ഏറ്റുമാനൂർ: ക്രിസ്തുരാജ പള്ളിയിൽ മിശിഹായുടെ രാജത്വത്തിരുനാൾ 14ന് കൊടിയേറി 24ന് സമാപിക്കും. 14ന് വൈകുന്നേരം അഞ്ചിന് വികാരി ഫാ. തോമസ് കുത്തുകല്ലുങ്കൽ കൊടിയേറ്റും. തുടർന്ന് അതിരമ്പുഴ ഫൊറോനാ വികാരി ഫാ. മാത്യു പടിഞ്ഞാറേക്കുറ്റിന്റെ മുഖ്യകാർമികത്വത്തിൽ ഫൊറോനയിലെ വൈദികർ വിശുദ്ധ കുർബാനയർപ്പിക്കും.
15നും 17 മുതൽ 21 വരെയും വൈകുന്നേരം അഞ്ചിനും 16ന് വൈകുന്നേരം നാലിനും വിശുദ്ധ കുർബാന, പ്രസംഗം, ക്രിസ്തുരാജ പ്രാർഥന, ലദീഞ്ഞ് എന്നിവ നടക്കും.
22ന് വൈകുന്നേരം 4.45ന് റവ.ഡോ. വർഗീസ് പുത്തൻപുരയ്ക്കലിന്റെ മുഖ്യകാർമികത്വത്തിൽ വി
ശുദ്ധ കുർബാന. തുടർന്ന് പട്ടണ പ്രദക്ഷിണം നടക്കും. പള്ളിയിൽനിന്ന് ആരംഭിക്കുന്ന പ്രദക്ഷിണം അതിരമ്പുഴ റോഡിലൂടെ കോടതിപ്പടിയിലെത്തി തുമ്പശേരിപ്പടി, എംസി റോഡ് വഴി കുരിശുപള്ളിയിൽ എത്തി പ്രാർഥനയ്ക്കുശേഷം പള്ളിയിൽ സമാപിക്കും.
പ്രധാനതിരുനാൾ ദിനമായ 23ന് രാവിലെ 9.30ന് ഫാ. വർഗീസ് ഇലഞ്ഞിപ്പറമ്പിലിന്റെ മുഖ്യകാർമികത്വത്തിൽ ആഘോഷമായ റാസ. റവ.ഡോ. സോണി തെക്കുംമുറിയിൽ വചനസന്ദേശം നൽകും. വൈകുന്നേരം നാലിന് ഫാ. ജോസ് മുകളേലിന്റെ കാർമികത്വത്തിൽ വിശുദ്ധ കുർബാനയർപ്പിക്കും. ആറിന് പള്ളിയിൽനിന്ന് ആരംഭിക്കുന്ന തിരുനാൾ പ്രദക്ഷിണം നീണ്ടൂർ റോഡിലൂടെ മർത്ത്മറിയം കുരിശടിയിൽ എത്തി കണ്ണാർമുകൾ റോഡ് വഴി എംസി റോഡിൽ പ്രവേശിച്ച് പള്ളിയിലെത്തി സമാപിക്കും.
24ന് വൈകുന്നേരം അഞ്ചിന് ശാന്തിതീരം സെമിത്തേരി ചാപ്പലിൽ വിശുദ്ധ കുർബാനയും പൂർവിക സ്മരണയും നടക്കും.
Tags : Local News Kottayam Nattuvishesham