന്റെ ആഭിമുഖ്യത്തിൽ അംഗങ്ങളുടെ കുടുംബസുരക്ഷ ധനസഹായവിതരണവും മുതിർന്ന വ്യാപാരികളെ ആദരിക്കുന്ന ചടങ്ങും ജി. സ്റ്റീഫൻ എംഎൽഎ ഉദ്ഘാടനം ചെയ്തു. യൂണിറ്റ് പ്രസിഡന്റ് ശ്രീകണ്ഠൻ കാച്ചാണി അധ്യക്ഷനായി.
സംസ്ഥാന സെക്രട്ടറി വൈ. വിജയൻ, ജില്ലാ ജനറൽ സെക്രട്ടറി ജോഷിബാസു, ജില്ലാ പ്രസിഡന്റ് ധനീഷ് ചന്ദ്രൻ, മേഖലാ പ്രസിഡന്റ് വെള്ളനാട് സുകുമാരൻ നായർ, ജനറൽ സെക്രട്ടറി സനോജ്, കാച്ചാണി യൂണിറ്റ് ജനറൽ സെക്രട്ടറി മണികണ്ഠൻ നായർ, ട്രഷറർ സുനിൽ കുമാർ, അരുവിക്കര യൂണിറ്റ് പ്രസിഡന്റ് ചന്ദ്രശേഖരൻ നായർ, മുക്കോല യൂണിറ്റ് പ്രസിഡന്റ് ഷാജഹാൻ തുടങ്ങിയവർ പ്രസംഗിച്ചു.
കുടുംബസുരക്ഷാ പദ്ധതിയിൽ അംഗമായിരിക്കെ മരണമടഞ്ഞ കാച്ചാണി യൂണിറ്റിലെ ജനാർദ്ദനൻ നായരുടെ അവകാശിക്ക് 10 ലക്ഷം രുപയുടെ ചെക്ക് ചടങ്ങിൽ കൈമാറി. മുതിർന്ന വ്യാപാരികളെ ചടങ്ങിൽ ആദരിച്ചു.